أوروبا تنفذ قرار منع لمبات النور التقليدية اليوم

**aly_hosny** · 02-09-2009 10:32 PM

عندي خبر وحش
اللمبة الصفرة مش بتسهتلك كهربا كتير ولا حاحة
دكتور الهندسة الكهربية في الكلية عندتا حسبهالنا
لاقينا ان الواحد لو شغل اللمبة الصفرا "اكبر حاجة" لمدة 20 ساعة يوميا هتستهلك كحد اقصى 5 جنيه في الشهر
الموفرة بتوفر بس الفرق مش كبير انا عن نفسي بستخدمها لاني بحس ان الاضاءة الصفرا بتعمي

**eslam_wega** · 03-09-2009 02:28 AM

المشاركة الأصلية كتبت بواسطة sa3dawy

لأ انا ساكن فى شقة عادى جدا .. تفتكر ممكن تكون غلطة مطبعية بجد ...
طيب اعمل اية يعنى ..اقدم شكوى مثلا ؟؟ (انا لسة مدفعتدش)

يبقا اكيد عندك 7 تكيف و2 ساخن و26 لمبة وبتشغل دة كل يوم صح ولا لا ؟

**itsonlyme** · 03-09-2009 02:33 AM

المشاركة الأصلية كتبت بواسطة aly_hosny

عندي خبر وحش
اللمبة الصفرة مش بتسهتلك كهربا كتير ولا حاحة
دكتور الهندسة الكهربية في الكلية عندتا حسبهالنا
لاقينا ان الواحد لو شغل اللمبة الصفرا "اكبر حاجة" لمدة 20 ساعة يوميا هتستهلك كحد اقصى 5 جنيه في الشهر
الموفرة بتوفر بس الفرق مش كبير انا عن نفسي بستخدمها لاني بحس ان الاضاءة الصفرا بتعمي

معلش اسمحلي وأرجو متزعلش مني.

كلام الدكتور ده كلام فاااااضي.

90% من الطاقة المنبعثة من اللمبة الصفرة هي على شكل حرارة مش ضوء!
أما بقى على الاستهلاك، أنا عايزك تشغل مكواة 1000 وات (ودي أقل مكواة) لمدة 4 ساعات يومياً (ما يقابل لتشغيل لمبة 200 وات 20 ساعة يومياً) وقل لنا الفاتورة حتفرق قد ايه.

**aly_hosny** · 03-09-2009 04:31 AM

المشاركة الأصلية كتبت بواسطة itsonlyme

معلش اسمحلي وأرجو متزعلش مني.

كلام الدكتور ده كلام فاااااضي.

90% من الطاقة المنبعثة من اللمبة الصفرة هي على شكل حرارة مش ضوء!
أما بقى على الاستهلاك، أنا عايزك تشغل مكواة 1000 وات (ودي أقل مكواة) لمدة 4 ساعات يومياً (ما يقابل لتشغيل لمبة 200 وات 20 ساعة يومياً) وقل لنا الفاتورة حتفرق قد ايه.

اولا رد حضرتك محترم وعمري ما ازعل منه
ثانيا كلام الدكتور مش من فراغ يعني قعدنا حسبناها جابلنا التكلفة واللمبة وحسبناها ولو حضرتك عايزني احسبهالك قولي بس ال كيلو بيكلف كام وانا اقولك الحسابات كلها

**maka** · 03-09-2009 05:02 AM

المشاركة الأصلية كتبت بواسطة thebraveeagle

هو في مشكلة الناس مش واخدة بالها منها وهي الأجهزة إللي جاية من برة إللي بتشتغل على تردد 60 هرتز فقط ... ديه لما بتشتغل في مصر ( 50 هرتز ) بتسحب أكتر من 5 أضغاف التيار الطبيعي ... خاصة المواتير ...

