الموضوع: تـويوتـــا كورولا أو سكودا فانتازيا ؟؟

المشاركة الأصلية كتبت بواسطة asdy97

السلام عليكم

احب اقول حاجة في مصر عندنا هنا بس اللي ميقدرش يشتري الكورلا بيشتري المتسوبيشي لانسر و يقعد يشتم في الكورولا و اللي ركبنها
و اللي ميقدرش على فرق السعر بين الكورولا و الاوكتافيا يشتري الكورلا و يقعد يتكلم على الاوكتافيا
لو كل واحد رضى برزقه كان ربنا كرم الجميع

لو حضرتك تقصدنى فحضرتك غلطان 100%
لان لما اتكلمت عن قاعدة الاوكتافيا والكورولا ده واقع بنسبة 100% وما اعرفش الفانتزيا نظامها ايه لكن الكراسى بتاعة الاوكتافيا a5 متعبه جدا فى السفر عن الكورولا ولو قارنت كراسى الاوكتافيا بالجيتا هتلاقى كراسى الجيتا فيه تقعير من الجانبين لراحة الرجلين غير الاوكتافيا نهائيا
ثانيا بالنسبه لموضوع ان اللى معهوش فلوس الاوكتافيا وجاب كورولا فبيشتم فى الاوكتافيا زى ما حضرتك شايف كدا الكامله من الكورولا ثمنها = الفاضيه من الاوكتافيا وناس كتيره محتاره بينه
المقارنه بين العربيتين تتضمن
انهم نفس الفئه
نفس الابعاد الخارجيه
طول الكورولا 454 سم وطول الاوكتافيا 457 سم
عرض الكورولا 176 سم وعرض الاوكتافيا 177 سم
ارتفاع الكورولا 146.5 سم وارتفاع الاوكتافيا 146 سم
قاعدة عجلات الكورولا 260 سم والاوكتافيا 258 سم
الوزن 1270 كجم لكورولا mmt يعنى الاوتو فى حدود 1300 كجم ووزن الاوكتافيا 1290 كجم
يعنى كدا العربيتين من ناحية الابعاد والاوزان متساويه
نيجى بقا للامان
الكورولا 5 نجوم فى اختبارات EURO NCAP
الاوكتافيا 4 نجوم فى اختبارات EURO NCAP

ya gam3a ana shoft el brochures bet3 el 3rbteen l2eet en el fantsaia a7la kteer bgd kfia el ASR eli feha ya gam3a fe el nahya mafesh mokrna ban el 3rbteen el FANTSIA teskasb

يا جماعة بصراحة انا مامتلكتش الكورولا قبل كده بس كان عندى اوكتافيا a5 وعملت test drive للكورولا هى العربية حلوة جدا وجراية اكتر من الاوكتافيا واستجابتها اسرع كتير بس فى راىى ان يعيبها الاتى
1- التقفيل الجنوب افريقى ليس سئ ولكنك تحس انك جوا عربية بلاستك فخامات التقفيل ليست غنية مثل الاوكتافيا
2- العربية ثابتة بس تحسها خفيفة برده وبصراحة انا ماجربتهاش على سفر وسرعات عاليىة
3- صاجها اكيد اضعف

اما بالنسبة لموضوع سعر اعادة البيع فالموضوع ليس فى الماركة فقط
فعموما كلما ارتفعت بمستوى كماليات السيارة كلما زادت الخسارة

يعنى مثلا ال base بتاع الاوكتافيا هيخسر اقل من التوب بتاع التويوتا وده لان الناس فى مصر مش بتقدر الكماليات الزيادة

اما الاوكتافيا فهى عربية غنية جدا من الداخل وكل خاماتها فخمة جدا جدا جدا وكمان وانت راكبها تحس انك متحصن وانك راكب عربية تقيلة كده وده طبعا ليه ضريبة اللى هى تقل العربية فبالتالى ضعف السحب بس ده مش معناه ان موتورها ضعيف

اللى ساقها وجرب ال S فيها هيعرف انها برضه ممكن تشد وتحرق

وعلى فكرة انا غيرت عربيات كتير منهم الاتى
128 - هيونداى اكسل - لانوس - نوبيرا - النترا 2005 - بيجو 307 - اوبل فكترا 2007 - بى ام 316 2007 - اوكتافيا A5 - جيب ليبرتى 2009 - وباشترى دلوقتى فانتازيا 2010

