مشاء الله حضرتك حطيت 3 عربيات من احسن العربيات اليابانى فى مصر فى الارض بدون ابداء اي اسباب ,, و مهما كانت الاسباب ... كلامك صعب
لأ معلش أنا ماأساءتيش لاي عربية غير الmazda لانها صدمتني بصراحة انما eltoyota عيب فيال gearbox ال mmt و لسة مش لاينله حلل.
الmmt الملاك هنا فى المنتدى بيقولوا انه فلتة من تويوتا وانه فتيس تحفة ,, انا من رأى تقابل حد منهم و يوريك تسوقه ازاى,,
و المازدا انا مشفتش حد قال عليها حاجة وحشة ,, كل الناس بتشكر فيها
و بالنسبة للسيفيك فانا شايف انها بتنافس الجيتا جامد و تتفوق عليها كمان
أقولك على حاجة بس أنا أعرف أسووء إزاي el-mmt ومشكلتي معاه إنه مبقاش مظبوط في مشكلة لازم كل شوية أروح التوكيل يعمل رست للكمبيوتر بص في كلمة اسمها (delimma) اسأل أي مهندس كنترول عليها حيفهمك يعني إيه ودي اكبر مشكلة موجهها toyota. وأقولك على حاجة كما ن أحسن عربية حتسوقها هي ال toyota في الياباني طبعا انما أنا مرتحتلهاش نفسيا .
ازاي عربية كوري تبئة ناجحة و كويسة لازم تبئة زبالة و معفنة و نطلع فيها القطط الفطسا لكن عربية كورولا الشكل القديم الياباني ثابتها زبالة منعطردش و نقول عليها دي عربيت مدينة مش مهم الثبات و الياريس الياباني الصاجها ضعيف منقدرش نتكلم و إن فاتك الياباني مش هيرجع تاني
آه وموضوع الجيتا we-elhonda أقولك أنا ما سوقتيش الهوندا فـ مش هأعرف افيدك انما سووء الجيتا وادعيلي :).
شوفوا ياجماعة مع احترامى لكل الاراء اللى اتقالت وطبعا دية وجهات نظر وكل واحد بيركب السيارة وبيختارها على اساس احتياجاتة ,
بالنسبة لتجربتى مع النيو سيراتو اقولكوا مميزاتها وعيوبها بس بالنسبة للجرى والشد والثبات ماتجربش السيارة لسة جديدة
المميزات :
1:شكلها حلو من قدام بس والشكل الجانبى
2:الارتفاع عن الارض كويس
3:شكل التابلوة كويس ومنسق
4:المساحة الداخلية كويسة
5:كماليات كتير ممكن ماتلاقيهاش فى سيارات تانية اغلى
6:ضمان خمس سنوات ودة مش هتلاقية فى اى عربية تانية
7:التقفيل كويس مافيش غلطات كتير
العيوب :
1:شكل الفوانيس الورانية وحش اوى وتحس انة مش راكب على بعضة او متركب بالمشقلب
2:خامات التابلوة وحشة فعلا دة غير كمان درج التابلوة تحس انة مش راكب كويس ولما بيتفتح ويتقفل هتحس فية بمدى رداءة الخامات المستخدمة (رائى الشخصى)
3:المساحة الداخلية كويسة ,بالنسبة لمساحة الارجل والعرض ,لكن مساحة السقف غير مرضية شوية
4:كماليات كتير بس على حساب حاجات تانية انا شايفها معادلة فى غير صالح المستهلك,انا شايف ان الاية بى اس والتكيف التاتش وتشغيل المحرك بزرار كلها كماليات عادية ,انا من رائى عادية جدا ,انا ركبت سيارات التكيف فيها تاتش عادى يعنى مش طفرة فى التطور انك تظبط التكيف على درجة لحد مايجيبها زى زى التكيف المنزلى
5:صوت الماتور عالى وواضح جدا عند سرعة الدوران حتى المنخفضة ,وبيعلى جامد على السرعات الدوران العالية ,وبيعلى قوى مع التكيف
6:قطع غيار السيارة غالية مقارنة باشقاءها الكوريين ,وبالنسبة للصاج فعلا ضعيف جدا ومقارب لصاج الالنترا بس الالنترا بردة فيها عيوب قاتلة وهية السوكة اللى واخدة العربية من اولها لاخرها او خدت خبطة هاتتغير
7:عيب تانى الكاوتش الرفيع الى بينزل مع السيارة مش متناسب خالص ولازم يتغير عشان السيارة عالية وهيبقى كدة الاستابيلتى فى الضياع
8:تصفيح العربية والكماليات دية بردة مش هاتكلم عليها لانها ممكن تركب عادى مش فارقة ,
9:عفشة ناشفة شوية ,قريبة جدا من عفشة الانترا
10:الالنترا انعم منها بس على سرعات منخفضة ,فترة الشد ماجربنهاش ,بس الانترا شدينها بيها خشنة فى سرعات دوران مابين 3000 و 3500
دة تقييمى للسيارة من تجربة خفيفة كدة ,العربية بس تكمل الاف كيلو وهاشوف بقى الاتزان على الطريق والفرامل اخبارها اية بعد ال140 عشان انا مش بحب اجهزة الاية بى اس اللى موجودة اليومين دول بحس انها كفائتها ضعيفة ,طبعا بتكلم عن اللى موجودة فى الكورى والصينى اليابانى احسنهم بس مش بكفاءة القديم
استاذن حضرتك أعرف دي أنهي فئة اللي بتتكلم عليها
معقولة راكن عربية تمنها معدى 120 الف عشان مشكلة فى الفتيس:N_no[1]:اقتباس:
يا جماعة أنا مبسوط جدا بالموضوع ده بصراحة وضحلي حاجات كتيرة قوي أولا بس أنا معايا toyota mmt وركنها لفشلها و ابن عمي معاه
تانى حاجة كل اللى معاه العربية كانت بتقبله مشاكل فى نفل الغيارات واتحلت بسوفت وير جديد حل المشاكل ديه وبعدين لما حضرتك تقول ان دى اكبر مشكلة بتفابل تويوتا كانوا سحبوا العربية من السوق.
بالنسبة بقى للصاج بتاع الكيا كل صاج العربيات الجديدة ضعيف بتفرق نسبيا بس يعنى لو موتوسيكل دخل فى السيراتو العربية يعنى هاتتكهن بعد الحادثة ولا ايه!!!!!!
بص يا سيدى شايف الفروق دى كلها برضو بتترجم الى فلوس يعنى امكانيات مادية فكل واحد بيحاول يوصل لاعلى مواصفات + اكثر كماليات + اقل سعر ممكن و ده اللى محققاه السيراتو
اما بالنسبة لموضوع الوكيل : اكيد مش هشترى عربية مش عجبانى علشان الوكيل بس اكيد مش هشترى عربية هتجنن عليها لو الوكيل بتاعها هيغلبنى و يخلينى ابيع اللى ورايا و اللى ادامى علشان اسعار الصيانة او علشان الاقى قطع الغيار