يا جماعة سكودا فانتازيا مش فيها esp مش مصدق بجد

**dr.amr** · 03-12-2010 06:46 AM

المشاركة الأصلية كتبت بواسطة islamaboelnaga

ال dual يا دكتور دا علشان لو عايز تظبط درجه الحراره للراكب الامامى غير السواق ( يعنى تخلى تبريد التكيف فى الجنب اليمين من العربيه اقوى من الشمال مثلا ) و انا شايف احسن وضع للتكيف انك تشغله مانيوال و تعمل الحراره على 19 مثلا فى الايام متوسطه الحراراه ......انا جربت بنزين 95 كذا مره ....بيحسن اداء العربيه بشكل ملحوظ و صوت الموتور اهدى شويه بس مفيش ضرر من 92

الف شكر ياباشا

بس فعلا 95 احسن من 92

المشاركة الأصلية كتبت بواسطة khaled ayman

عشان لو مش راكب جنبك حد و ناوى تعمل حادثه ههههههههه تفصل الايرباج عشان متروحش تغير قشره تابلوه و كبسوله ايرباج تمنها متحاولش تعرفه ...
انا فى المرحومه (ادعيلها) كان افضل وضع ليا التكييف على auto و درجه الحراره 16 (بحب البرد)
بس تكييف الفانتازيا (التحكم فيه) مختلف عن a5 فمقدرش افيدك

البنزين 92 تمام عليها و زى الفل و الورد و الياسمين كمان ومجربتش احط 95 عشان متطمعش و تتعود عليه ...ومره غصب عنى حطيت 90 مشيت عادى بس كان صوتها اعلى حاجه بسيطه

طيب هطلب منك طلب و متفهموش غلط او انى مثلا بقولك كده عشان اعجزك بقى و الكلام ده
يا ريت تسأل صاحبك اسم المعرض ايه و يار يييييت رقمه لان احتمال نجيب فانتازيا (دعواتك) فطبعا esp حاجه حلوه خصوصا معايا

ههههههههههههههههههههههههه ههه

انا كنت فاهم ان برضو دي فايدة الزرارا بس بصراحه حاجه تضحك

يعني هو الواحد بيبقي ناوي يعمل حادثه قبل ماينزل ولا ايه>

طيب واخبار المرحومه ايه في امل ولا خلاص ولا اتباعت ولا ايه

**Hany Saad** · 03-12-2010 11:35 AM

المشاركة الأصلية كتبت بواسطة dr.amr

الف شكر ياباشا

بس فعلا 95 احسن من 92

ههههههههههههههههههههههههه ههه

انا كنت فاهم ان برضو دي فايدة الزرارا بس بصراحه حاجه تضحك

يعني هو الواحد بيبقي ناوي يعمل حادثه قبل ماينزل ولا ايه>

طيب واخبار المرحومه ايه في امل ولا خلاص ولا اتباعت ولا ايه

بالنسبة لفائدة زرار إلغاء الإيرباج لجنب السائق و ده موجود برده فى الميجان...هو معمول علشان لو حضرتك حاطط car seat (كرسى أطفال) فى الكرسى الأمامى جنب حضرتك يجب عليك فى هذه الحالة فقط إلغاء إيرباج الراكب الأمامى لأنه فى هذه الحالة فقط لو حدثت حادثةلا قدر الله و إتفتحت... ضررها على الطفل أكثر من فائدتها فيجب إلغائها.... لكن غير كده مش المفروض تقفلها أبدا لحمايه أحبائك و أصدقائك فى السيارة....لاحظ إن فتحها و غلقها الكثير مش محبذ....

طبعا مهما بلغت تكلفة الإيرباج و قشرة التابلوه فهى لا تساوى ظفر من أظافر أحبائنا و أصدقائنا....لذا نصيحتى لا تحاول غلقها أبدا....و محدش بيبقى عارف مين هيركب معاه و لا إمتى....خليها دايما مفتوحة و ربنا هو الحافظ......

