فعلا الواحد استفاد من الموضوع ده كتير جدا
فعلا الواحد استفاد من الموضوع ده كتير جدا
السلام عليكم
شوف يا m7nsh
انا لقيت اعلان على مصراوي في العربيات المستعملة عادي خالص لما اتصلت بيه قالى انها زيرو
قلت اروح اقابلة اشوف بنفسي الراجل كان طالب 31 تقريبا
المهم في التليفون نزل منها شويه ولما روحت خلصت الحمد لله ب 30 الف ، انا طبعا لسه جديد ومكنتش حتى بعرف اسوق ومش فاهم حاجه بس اصحابي قالوا لى انها لقطه وتوكلت على الله واشتريتها
العربيه كانت عامله 170 كيلو متعلقش عليها نمر وجواب المرور لسه متكتبش بأسم حد
دفعت 10 الاف وبعد 3 ايام روحت دفعت 10 كمان واستلمت منه الورق الجمركي وجواب المرور بأسمي من شركة اسمها أباظا
في آخر جسر السويس اتفقت معاه ان بعد 10 ايام ادفع له باقي المبلغ و الحمد لله دفعتهم ورخصت بأسمي
انا مبسوط بيها قوي رحمتني من قرف الميكروباص والاتوبيسات ومن استغلال التكسيات
والحمد لله على نعمه
الف الف مبروك ياباشااا ربنا يحفظك ويكفيك شرها ويبارك لك فيها
ومنتظرينك بقا تقول لنا عن تجاربك معاها فى اي شي سؤاء تجارب خاصه بالمكانيكاا او بتروشيها من كماليات او ماشبه
فى موضوع عيوب ومميزات ماروتي تحياتى
ربنا يحفظك ويكفيك شرها
يا ريت تقولنا اية اخبارها معاك
لانى عاوز اشتريها انا لسة ها تعلم السواقة
يعنى نفس حالتك
والله تمام جدا يا كيمو ,, ربنا يوفقك معاها و يديك خيرها و يكفيك شرها
و عقبالك يا بيومى باشا ونباركلك قريب ;)
انا هقولك نصيحه صغيره لكن مهمه اوي
لو هتعامل الماروتي غير ادميه يبقى بلاش علشان مش بتاعة بهدله
يعني لو فضلت تعاملها كدا ( شد وحرق وغرز ) يبقى بلاش علشان بجد العربيه صغيره ومش بتاعة بهدله وكلام من ده خالص
انما لو هتعاملها معامله محترمه يبقى توكل على الله وهاتها
العربيه حلوه اوي لجوه البلد وهتمشي معاك في السفر كمان
بس خد بالك من السرعات الكبيره علشان العربيه بتخف جدااا
اتمنى اكون افدتك
انا قلتلك الكلام ده علشان واحد صاحبي مبهدل الماروتي وهيا مبهدلاه بس المعامله الغير ادميه اللي بيعاملهالها
بعد 12 ألف كيومتر الماروتى، وبعد ما رحت بيها اسكندرية والزقازيق وكفر الشيخ والسويس، وبعد ما مشيت بيها فى كل شوارع القاهرة اقدر اقول لك ان العربية دىلها عيب واحد فقط هو الاستهياااااااااااااااااا اااف، الناس بتكون ماشية فى امان الله واول ما يلاقو عربية ماروتى معدية من جنبهم تلاقيهم فجأه ركبهم الهسهس وطلع عليهم اللى بيطلع للقطط بالليل وراحوا كاسرين عليك بلا ادنى سبب منطقى، مع ان فى معظم الاحوال بتكون لا امكانيات العربية اللى هو كسر بيها قد امكانيات عربيتك ولا اماكنيات السائق قد امكانياتك
