متخصص كنت او لا , كلمني عن التسويق

**mahmoud_magdy** · 02-09-2009 04:41 AM

بسم الله الرحمن الرحيم
السلام عليكم ورحمة الله وبركاته
عندي طلب من المتخصصين في مجال التسويق او اللي عندهم معلومات عنو
انا عاوز افهم يعني ايه تسويق بالزبط
انا قرأت عن مجال التسويق لكن مقدرتش افهم منو اوي
هحاول اجيب اللينكات اللي قرأت منها عن الموضوع
بحيث يتم تصديق الكلام من متخصص
ياريت اي شخص عندو معلومه ميبخلش عليا بيها
وأتمنى كمان بعد ما أعرف عن مجال التسويق
شخص يقولي منين اقدر ابتدي في المجال ده وايه الكورسات اللي تفيدني في مجال العمل
وكمان طلب معلش عارف اني تقلت
ايه هيا المواصفات المطلوبه في الشخص اللي عاوز يشتغل في المجال ده
شكرا
جزاكم الله خيرا

**MTAK** · 02-09-2009 04:49 AM

اتفضل
ظƒطھط§ط¨ظٹ ط§ظ„ط®ط§ظ…ط³: ط§ظ„طھط³ظˆظٹظ‚ ظ„ظ„ط¬ظ…ظٹط¹** « ظ…ط¯ظˆظ†ط© ط´ط¨ط§ظٹظƒ
كتاب رائع للمبدع شبايك
و مدونته من ضمن اهنمامتها التسويق
اروع ما به
هو تقديم المعلومه بسهوله و ايضاح

**mahmoud_magdy** · 02-09-2009 05:29 AM

بخصوص رد استاذ محمد شكرا ليك جداا على الموقع ان شاء الله من الصبح هقرأ فيه
علشان استفيد منو جزاك الله خيرا
وبخصوص مستر درش (بعد اذنك يعني )
ياريت تكلمني عن المجال ده
يعني ايه سلبياتو و ايجابياتو
شفت ايه وحش فيه علشان تحذرني منو
ماهو انا مستحيل اقتنع الا اذا كان في تجربه ادامي اقدر استفيد منها (ياريت تكون فاهمني )
عشان كدا انا عملت الموضوع ( استفيد من التجارب ومن الشرح في نفس الوقت )علشان اقدر افهم الموضوع عامل ازاي على اساس سليم
والا كان زماني نزلت دورت على شركة تسويق وحاولت اشتغل فيها
انا لسا بقول يا هادي في الموضوع وبقرأ عنو
حتى لسا مسألتش حد عليه من الناس اللي ممكن يكون عندهم معلومات عنو
اول سؤال أسألو هنا في المنتدى
وربنا يهديني ان شاء الله لشخص يكون فاهم في الموضوع ويكون ثقه
واقدر استفيد من تجربتو
يعني التعليم مع الاستفاده من تجربة الغير
بيبني اساس متين في مجال العمل ولا ايه رأيك

**Terrible_DaRsH** · 02-09-2009 05:34 AM

طب الاول قولى انت بتدرس ايه ؟

**mahmoud_magdy** · 02-09-2009 06:51 PM

مالها بس الدراسه بموضوع الشغل
دراستي مش هتكون عائق في طريق الشغل المهم الشهاده وبس
وعموما انا بدرس في كلية اداب
ومجال دراستي بعيد تماما عن مجال العمل ده

**Terrible_DaRsH** · 02-09-2009 07:14 PM

المشاركة الأصلية كتبت بواسطة musiccairo

مالها بس الدراسه بموضوع الشغل
دراستي مش هتكون عائق في طريق الشغل المهم الشهاده وبس
وعموما انا بدرس في كلية اداب
ومجال دراستي بعيد تماما عن مجال العمل ده

شكلك دماغك ناشفة :) ..

بص يا باشا , التسويق ده مجال برده زى باقى المجالات مش شغلانة فهلوة .

يعنى ينفع تشتغل دكتور و انت خريج تجارة ؟؟!! لا طبعـا .