الكلام ده غريب بصراحة واول مرة اسمعه

ممكن تقولى مصدر المعلومة لو سمحت ؟؟؟؟

**maka** · 03-09-2009 05:55 AM

المشاركة الأصلية كتبت بواسطة aly_hosny

عندي خبر وحش
اللمبة الصفرة مش بتسهتلك كهربا كتير ولا حاحة
دكتور الهندسة الكهربية في الكلية عندتا حسبهالنا
لاقينا ان الواحد لو شغل اللمبة الصفرا "اكبر حاجة" لمدة 20 ساعة يوميا هتستهلك كحد اقصى 5 جنيه في الشهر
الموفرة بتوفر بس الفرق مش كبير انا عن نفسي بستخدمها لاني بحس ان الاضاءة الصفرا بتعمي

اول نقطة اللمبة الصفراء ال 100 وات بتدى كمية الاضاءة اللى بتديها لمبة موفرة 20 وات

يبقى الصفراء بتدى ل 150 ساعة تشغيل طاقة مقدرها = 150 × 100 = 15000 ك . و

والموفرة ( بفرض انها موفرة فعلا ) = 20 × 150 = 3000 ك . و

يبقى كده فيه فرق فى الاستهلاك واكيد هيعمل وفر فى الفلوس .

وانا معرفش انت حسبت بنظام الشرائح التصاعدية ولا التنازلية ؟؟؟؟

بس اللى اعرفه انى وفرت طاقة و انت وفرت وفلان وفر .........هتقولى وانا استفدت ايه بتوفير الطاقة من غير توفير فلوس ؟؟؟؟؟

استفدت انى مقومش تانى يوم الصبح الاقى خبر فى الجرانال بيقول ان استهلاكنا تجاوز الانتاج .......... يعنى ايه ؟؟؟

يعنى هنخش فى مرحلة فصل احمال يعنى يقطع الكهرباء فترة زمنية عن المناطق بترتيب جدولى ...وساعتها مش هتبقى حاجة لذيذ

او يعمل زى الناس بتوع بره يعمل ال kwh بسعر عالى جدا فى اوقات الذروة ...وساعتها لما تيجى تشغل التكيف بدل ما تدفع جنيه تدفع 2 او 3 وهكذا

مصر من بعد سنة 2000 تقريبا تزايد الاستهلاك بيزيد سنويا بنسبة كبيرة عن الزيادات المتوقعة

( فيه pdf كان بيشرح الزيادات المتوقعة والزيادات الفعلية من 1996 الى 2006 هدور عليه وهجيبه باذن الله )

والحمد الله ان الانتاج بيغطى الاستهلاك لحد دلوقتى

ونتيجة لارتفاع معدل الاستهلاك هيتم الربط بين مصرو السعودية ( بدات التصميمات لاماكن الربط ) لاختلاف اوقات الذروة وربنا يوفق

ومعلش طولت اوى فى الكلام ........و كل سنة وانت طيب

المشاركة الأصلية كتبت بواسطة itsonlyme

معلش اسمحلي وأرجو متزعلش مني.

كلام الدكتور ده كلام فاااااضي.

90% من الطاقة المنبعثة من اللمبة الصفرة هي على شكل حرارة مش ضوء!

حضرتك مش كل اللمبات بتوفر فعلا فيه نوع معين من اللمبات شوفته بعينى ولمسته بايدى بيطلع كمية حرارة بشعة

وفيه لمبات مش بتحسن ال power factor وبالتالى بتسحب تيار اكتر من اللى بتحسن فى ده بيتوقف على ضمير المصنع والمستورد

فممكن يكون الدكتور قاس على لمبة مش ولا بد ولا حاجة

**itsonlyme** · 03-09-2009 06:00 AM

المشاركة الأصلية كتبت بواسطة aly_hosny

اولا رد حضرتك محترم وعمري ما ازعل منه

شكرا لذوقك

المشاركة الأصلية كتبت بواسطة aly_hosny

ثانيا كلام الدكتور مش من فراغ يعني قعدنا حسبناها جابلنا التكلفة واللمبة وحسبناها ولو حضرتك عايزني احسبهالك قولي بس ال كيلو بيكلف كام وانا اقولك الحسابات كلها

بالنسبة للطاقة المهدرة، مفيش شك أن اللمبة الصفرة مهدرة للطاقة.

أما بالنسبة للتلكلفة، تعالو نحسبها يمكن كلام الراجل صح وأكون ظالمه وتكون التكلفة بسيطة (مهملة بلغة الهندسة).

آدي قائمة بأسعار الكيلو وات ساعة (ك. و. س) (kWh) بالقرش حسب الشريحة الاستهلاكية.

لو افترضنا ان أكبر لمبة هي 200 وات وأنها منورة لمدة 20 ساعة في اليوم لمدة شهر.
يبقى احنا بنستهلك 120 ك.و.س في الشهر.

