الموضوع: حد مشترك فى نادى المقاولون؟؟

المشاركة الأصلية كتبت بواسطة karim_monir

صديقي العزيز اسمحلي اجاوبك عشان تقريبا كل تدريبات العيال فيه

بخصوص موضوع المؤهلات بتوع شركة المقاولين ماتحسش بيها غير في العيدين بسسسسس
خاصة في البسين
ودي كمان قلت قوي عشان معظم العمال دول مابيكونش معاهم اشتراك بسين سنوي
ونزول البسين للمرافق ب 50 جنيه في اليوم وممنوع في الاعياد نهائي ومفيش تهاون وحتى الاطفال ليهم كارنية بصورة ولازم يشوفو

غير كدة طول السنة ماتشوفش المؤهلات المتوسطة دي خالص
فقط في العيد الصغير والكبير لو نويت عالبسين
وقلو قوي اخر سنتين عشان موضوع المرافق ده
وطبعا اهم حاجة فيه الخصوصوية وكل يوم يفتحو صالات جديدة والاهم بالنسبالي وده سبب اشتراكي فيه
انه احسن ناشئين في كل الالعاب في مصر
ودايما بياخدو بطولات

لو حبيت تروح تقضي يوم واتنين كذا مرة قولي واسيبلك الكارنية تدخل بيه عشان تعرف المستوي وتاخد قرار صح

ابو بيدو حبيبي
مش هتصدقني لو قولتلك ان اكتر حاجة مشجعاني اني اشترك في النادي هو انك مشترك فيه.
يمكن مشكلته الوحيدة هي بعد المسافة شوية بحكم سكني في حدائق حلوان
بس الحمد لله العربية بتقرب اي مسافة. خاصة ان الخصوصية والتدريبات اهم حاجتين بدور عليهم في النادي اللي هشترك فيه. وانت طمنتني بخصوص العاملين في الشركة.
ان شاء الله هروح اقابل استاذ انيس في الادارة واتفق معاه على طريقة دفع الاشتراك واتمنى اشوفك هناك ان شاء الله.
الف شكر ليك يابو بيدو على المساعدة القيمة

المشاركة الأصلية كتبت بواسطة karim_monir

ربنا يكرمك يا صاحبي ويبارك فيك
نفس المسافه من عندي ليه هي نفس مسافتك حاجة وعشرين كم
بس بستحمل عشان الخصوصية والادارة القوية جدا
والكافيتريات تقريبا ببلاش :-)
اشوفك بخير هناك يا صاحبي

الله يباركلك في اولادك يابو بيدو ويكونو من ابطال مصر ان شاء الله
انا رحت النادي امبارح ودخلت قابلت واحد اسمه استاذ محمد عبد السميع في الادارة
وشرحلي طريقة الاشتراك بس للاسف الاوراق بتاعتي كانت مش كاملة
ودخلت اخدت جولة داخل النادي واتفرجت على التدريبات واتحسرت على طفولتي اللي راحت هدر ههههههههههههههههه في لعب البلي والجري والشعبطة في العربيات من ورا ههههههههه
التدريبات ماشاء الله هايلة. انا اتفرجت على تدريبات نادي دحلة ونادي مايو بس المقاولين حاسس ان المدربين اكثر اقناعا وجدية والعيال طالع عين اللي خلفوهم هههههههههههه
ان شاء الله اكمل الورق واروح انهاردة او بكرة افتح الملف
والله مش عارف اقولك ايه يابو بيدو. الف شكر على الدعم والمساعدة واتمنى اشوفك باستمرار هناك في النادي

اية الاوراق المطلوبة للاشتراك ؟ وان شاء الحق قبل انتهاء اخازتى

المشاركة الأصلية كتبت بواسطة elrasy

اية الاوراق المطلوبة للاشتراك ؟ وان شاء الحق قبل انتهاء اخازتى

شروط العضوية: مؤهل عال ومتزوج (الغير متزوج يضيف والده او والدته)
قيمة العضوية: 40500 الأعانة الانشائية + 900 المصاريف
المستندات المطلوبة:
صورة من المؤهل الدراسي للزوج والزوجة. (الأصل للاطلاع)
صورة من قسيمة الزواج.
صورة من شهادات ميلاد الأبناء.
صورة من بطاقتي الزوج والزوجة
عدد 2 صورة شخصية لكل فرد

نظام التقسيط
الدفعة 10500+ 900 مصاريف
30000 على سنة : عدد 2 شيك بنكي بمبلغ 15000 جنيه تستحق بعد ستة اشهر من تاريخ سداد الدفعة
30000 على سنتين : عدد 4 شيكات بنكية بمبلغ 8000 جنيه تستحق بعد ستة اشهر من تاريخ سداد الدفعة
30000 على 3 سنين : عدد 6 شيك بنكي بمبلغ 5700 جنيه تستحق بعد ستة اشهر من تاريخ سداد الدفعة

للأتصال :
01221798251
01289999153
01273454127
01226179085

فعلا يا جماعة الاشتراك في نادي المقاولون من بداية السنة دي بقي ب 60750

بداية من 1/1/2014