استفسار الى خبراء الالنترا عن فتحات التكيف

**profimh** · 02-09-2009 11:22 AM

كل سنه و انتم طيبين الاول
انا استلمت العربيه النترا 2010 و هى عامله دلوقتى 1550 كيلو و عملت صيانه الالف و كله تمام (هو فيه طبعا بعض الملاحظات الخطيره فى تركيب الكسيت بس مش وقته دلوقتى)

المهم انا لاحظت حاجه عاوز اخد رأيكم فيها لما بقفل التكيف و افتح شبابيك العربيه بلاقى فتحات التكيف
بتجيب هوا سخن ياترى ده ايه و حله ايه و لا ده عادى ياريت حد يطمنى من الخبراء بتوعنا وشكراا

**eng_abdou** · 02-09-2009 11:34 AM

السلام عليكم
اتاكد انك مش مشغل السخن.
اتاكد انك مش فاتح باب الهواء الخارجى.

**A.Saad** · 02-09-2009 02:53 PM

خد بالك ان علامة المروحة على الزيرو مش واخدة سرعة
يعنى اما تقفل التكييف تقفل زرار ac
وتقفل زرار المروحة يكون على الزيرو

**amrsabet** · 03-09-2009 01:24 AM

ممكن حضرتك تقولنا المشكلة اتحلت ولسه وايه انطباعك عن العربية من حيث :
- الثبات
- التكيف
- راحة الركوب فى السفر
- اداء الفرامل
-الحاجات اللى مش عجباك فى العربية
- مستوى الخدمة فى التوكيل فى صيانة الالف
- هل ممكن لو رجع بيك الوقت كنت هتاخذ قرار شراء الالنترا برده ولا كنت هتفكر فى عربية تانية

وفى النهاية الف مبروك على العربية وربنا يديك خيرها ويكفيك شرها

**profimh** · 03-09-2009 12:26 PM

اسف على التأخير انا بس انشغلت
اولا انا متشكر جداا ليكم و فعلا المشكله اتحلت لما قفلت الفتحات عن طريق الضغط على البكره اللى موجوده فى النص
اما عن الاسئله المطلوبه منى انا هرد عليها حالا وشكراا

**profimh** · 03-09-2009 12:50 PM

بالنسبه الى للاسئله الخاصه ب الاستاذ عمرو انا هرد عليها بالترتيب

الثبات هى العربيه ثباتها معقول انا شخصيا قلقت منها بعد ال 120 بس ماشى الحال
التكيف فوق الممتاز بشغله على اول درجه و متلج
راحه الركوب بصراحه بالنسبه لفئتها هى ممتازه جدا و مريحه
الفرامل هى حلوه جداا بس اول ما استلمتها كانت على الشعره و عاليه( اقصد دواسه الفرامل نفسها) اما دلوقتى وطيت مش عارف ليه المهم هى ممتازه بصراحه
الحاجات اللى مش عجبانى فى العربيه هى حاجات نابعه من نهب الوكيل لبعض كماليات العربيه و لتركيبه سياده للكاسيت فى مصر كمان علامه سياده المايله على العربيه لدلوقتى و سايبهاله و الله حاجه تكسف
مستوى الخدمه كويس و هما بيتبعوا سياسه حاضر و انت عارف حاضر بتريح
لما جيت اشتكيلهم من الحاجات السالف ذكرها زى سوء تركيب الكاسيت و غيره كما ذكرت كان الرد هنحاول نشوف و فى الاخر معلش يا فندم حظك كده المهم مش هطول عليك
اما بقى لو رجع بيا الزمن فبصراحه انا كنت برضه هشتريها هى فعلا عربيه كويسه جداا

**profimh** · 03-09-2009 12:55 PM

اسف فى النقطه الاولى انا اقصد ان العربيه كويسه لغايت ال 120 فى نظرى و احساسى انا
و مقلقه بعد كده فعلا خاصه عند ال 140 بس فى النهايه انا مش هعدى ال 100 اساسا و لا فى طرق للكلام ده

**amrsabet** · 04-09-2009 12:09 AM

شكرا على الرد بس هى ايه مشكلة حضرتك فى الكاسيت وهل تم حلها ولا لا

**profimh** · 04-09-2009 11:18 AM

الكاسيت زى الفل بس المشكله فى تركيبه الاساتذه مش عارف بيركبوه فين و لا هما اللى بيركبوه
المهم اللى ركب الكاسيت قرص على الفنيل بتاع التابلوه فعمل قطع خفيف فيه انا بصراحه مشفتهاش
و مختش بالى منها الا بعد الاستلام بساعه كده و كمان الكاسيت راكب بميل تلاقيه غطسان من فوق و من تحت له ظافر دى بقى خت بالى منها لما شفت الخليجى