لو كنت في أول شريحة، يبقى احنا بنتكلم في 6 جنية في الشهر.

يعني حسابات الدكتور صح

بس ده لو بنتكلم عن أقل شريحة.

خلي بالك ان التعريفة بتزيد بشكل مخيف. كل لما تخش في شريحة أعلى يبتدي يحسب عليك الاستهلاك الزيادة بالسعر الجديد.

الجماعة اللي كانت بتشتكي من فواتير غير عادية، السبب هو شريحة الاستهلاك.

آدي قائمة بالتعريفات. تعريف الاستخدام المنزلي تحت خالص في الوصلة دي
التعريفة

أما طريقة حساب الفاتورة:
حساب الفواتير

**itsonlyme** · 03-09-2009 06:37 AM

كان في غلطة في الحسابات اللي فاتت.
طالما استهلكت 120 ك.و.س يبقى انت دخلت في الشريحة الثانية على الأقل.

يبقى تكلفة تشغيل اللمبة هي 10 جنية وعشرين قرش.
ده باعتبار انك في الشريحة الثانية ومدخلتش في شرائح أعلى.

**aly_hosny** · 03-09-2009 04:52 PM

المشاركة الأصلية كتبت بواسطة itsonlyme

شكرا لذوقك

بالنسبة للطاقة المهدرة، مفيش شك أن اللمبة الصفرة مهدرة للطاقة.

أما بالنسبة للتلكلفة، تعالو نحسبها يمكن كلام الراجل صح وأكون ظالمه وتكون التكلفة بسيطة (مهملة بلغة الهندسة).

آدي قائمة بأسعار الكيلو وات ساعة (ك. و. س) (kwh) بالقرش حسب الشريحة الاستهلاكية.

لو افترضنا ان أكبر لمبة هي 200 وات وأنها منورة لمدة 20 ساعة في اليوم لمدة شهر.
يبقى احنا بنستهلك 120 ك.و.س في الشهر.

لو كنت في أول شريحة، يبقى احنا بنتكلم في 6 جنية في الشهر.

يعني حسابات الدكتور صح

بس ده لو بنتكلم عن أقل شريحة.

خلي بالك ان التعريفة بتزيد بشكل مخيف. كل لما تخش في شريحة أعلى يبتدي يحسب عليك الاستهلاك الزيادة بالسعر الجديد.

الجماعة اللي كانت بتشتكي من فواتير غير عادية، السبب هو شريحة الاستهلاك.

آدي قائمة بالتعريفات. تعريف الاستخدام المنزلي تحت خالص في الوصلة دي
التعريفة

أما طريقة حساب الفاتورة:
حساب الفواتير

المشاركة الأصلية كتبت بواسطة itsonlyme

كان في غلطة في الحسابات اللي فاتت.
طالما استهلكت 120 ك.و.س يبقى انت دخلت في الشريحة الثانية على الأقل.

يبقى تكلفة تشغيل اللمبة هي 10 جنية وعشرين قرش.
ده باعتبار انك في الشريحة الثانية ومدخلتش في شرائح أعلى.

هو الصراحة مكنش عامل حساب موضوع الشريحة دي ولا انا كنت عامل حسابها

**sa3dawy** · 03-09-2009 05:01 PM

المشاركة الأصلية كتبت بواسطة eslam_wega

يبقا اكيد عندك 7 تكيف و2 ساخن و26 لمبة وبتشغل دة كل يوم صح ولا لا ؟

انتا متأكد من الحسبة دى ؟

اناعندى 4 تكييف (2 شغالين على طول والاتنين التانيين يعتبروا مش بيستخدموا ) و2 سخان وحوالى او10 لمبات نيون هما الى شغالين طول اليوم
ممكن كدا تيجى 1200 ولا يبقى فية حاجة غلط

الموضوع: أوروبا تنفذ قرار منع لمبات النور التقليدية اليوم

LinkBack

أدوات الموضوع

عرض

-

-

-

-

المواضيع المتشابهه

اصلاح لمبات الليدات فى النور الصغير

لمبات السهارى او النور الصغير (الازرق)

لمبات النور الصغير

تغير لمبات النور والفرامل الي ليد

لمبات النور في لانوس s موديل 2008

الكلمات الدلالية لهذا الموضوع

المفضلات

المفضلات

ضوابط المشاركة