ودى بصراحة العربية الوحيدة اللى فكرت اكررها بس انا باجيب الاليجانس

وبصراحة هى من غير الابشن مالهاش معنى

وفى النهايى حابب اقول بغض النظر عن كا مقارنات الارقاو وال Crash Tests - والحقائق دى كلها هى اذواق وراحة ومزاج

انا واحد من الناس فضلت اركب اوكتافيا مليانة اوبشنز وواسعة احسن من ال بى ام وكنت مرتاح كده

وربنا يوفقك وصلى استخارة واذا كنت بتحب الاوبشنز ودى ميزانيتك هات التويوتا

واسف على التطويل

علشان ما تغيرش كبالن

دايما افحص كاوتش الكوبلن - ودي حاجة سهلة - لف العجل علي الاخر و حط ايدك علي كاوتش الكوبلن - لو لقيت شحم متسرب غير الكاوتشة علي طول

الي بيبوظ الكوبلن بوظان الكوتش لأنه بيسرب الشحم الي بيحمي الكوبلن

الكاوتشة ب 140 جنية -- الكوبلن ب 4500 جنيه !

بجد أنا بجد كنت محتار جدا بين 3 عربيات
الكرولا 2010 و الهوندا سيفيك و الفانتزيا
بس بعد ما تعرفت على NileMotors.net والمعاينات المعموله لكل عربيه
وضحت ليا الرؤيه وبجد مفيش أحسن من الكرولا من حيث قطع الغيار و أعادة البيع في مصر
بس أنا عندي استفسار.... الكرولا 2010 الأدفنسيد ( الهاي لاين ) الأوتوماتيك
فيها مدخل AUx - USB - iPod

الكورولا واسعة الأنتشار بعكس الفانتازيا (سياسة القطيع )

الفانتازيا أشيك ؟؟؟؟ الشكــــــل أذواق ولو أني أراهان الكورولا أحسن علشان شكل جديد بالكامل ..

ماتعاملتش مع توكيل تويوتا غير مرة واحدة فمشهرف احكم صح ..

الكماليات : الكورولا تكسب وده شئ واضح لكن الكماليات مش مهمة على قد ماالمهم العربية ماتور و عفشة ....

إعادة سعر البيع : للكورولا كأن معاك جنية دهب وماعرفش إيه أخبار الفانتازيا في السوق .
قطع الغيار : سهولة الحصول عليها من أماكن خارج التوكيل وذلك للأنتشار .
بالأرقام : التويوتا أمان عالي ومبيعات عالية ده غير إن الكورولا هي حتة الجاتوه لتويوتا .

بالنسبة للسرعات العالية وأنا لا أحبذها يعني إنت لما هتجري حضرتك هتجري على 200 مثلا ولمدة قد إيه ؟؟؟؟

أحب أقولك إن العربيتين مش مصصمين لتحمل السرعات اللي اتعدي 160 وذلك لعدة أسباب أهمهما ::

1- لما الكورولا تجيب 200 المفروض الكامري والأورويون واللكزس وخلافه من السيارات اللي أكبر من الفانتازيا تجيب كام ولما تبقى العربيتن ثباتهم وهمي زي مالناس بتقول يبقى العربيات السالف ذكرها (الكامري مثلاذ)تجيب السرعات ديه مستريح من غير ماتحس بحاجة

لو حضرتك بتاع سفر كتير مثلا علشان السرعات العالية عندك مثبت سرعة في الكورولا ؟؟ هل يوجد منه في الفانتازيا اللي حضرتك هتشتريها.

حضرتك من كام سنة وانت بتسمع ان الskoda تمام ومن كام سنة وحضرتك تسمع عن جودة corolla ????

حضرتك لو عايز تنام وأنت مرتاح البال يبقى الكورولا علطول

لو عايز تجيب عربية وانت تجرب بنفسك حلوة ولا لأ عملية ولا لأ

حضرتك تروح تجيب الفانتازيا علطووووووول


وربنا يوفقك يارب لما فيه الخير لحضرتك ويبعد عنك كل الشرور يارب ويمتعك بمالك في الصحة والعافية على طول إن شاء الله