لازم تكون دارس تسويق و ادارة اعمال على الاقل علشان تبدا تشتغل فى شركة و تعرف الدنيا ماشية ازاى ..

من الاخر يعنى , لو عايز تشتغل فى مجال التسويق و انت مش دارس و ممعاكش شهادة تخصص للمجال ده .

فاقرب وظيفة هى مندوب مبيعات , دى مش محتاجة تخصص و لا دراسة خالص و بتعتمد على اللباقة و الحركة .

يبقي ازاى دراستك ملهاش دعوة بشغلك ؟؟؟

ممكن دراستك تكون ملهاش دعوة بشغلك و لكن فى مجال التسويق مينفعش , و ربنا يوفقك .

**mahmoud_magdy** · 02-09-2009 09:16 PM

دماغي ناشفه طبعاااااا (صعيدي الاصل )
بس باخد الامور بتفهم علشان كدا كتبت في اول الموضوع
ايه الكورسات اللي تفيدني في مجال العمل ده (واخد بالك طبعا )
ورأيك مقبول طبعااااااااا ويحترم

**M.Osman** · 03-09-2009 02:52 AM

المشاركة الأصلية كتبت بواسطة Terrible_DaRsH

بص يا باشا , التسويق ده مجال برده زى باقى المجالات مش شغلانة فهلوة .

يعنى ينفع تشتغل دكتور و انت خريج تجارة ؟؟!! لا طبعـا .

لازم تكون دارس تسويق و ادارة اعمال على الاقل علشان تبدا تشتغل فى شركة و تعرف الدنيا ماشية ازاى ..

من الاخر يعنى , لو عايز تشتغل فى مجال التسويق و انت مش دارس و ممعاكش شهادة تخصص للمجال ده .

فاقرب وظيفة هى مندوب مبيعات , دى مش محتاجة تخصص و لا دراسة خالص و بتعتمد على اللباقة و الحركة .

يبقي ازاى دراستك ملهاش دعوة بشغلك ؟؟؟

ممكن دراستك تكون ملهاش دعوة بشغلك و لكن فى مجال التسويق مينفعش , و ربنا يوفقك .

مع احترامي لرأي حضرتك
لكن انا اختلف معاك

طبعا مينفعش تشتغل دكتور و انت خريج تجارة... طبعاً

بس في كليات في نظري تعتبر كليات مرنة .. ممكن بعد ما تخلصها تشتغل في اي مجال (بعد ما تدرسه طبعاً)

اية المانع لما يكون واحد خريج آداب او تجارة يشتغل في مجال الـحاسبات او الـcomputer science مثلاً ؟
اية المانع طالما الشخص دا غاوي و هيتعلم المجال و يبدع فيه؟

و برضه مفيش مانع ان واحد مدرسش تسويق في الكلية انه يدرسه و يشتغل فيه .. لأنه محال في بيعتمد على الsoft skills بالإضافة للخلفية العلمية و الـsoft skills ممكن تتعلمها عادي جداً بعد التخرج

...

**mokhtar** · 03-09-2009 03:53 AM

بالنسبه للكورسات فى التسويق فيه Professional Certificate فى الجامعه الامريكيه بتختار مواد من بين 12 ماده بحد ادنى مادتين وحد اقصى 5 مواد عشان تاخد الدبلومه الدراسه طبعا انجليزى بس مستوى عالى جدا وبيعلمك التسويق صح بس اعتقد لازم يكون عندك خلفيه عن التسويق عامه

الموضوع: متخصص كنت او لا , كلمني عن التسويق

LinkBack

أدوات الموضوع

عرض

متخصص كنت او لا , كلمني عن التسويق - انشر الموضوع فى :

-

-

-

-

-

المواضيع المتشابهه

ابعت رسالة كلمني شكراً من ( اتصالات - فودافون - موبينيل ) ومعلومات اخرى

فتوي بخصوص التسويق الشبكي

كلمني عربي ...............

فن التسويق الحديث

الكلمات الدلالية لهذا الموضوع

المفضلات

المفضلات

ضوابط المشاركة