معااااااااااااااااااااااا اااااااك طبعا و انا اعترف ان كلامك 100\:S_thum1[1]:100
-----------------------------------------
حضرتك كيا محققة مبيعات كبيرة ده طبيعى عشان سعرها ارخص وفيها كماليات كتيرة , بس خامات الكماليات دى على مر السنين انسى,وبعدين مش معنى انها توب فى المبيعات ومبيعات مرسيدس بنز والبيى ام والمتسوبيشى فى القاع زى ما الجدول معلم عليهم بالاحمر يبقوا عربيات مش كويسة , يعنى الكيا احسن من البى ام والمرسيدس !!!!! ده مستحيل طبعا ,, وزيادة مبيعات الكيا عشان الازمة الاقتصادية عشان عربية سعرها رخيص فى العالم
والله يا علي يا صديقي بتقرا افكاري
الاستاذ احمد مختار قال الانا كنت عايز اقوله
و شكرا
حافظ عليها بزيادة شوية .. وان شاء الله خير .. ربنا يديك خيرها .. بس صدقني كلامي صح .. ومحدش لحد الان من اصحاب العربية رد عليا رد مقنع خالص .. وانا رأيي ده للامانة فقط ... وانت نفسك كصاحب عربية يا جريف مقلتليش ان كلامي غلط وانت متأكد ان كلامي صح .. بس خلاص ربنا يباركلك فيها يا ريس
[اولا ازيكم يا جماعه دى اول مره اشترك فى المنتدى و انا لقيت مقارنه ل safety على موقع مشهور يا ريت تقارنوا بين ال kia forte و بين اى عربيه انتوا عوزينها و قلولى رأيكم
الرابط http://consumerguideauto.howstuffwor...ia-forte-3.htm
حضرتك الاختبار اللي حصلت فيه العربية على 4 نجوم هو في جهاز ادارة مرور وتأمين الطرق وده في امريكا يعني مش الاختبار المعتمد اللي بنمشي عليه Euro NCAP وغير كده لما بتتكلم عن امريكا واوربا فا احنا بنتكلم عن مواصفات تانية خالص تفرق في عوامل الامان والتقفيل والخامات .. مش هروح بق للامريكان نوديلهم كيا سيراتو بتاعت مصر .. وهما بتوع فورد وكرايسلر وكاديلاك وبويك وميركيري ولينكولين ... الخ ...يا سيدي الفاضل احنا الدولة الوحيدة اللي بتقلل تكاليف صناعة السيارة لحساب ان الوكيل يكسب .. غير اني شايف ان لما العربية الصيني بالمواصفات دي تدخل مصر .. يبقى احنا بلد مش بتهتم بالامان ولا الرفاهيه في السيارات اللي فوق ال 100 الف زي السيراتو .. اللي خاماتها وحشة جدا .. ولا صاجها ..طيب... انا عايزك تنزل وتجرب تضغط على صاج العربية دي .. وقولي رايك .. يا جماعة والله العربية شكلها حلو وموتورها حلو وثباتها كويس .. لكن بعد كده لا خامات و صاج ولا تقدر تقول انها سيارة معمرة ..وعايزك من الموقع اللي انت جبتة تدور على سيارات ياباني في نفس الفئة السعرية ويمكن اقل منها سعرا .. وتقييمها كان ايه.. يا راجل ده صاج الياريس احسن منها يا راجل.. فعلا زي ما جاستس قال .. السيراتو هوجة و هتخلص
تصدقوا بالله كنت بفكر من يومين كدا اعمل موضوع ان السيراتو مش عجبانى او مش قادر افسر ليه الناس معجبه بيها للدرجه دى وليه انتشرت جامد كدا ........بس قلت بلاش علشان هتقوم معركه ضدى ّ!!!!!!!
اولا الصاج بتاعها ضعيف جدا جدا ومش عارف ازاى محدش اخد باله من النقطه دى
ثانيا الخامات المستخدمه فى العربيه من الداخل رخيصه جدا والالنترا تقفيلها وخامتها احلى بكتير
ثالثا العربيه فتيسها responce بتاعه مش قوى يعنى مرونه الفتيس انه ينزل من الرابع الى التالت او الى التانى مش سريعه ابدا بالمقارنه ببعض السيارات الاوتو الاخرى
رابعا :وزن العربيه ازاى 1330 كجم يعنى صاج العربيه ضعيف جدا كدا وزن العربيه متركز الشاسيه!!!!!
الاوكتافيا a5 اللى صاجها اقوى بكتير وزنها 1290 كجم
الكورولا 1270 كجم
السيفيك 1215 كجم
فين ال ACCELARATION اللى يخلى الواحد يقول العربيه دى فعلا 124 حصان
انا عربيتى تقريبا نفس القوه وفيه فرق كبير جدا فى التسارع وملحوظ بشده
اخيرا بقا تعليقى ان العربيه اى نعم شكلها جميل ولكنه غير مبتكر او مش جديد يعنى تصميم الواجهه الامامى هو نفسه بالظبط تصميم CIVIC SI
الخلفيه فيه تشابه جامد مع LEXUS ISF
طب ما علينا مش مهم التقليد لمين ولكن اهل الناس بتشترى العربيه دى علشان شكلها عاجبهم وبس
يعنى نسوا التقفيل وجودة الصناعه وبالنسبه للامان العربيه فيها BA??????
العربيه واخده كام فى اختبارات EURONCAP فيها كام ايرباجز؟؟؟؟؟
ايه الاوبشنز الفظيعه اللى فيها ومش موجوده فى العربيات فى اللانسر الشارك زى ما الناس بتقول !!!!!!!!
طبعا مع احترامى لكل مالكيها ولكن ده مجرد وجهة نظر شخصيه ودى فى الاول وفى الاخر عربيات بنركبها
بس انا قبل كدا قلت وجهة نظرى انا اللانسر قصة ادمان مصريه خاطئه 100% لانها لا تقدم راحه او عزلا للمقصوه او ايرودينامكس كويس والناس اقنعتنى السبب هو انها عربيه قليله الاعطال وتقفيلها كويس جدا وده سبب الاقبال عليها
اهل الاسباب اللى خلت المواطن المصرى يتجه نحو اللانسر هى هى نفس الاسباب نحو السيراتو ولا عقليه المواطن المصرى اختلفت
يعنى معقوله المواطن المصرى او المستهلك المصرى اتجه بتفكيره الى الشكل والكماليات على حساب التقفيل والخامات واالاعطال المتوقعه
رايىء الشخصى لم تثبت السيارات الكورى الى الان انها على الساحه
ليه ما فيش عربيه كورى تقفيلها زى العربيات اليابانى او الالمانى
وليه صاج الكورى الاضعف دائما
اى نعم ممكن نقول ان خامات اللانسر الشارك والماذدا 3 مش احلى حاجه فى اليابانى ولكن ليست لدرجة ان يتم مقارنتها بالسيراتو!!!!!!
اخيرا محدش يشتم كفايه الضرب فقط
تحياتى