الموضوع: عاجل بولو 2001

نفس اللمبه دى عندى فى ابيزا 2000 ورحت لاخصائى الابيزا سيد عبده الى فى جسر السويس وقالى ان المشكله فى حساس المنافول والحساس ده وظيفته تنظيم الهواء والبنزين عند عملية الحرق والكشف طبعا كان بجهاز لاب توب و عملته مرة تانيه فى الحرفين وقالى حساس المنافول يعنى نفس الكلام وسئلت علي ثمنه وعرفت انه فى حدود 400 ج
ومن تأثيره هو شوية برجله فى الغيار الاول والثانى توصل فى بعض الحالات لوقوف الموتور بس بيدور تانى عادى
لكن لما العربيه بتجرى تأثيره بينعدم
وده عن تجربه فى عربيتى

المشاركة الأصلية كتبت بواسطة original

صح كده بس إزاى هما عملو اللى بيقولو عليه وراح العيب ورجع تانى؟؟
أقولك أنا هما مسحو العيب من الكمبيوتر وحللو المشكلة بتاعة الفرامل إذا كانت لمبة فى الفرامل محروقة غيروها أو شوية نضافة للحساس نفسه وإذا كان هوا سابلهم العربية يظبطوها وأخدو المعلوم وكان الله بالسر عليم.!!
ماهو مش معقول هيقوللو لمبة محروقة بجنيه!!؟؟

يا باشا ىمكن ىكون عنده مشكلتان اماكلامك فنيا صحيح برجاء ىكفيك معلوماتك لتفيد الاخوه

أقصد اقول انكم رايكم سلىم بيس ممكن الاخ لما كشف علي السياره عند اول errorعمل delete

مع احترامى الشديد لكل الاراء السابقة لكن عن تجربه فعلية
فقد توصلت لحل لهذه المشكله واليكم الحكاية

منذ ان اشتريت سيارتى سيات ابيزا 2000 كان عندى المشكله دى وبعد لف وكشف بالكومبيوتر اكتر من مرة ربنا وفقنى وعرفت ان سبب المشكله دى حساس اسمه حساس المنافول ودا بيكون مكانه جنب الموتور من ناحية الشمال لو انت واقف وفاتح الكبوت مباشرة وبتلاقيه حجمه بالظبط زى ريموت السيارة فى حدود عقلتى الاصبع بالظبط
ومن سؤالى عن الى بيسببه هذا الحساس هو عبارة عن خنقة هواء و بنزين بيخلى العربية تهنج وتقطع واحيانا تقف والموتور بيطل زى ماكان بيحصل معاي بالظبط
وبعد لف على هذه القطعة عرفت ان سعرها جديد حوالى 700ج فى توكيل الشهاب فى شارى دمش بمصر الجديدة وفى محل فى الحرفين كان بيقول 550ج ولما سئلت عرفت انها ممكن تكون استيراد بسعر اقل وفعلا لقتها بعد عناء كبير فى محل اسمه ايضا الشهاب استيراد الخارج بس فى الحرفين وكان بيتكلم فى 300ج و وبعد محايلة خلصتها على 250ج وعلى فكره ممكن تكون الى هاتشتريها بايظه وده الى حصل بالظبط ثم استبدلتها بواحده اخرى واشتغلت العربية واختفت اللمبه وحسيت بفرق فى المشى فعلا والحمد لله واى سؤال انا تحت امركم
ارجو من ادارة المنتدى التثبيت لان المشكله دى موجوده فى عربيات كتير ومحدش عارف مداها