ارجو الافادة يا خبراء السيفيك 92

**dodo_mk** · 03-09-2009 03:45 AM

[OVERLINE][OVERLINE]

[justify]السلام عليكم و كل سنة و انتم طيبين و يعود عليكم الشهر الكريم بالخير يارب

فى مواضيع كتير فى قسم الهوندا بتتكلم عن الفرؤق بين موديلات السيفيك من 92 الى 95
بس فى حاجات مش مذكوره فياريت تجاوبونى فيها لو سمحتم

ماهو الفرق بين السيفيك ال ex و si و sir من حيث العافشة و مصاريف قطع الغيار

يعنى انا اعرف الفرق فى الماتور ان ال ex 1500 كربراتير و ال si 1600 انجكشن 130 هورس باور و فتحة سقف و هكذا ان ال sir نفس الكلام بس الهورس باور اعلى

بس السؤال فى الاختلافات التانية غير الماتور

و مين فيهم اكثر توفيرا مع اداء عالى و اية تحديدا الاختلافات فى العفشة

و كمان فى مواضيع كتير هنا بتتكلم عن التكييف انة مش قد كده فى وقت الظهيرة و الحر الشديد فهل ده فى ال 3 موديلات و لا مثلا فى ال sir احسن او كده

يا ريت تساعدونى علشان انا بدور حاليا على عربية سيفيك و عايز استقر و اعرف ادور على انهى موديل فيهم التلاتة

لكم جزيل الشكر [/justify]

[/OVERLINE][/OVERLINE]

**SAMEH_FOUAD** · 03-09-2009 06:39 PM

العفشة فى كل عربية مختلفة عن التانية واققلهم الex طنابير ورا مش ديسكات وعفشة مختلفة عن الsi
اما الsir فدية معايا ومختلفة عن الsi فى العفشة بردة يعنى الكبالن متغيرة والديسكات ورا وقدام اكبر ,وطبعا نظام الفرامل ,الكماليات واحدة فول اوبشن الاتنين
بالنسبة لقطع الغيار :الex ارخصهم بس اكتر فى الاستهلاك للبنزين
الsi معدل استهلاكها حلو بس قطع غيار غالية
الsir اغلاهم فى كل حاجة وحاجاتها قليلة شوية لكن فى مناطق معينة بتبقى متوافرة بس غالية

بالنسبة للتكيف انا الحمد لله فى الحر اللى احنا فية بشغلة على اربعة اول خمس دقايق وبعد كدة بقللة لحد سرعة اتنين ,وواحد كمان بعد فترة ربع ساعة كدة يعنى الحمد للة تكيف الsir متهيالى مختلف عن الsi لانى ركبت الsi بس ماشغلتش التكيف
فاللى معاة الsi هايفيدك اكتر
بس السيارة عموما ماعليهاش كلام تحفة .عيبها انا واطية
ومواتير الsir يبقى كودها b16a وبيخرج من 160 الى 175 حصان حسب موديل الماتور

اقوى ماتور 1600 شوفتة فى حياتى وتشد بية مع اى عربية مهما كانت ولا يهمك خش بقلب جامد مهما كان نوع العربية اللى قدامك هتلاقى وحش بس انت لو قلبك جامد اجرى قلبك مش جامد ماتجريش عشان مش هاتستحمل السحبة بس ماتسالش فى البنزين لانة مع الجرى بيعمل من 130 ل140 فى الصفيحة غير كدة احلى من معدل استهلاك الsi نفسة لانة v-tech (توقيت الصمام المتغير ) بس قصاد دة بيديك رقم تسارع غريب من 0الى 100 كيلو فى حوالى 6.5 ثانية وبيوصل لسرعة 260/270 كيلو فى الساعة وبيجيب ال200 كيلو بسهولة تامة بدون قرص على الماتور بس انت هاتلها طريق يستحمل السرعة دية
نسيت الsir عشان تخرج طاقة الماتور كاملة لازم تحطلها بنزين 95 وال92 بردة هايمشيها بس صوت الماتور هايعلى شوية السحب مش هيبقى زى ال95 فرق كبير

**dodo_mk** · 04-09-2009 03:39 AM

معلش سؤال تانى يا استاذ سمسم بس ده من باب الفضول هيه ال sir عدادها كام

**SAMEH_FOUAD** · 04-09-2009 04:55 AM

عداد الهوندا استاندرد 230 وفية عندك مسافة تقريبية لحد 270 كيلو بس من غير ارقام

**dodo_mk** · 04-09-2009 04:58 AM

معلش ياباشا انا تاعبك بس مفيش اى ملاحظات او حاجات رأيك انى اركز عليها و انا بتفرج على العربية و كده
و لو عندك نصايح و النبى تقولهالى لاحسن انا غرقان خالص
و شكرا مرة تانية

**SaberMan** · 04-09-2009 07:07 AM

السلام عليكم جميعا اخوكم سيفيكاوى قديم و هقولكم على السر فى تكييف ال92 -98 عموما السر كله فى ان الثلاجه الى تحت درج التبلوه بتكون مردومه تراب لو فكيتها و نظفتها التكيف بيتحول لوحش بجد جرب وادعيلى بس ساعتها هتحتاج تفضى دائرة التكيف و تشحن على نضافةعملتها عندى الفرق كبيير جدا و الحمد لله الفريون فى الاس اى ار 12 رخيص اوى اليجرب يقولنا فرقت معاه اد ايه

**SAMEH_FOUAD** · 05-09-2009 01:02 PM

على فكرة انا عندى الفريون 134 والكباس بياخد الفريون دة فى الsir
عموما هو اصلا مافيش فرق بين الال134 وال12 غير بس فى الحفاظ على البيئة ,ولو عايز اداء فريون قوى هات الامريكى مهما طالت مدة تشغيلة مش بيتاثر