موضوع الثيرموستات ده 100% صح في أغلب السيارات. ولكن بعض السيارات لا تحتوي على ثيرموستات زي الدايو لانوس بس التحكم فى التبريد بيتم ازاي بصراحة مش عارف ممكن يكون عن طريق بلف بيتحكم فى الفريون
عرض للطباعة
موضوع الثيرموستات ده 100% صح في أغلب السيارات. ولكن بعض السيارات لا تحتوي على ثيرموستات زي الدايو لانوس بس التحكم فى التبريد بيتم ازاي بصراحة مش عارف ممكن يكون عن طريق بلف بيتحكم فى الفريون
التكييف ما بيفصلش و يشتغل ولا حاجة يا جماعة
لما بتزود الؤشر ده علي الأخر بيعدي الهوا جنب فرن الموتور و يسخن
و لما بيبقي بين البينين بيدخل هوا بارد علي عادي و يفضل درجة حرارتة ثابتة و الكمبرسور شغال علي طول
مستحيل يكون الكمبروسر بيفصل ويشتغل تانى علشان لو كده هيكون غلط جدا ان مثلا يفصل ويرجع يشتغل وانت على سرعه عاليه جدا
اكيد الكل عارف ان غلط جدا تشغل التنكيف وانت على سرعه عاليه
مظبوط يا أمير
يا باشا اسمع مني انا بقى الكومبريسور في اي عربية لو تكييفها سليم بيفضل شغال لحد ما الفريون يسقع قوي وبعدين يفصل لحد ما الفريون ييسخن ويرجع يشتغل وكدا. لحد هنا تمام؟
موضوع بكرة الحرارة دة انتا لو جبتها في النص كل اللي بيحصل ان العربية بتجيب هوا سخن من دورة جوا الموتور وتدخله مع الهوا الساقع اللي جاي من تلاجة التكييف يعني مجرد خلط للهوا ملهوش علاقة بدورة التكييف من اساسه ولا تشغيل اوفصل الكومبريسور.
اما سرعة المروحة فهى نظريا ملهاش دعوة برضه بدورة التكييف ولا الكومبريسور بس عمليا اللي بيحصل اما تكون مشغل المروحة على 4 الهوا بيكون شديد قوي وهو بيعدي جوا التلاجة فبيطير منها البرودة بسرعة فالفريون يسخن اسرع والكومبريسور طبعا هيشتغل اكتر.
نستفيد من كدة انك لو غاوي جري زيي ومحتاج السحب الحل الوحيد انك تشغل التكييف علي 2 او 1 :36_1_1[1]:
الكلام مظبوط .. و بارك الله فيك
بس فيه حتة محتاجة تظبيط
الكومبريسور بيضغط الفريون برة ( جنب الردياتير ) فيسخن .. بعدين الصمام يفتح و يدخل الفريون المضغوط جوة العربية ( الكويل اللي عند التابلوه ) و يفك الضغط فيبرد ..دي دورة التبريد .. في حركة مستمرة .. ما بيفصلش خالص .. لا علي سرعة مروحة عالية و لا واطية
نفس الكلام .. موضحا صحة كلامك علي كيفية خلط الهوا البارد بالساخن
كلام مظبوط طبعا يا باشا بس لو حضرتك شوفت قبل كدة فيه سنسور جنب الكويل كل وظيفته ان اما الكويل يسقع قوي يدي اشارة للكومبريسور عشان يفصل وعلى فكرة الكومبريسور في اي عربية لازم يفصل مثلا ربع الوقت ولو مفصلش يبقى فيه حاجة غلط يعني جرب شغل التكييف في اي عربية سليمة وانتا واقف حتى وشوف الrpm وهتحس بالكومبريسور وهوا بيفصل.يعني انا لسة شاحن تاني من اسبوع الراجل وهوه بيركب الكويل نسي يحط السنسور في مكانه فكانت النتيجة طبعا ان الكومبريسور مبيفصلش خالص وللاسف مش هينفع نظبطها الا لو طلعنا الكويل تاني وطبعا طيرنا الفريون.
إذاً القصة خلط هوا ومالهاش دعوة بالكمبرسور
الله ينور يا رجالة