**KHALED AYMAN** · 03-12-2010 01:04 PM

المشاركة الأصلية كتبت بواسطة som3aa

أتاكد من موضوع التصفيح فى الخليجى لان انا سمعت ان الخليجى مفيهوش تصفيح تحت الموتور

بالنسبة للفرق فى التمن , العربية فى الوكيل ب 208 بس سمعت انها بتنزل ل 200 عند الموزعين و كمان العربية فيها تصفيح تحت الموتور و فرش جلد و مرايات كهرباء و لو هتدفع ال7000 بتوع الضمان و لا الصيانة يبقى خليك فى الوكيل احسن و خدها ب 200 مش اكتر من كدا

اعتقد صعب اوى تنزل 8 الاف جنيه ..
التصفيح قليل اوى فى العربيات الخليجى ...الغالبيه بيكون تصفيح تحت العربيه بالكااااااامل وبيكون فيبر ..ومرن مش بيتكسر ..(ياما لبست بيها مطبات و عمره ما اتكسر)

المشاركة الأصلية كتبت بواسطة dr.amr

الف شكر ياباشا

بس فعلا 95 احسن من 92

ههههههههههههههههههههههههه ههه

انا كنت فاهم ان برضو دي فايدة الزرارا بس بصراحه حاجه تضحك

يعني هو الواحد بيبقي ناوي يعمل حادثه قبل ماينزل ولا ايه>

طيب واخبار المرحومه ايه في امل ولا خلاص ولا اتباعت ولا ايه

المرحومه واحد قريبى بتاع عربيات حوادث خدها يصلحها ...لما تخلص هشوفها لو عجبتنىهحاسبه على التصليح ..لو مش عاجبانى هيشتريها هو (على وضع الحادثه بقى)

المشاركة الأصلية كتبت بواسطة meggieboy

بالنسبة لفائدة زرار إلغاء الإيرباج لجنب السائق و ده موجود برده فى الميجان...هو معمول علشان لو حضرتك حاطط car seat (كرسى أطفال) فى الكرسى الأمامى جنب حضرتك يجب عليك فى هذه الحالة فقط إلغاء إيرباج الراكب الأمامى لأنه فى هذه الحالة فقط لو حدثت حادثةلا قدر الله و إتفتحت... ضررها على الطفل أكثر من فائدتها فيجب إلغائها.... لكن غير كده مش المفروض تقفلها أبدا لحمايه أحبائك و أصدقائك فى السيارة....لاحظ إن فتحها و غلقها الكثير مش محبذ....

طبعا مهما بلغت تكلفة الإيرباج و قشرة التابلوه فهى لا تساوى ظفر من أظافر أحبائنا و أصدقائنا....لذا نصيحتى لا تحاول غلقها أبدا....و محدش بيبقى عارف مين هيركب معاه و لا إمتى....خليها دايما مفتوحة و ربنا هو الحافظ......

انا كان قصدى ان لو مفيش حد راكب يفصله انما طبعا قيمه الايرباج اكبر بكتييييييييير من ان الواحد يفصله و هو فى حد راكب
انا الحمد لله على كل شىء ...الايرباج كان سبب من الاسباب الى ربنا سخرهالى عشان تنقذنى من الموت ...انا و صحبى الى كان جمبى ...

**monzer_500** · 31-12-2010 04:50 PM

هو بينزل في الخليجي بس

**HSultan** · 10-01-2011 02:27 AM

يا جماعة الـ - Electronic Stabilty Program - esp ده كان عزائي في سيارتي الخليجي بعد أن إكتشفت إنها بدون مساحة خلفية وبدون تصفيح وبعض التفاصيل الأخرى
وأهميته إنه يساعدك في لم العربية عند فقدان السيطرة المفاجئ الناتج عن محاولة تفادي عائق ظهر فجأه، عن طريق التحكم بالفرامل لكل عجلة على حده، وهو نظام يتحكم في كل أنظمة الفرامل الأخرى
ويمكن مشاهدة مقطوعات الڤيديو عن هذه التكنولوجيا على الـ You tube