عايز اسأل اصحاب اللانوس

**HANYAZAB** · 09-09-2009 01:27 AM

اللانوس عربية ممتازة وموفرة ومعمرة توكل عاى الله

**maka** · 09-09-2009 02:05 AM

توكل على الله

بس متجريش جامد اوى . فى التانى السلامة

**abo_lamar** · 09-09-2009 02:22 AM

عربية زي الفل توكل على الله

**E30power** · 09-09-2009 02:44 AM

المشاركة الأصلية كتبت بواسطة cooper3663

السلام عليكم اولا

دي اول مشاركة ليه في المنتدي بس انا عايز اسأل اصحاب اللانوس . ايه نظامها في الجري وال شد و الثبات و الباور لاني عايز اشتري عربية في حدود 40 - 45 و بفكر في اللانوس بس محتار لسه

توكل على الله من غير ما تتحير ....اسال نفسك عربية بقالها اكتر من 10 سنين بنفس الشكل متغيرش فيها اى حاجة فى اى موديل والناس لحد دلوقتى بتشتريها ولما منصور خدها ونزل الافيو محققتش مبيعات زى ما نزلها تانى هيا هيا لدرجة ان الى غيروا الشعار بسس والناسمن غير تفكير بتجيبها وبتنافس .....

الباور ....ما شاء الله مية ....الثبات معقول لحد 140 فى الفئة دية طبعا تكسب ....الشد والجرى احسبها انتا .....عربية موتورها جينرال موتورززز بيطلع 85 حصان على جسمها اظن حاجة معقولةومش اوفر زى الفيرنا الى بيطلع 92 حصان على حسم ورق بمعنى الكلمة ....

....انا حاسس عيبها الوحيد الى عندى التكيف مش تلاجة لاكن غير كدة لو معايا فلوسها تانى وهجيب هجيبها تانى...........

**elwad_crazy** · 09-09-2009 04:45 AM

خد بالك من دواسه كرسى السائق لو فيها زيت باور يبقى الاويل سيل ضارب ودة بيتصلح فى التوكيل ب 200 جنيه

ايه اللى دخل ده فى موضوع الراجل ؟؟؟؟

ممكن توضحلى

**Mosmafa** · 09-09-2009 05:15 AM

الراجل بيقول نصيحة
كتر خيره

**bshndi** · 09-09-2009 10:20 AM

السلام عليكم
إتوكل علي الله وإشتريها طبعاً بعد الإستخارة ولكن لاحظ أولاً إنك هاتشتري مستعمل يعني تخلي بالك من حالة الموتور وكذلك المساعدين والكماليات الموجودة في العربية وكذلك حالة البطارية وعمر الكاوتش كل ده بيقلل من الثمن أو هايتطلب منك تغييره بعد الشراء إن شاء الله طبعاً في مواضيع مثبته بأسعار قطع الغيار وكذلك عندنا السيد محمد بك ممدوح الخبير الأجنبي :) تقدر تسأله عن أي حاجة ، عاوز أقولك إن في عربيات في مصر عملت طفرة في إعادة التدوير زي العربيات الفيورا والـعربيات الـ 128 إلي بتتباع كما يقال (عظم في أفه ) ولو صرفت عليها جنيه بيبان عليها أقدر أقولك يا باشا إن هي دي الانوس الأيام دي أرخص قطع غيار وكذلك رفاهيه لابأس بها وتقبل التعديلات وكمان بقي في ميكانيكيه(أغلبهم كفتجيه ولكن في ناس فاهمين نمرهم وعناوينهم موجودة في المنتدي ) فاهمين لها في مصر بسبب طول مدة وجودها وربنا يبارك لك يا حاج مقدماً في أي حاجة هاتشتريها

**swimmer25** · 09-09-2009 01:40 PM

المشاركة الأصلية كتبت بواسطة ahmedtefagad

....انا حاسس عيبها الوحيد الى عندى التكيف مش تلاجة لاكن غير كدة لو معايا فلوسها تانى وهجيب هجيبها تانى...........

ياريت تجاوب الاسئلة دي:
1- انت عامل بيها كام الف؟
2- هل اشتكيت من التكييف في التوكيل وخلتهم يبصولك عليه؟
3- هل التكييف علي طول مش ثلاجة (الظهر وبالليل)؟
لو مقلتش في التوكيل علي التكييف لما تروح تاني قلهم عليه وهما هيكشفولك عليه........!

**swimmer25** · 10-09-2009 02:48 PM

المشاركة الأصلية كتبت بواسطة ahmedtefagad

1- انت عامل بيها كام الف؟...للاسف لسة 15000 ...يعنى لسة زيرو ودة عيب فيها عامة ..
2- هل اشتكيت من التكييف في التوكيل وخلتهم يبصولك عليه؟.....حالف عليها انها ما تخش التوكيل ابدا وانا الحمد لله مظبتها كويس وبغير وبكشف على كل حاجة بنفسى

اقرب مثال وهتتفاجء لو عرفتة ان العربية وانا مستلمها اول ما ركبتها حسيت بموضوع التكيف دة وقلت لسةلما تتلين وبعد ال000 5 رحت قست فريون لقيت نصفة ناقص ومفيش اى تسريب دة التوكيل يا باشا ؟؟؟؟ ..

انا العربية كانت بردو معايا تكييفها وحش جدا ال ما استلمتها
رحت التوكيل وقلتلهم عليه والمفروض انهم قاسوه وظبطوه
التكييف اتحسن بس بسيط جدا بس كل اما الوقت يمر بيتحسن اكتر
انا دلوقتي عامل بيها 9000 كم والتكييف في تحسن
صحيح في حاجة ان التكييف بيبقي ضعيف مع الحرارة الشديدة بس الموضوع ده بدا يتحسن

انصحك باستخدام زيت موتور لزوجته 5w-40 زي فيسكو 5000 لاني حسيت بتحسن في صوت العربية وفي قدرة التكييف بعد استخدامه

وربنا يباركلك في سيارتك