والله انا مرة حصل معايا ان واحد بعربية 132 كل حاجة فيها سليمة بس لوحدها وتطلع دخان من ورا ومن قدام ومن تحت ومن فوق ومن ودان اللى سايقها كمان، كسر عليا بدون ادنى سبب ، انا سبته وعملت نفسى ميت ومش واخد بالى لحد ما الطريق اتفتح رحت طاير من جنبه-من غير ما اكسر عليه- على سبيل يعنى انى اقول له بالذوق مايبقاش يستهين بحد، بصيت لقيت ده عمال يحرق على العربية وبيجرى فى آخر زاده عايز يلحقنى، انا صعب عليا وخفت العربية تولع بيه للا يعمل حادثة لانه كان غشيم، رحت مهدى، الاقى الحيوان ييجى يكسر عليك تانى ويقوللى :ابقى امشى على قدك طالما ان اخرك تركب سبت غسيل، انا بصراحة اتحرق دمى، صحيح انى ولله الحمد عندى عربية تانية كبيرة ومش بدق اوى مع الكلام ده بس اتغظت من غباء الناس، فرديت عليه قلت له :سبت الغسيل اللى مش عاجبك ده تمنه يجيب 2 من صفيحة الزبالة اللىانت راكبها ويفضل شوية فكة يشتروا عشرة من صنفك، ورحت سايبه طاير
فيما عدا ذلك هى عربية تحطها فى الشارع تجرى تنزلها فى الترعة تعوم ترميها فى حفرة تقب تطلعها على الحيطة تطلع وتحايلها بقرش بنزين تقوللك شكرا
تسلم يا سبعاوي باشا انت محترم من غير متقول دي ناس عندها نقص في كل حاجه حتي في السواقة
[QUOTE=sab3aawy;3872119850]بعد 12 ألف كيومتر الماروتى، وبعد ما رحت بيها اسكندرية والزقازيق وكفر الشيخ والسويس، وبعد ما مشيت بيها فى كل شوارع القاهرة اقدر اقول لك ان العربية دىلها عيب واحد فقط هو الاستهياااااااااااااااااا اااف، الناس بتكون ماشية فى امان الله واول ما يلاقو عربية ماروتى معدية من جنبهم تلاقيهم فجأه ركبهم الهسهس وطلع عليهم اللى بيطلع للقطط بالليل وراحوا كاسرين عليك بلا ادنى سبب منطقى، مع ان فى معظم الاحوال بتكون لا امكانيات العربية اللى هو كسر بيها قد امكانيات عربيتك ولا اماكنيات السائق قد امكانياتك
والله انا مرة حصل معايا ان واحد بعربية 132 كل حاجة فيها سليمة بس لوحدها وتطلع دخان من ورا ومن قدام ومن تحت ومن فوق ومن ودان اللى سايقها كمان، كسر عليا بدون ادنى سبب ، انا سبته وعملت نفسى ميت ومش واخد بالى لحد ما الطريق اتفتح رحت طاير من جنبه-من غير ما اكسر عليه- على سبيل يعنى انى اقول له بالذوق مايبقاش يستهين بحد، بصيت لقيت ده عمال يحرق على العربية وبيجرى فى آخر زاده عايز يلحقنى، انا صعب عليا وخفت العربية تولع بيه للا يعمل حادثة لانه كان غشيم، رحت مهدى، الاقى الحيوان ييجى يكسر عليك تانى ويقوللى :ابقى امشى على قدك طالما ان اخرك تركب سبت غسيل، انا بصراحة اتحرق دمى، صحيح انى ولله الحمد عندى عربية تانية كبيرة ومش بدق اوى مع الكلام ده بس اتغظت من غباء الناس، فرديت عليه قلت له :سبت الغسيل اللى مش عاجبك ده تمنه يجيب 2 من صفيحة الزبالة اللىانت راكبها ويفضل شوية فكة يشتروا عشرة من صنفك، ورحت سايبه طاير
فيما عدا ذلك هى عربية تحطها فى الشارع تجرى تنزلها فى الترعة تعوم ترميها فى حفرة تقب تطلعها على الحيطة تطلع وتحايلها بقرش بنزين تقوللك شكرا[/QUOTE
:satelite:]
الشئ الرائع دائما فى تقيم حضرتك انه عن خبره واقعيه وتجربه مش كلام منقول عن واحد سمع عن واحد افتكر عن واحد ابن خالته حكى له عن واحد صاحبه.........