الضفيرة ووضع محير ام الكنترول

**wezo333** · 03-09-2009 05:29 AM

كل عام وكل اعضاء المنتدى بخير
السيارة لانوس 1 2000 كم170000
كنت ماشى فى امان الله على سرعة 60 على الغيار 3 لقيت العربية بطلت وبعدين الطلمبة مبتزنش ولا الموبينة مخرجة كهرباء مع ان العربية فيها كهرباء وبتدى مارش بس مبدورش ولمبة التشيك مش عاوزة تشتغل جبت الميكانيكى وفك الطلمبة وجربها على البطارية اشتغلت تمام قالى حساس الكرنك جاب واحد من عنده وجربه برضه نفس المشكلة بعدين بصينا على الفيوزات والكتاوت الى فى الكبوت تمام وبصينا على الى جوة الصالون فى واحد غيره لمبة التشيك نورت والطلمبة حضرت العريبة دارت ومشيت سنة صغيرة وبعدين مبقتش تدور تانى قالى نوريها للكهربائى شفها وقال دى فيها ماس (قفلة) قالى سيبهالى وبكرة تعالا خدها الوقتى انا مش فاهم هل الكلام ده صح ولا غلط وهل ممكن الكنترول يكون حصله حاجة
ولا دى الدفيرة وياريت سعر الكنترول استيراد وايه هى اقص حاجة ممكن تكون فى الموضوع ده لو ممكن تشاركونى المشكلة دى ياخوانى
واسف للاطالة

**Mosmafa** · 03-09-2009 07:46 AM

موضوع الكنترول على حد علمي لو فيه حاجة العربية مش هتمشي فيها كهربا خالص
على حد علمي

**funy76** · 03-09-2009 11:16 AM

لأ اطمئن نفس الموضوع حصل في عربيتي وتبقى ماشي كويس اوي وفجأة العربية تبطل

كل الموضوع ان فيها ماس زي ما بيقولك (قفلة) هتلاقي الاسلاك اللي ماشية تحت الكرسي الامامي يمين في سلكين عاملين قفلة وده من كتر الدوس عليهم من اللي بيركب جنب السواق قدام .

كل اللي هيعملو انو هيعزل الاسلاك كويس ويغير الفيوز اللي ضارب جوه عندك والعربية بعد كده هتمشي زي الفل - والكنترول مالوش دعوة بالموضوع ده خالص

اطمن حاجة بسيطة بس عايزة كهربائي شاطر يعملهاك (انا كنت وديتها لمركز خدمة محترم واول ما وصفتلو العيب عرف علطول المشكلة وحلها )

**A.Saad** · 03-09-2009 12:35 PM

المشاركة الأصلية كتبت بواسطة funy76

لأ اطمئن نفس الموضوع حصل في عربيتي وتبقى ماشي كويس اوي وفجأة العربية تبطل

كل الموضوع ان فيها ماس زي ما بيقولك (قفلة) هتلاقي الاسلاك اللي ماشية تحت الكرسي الامامي يمين في سلكين عاملين قفلة وده من كتر الدوس عليهم من اللي بيركب جنب السواق قدام .

كل اللي هيعملو انو هيعزل الاسلاك كويس ويغير الفيوز اللي ضارب جوه عندك والعربية بعد كده هتمشي زي الفل - والكنترول مالوش دعوة بالموضوع ده خالص

اطمن حاجة بسيطة بس عايزة كهربائي شاطر يعملهاك (انا كنت وديتها لمركز خدمة محترم واول ما وصفتلو العيب عرف علطول المشكلة وحلها )

ممكن عنوان وت المركز

**wezo333** · 03-09-2009 02:32 PM

شكرا جزيلا
يعنى انتا كان عندك نفس الكلام ده الطلمبة مبتحضرش بس فى مارش وكلف كام الموضوع ده

**Mosmafa** · 03-09-2009 05:22 PM

لو كهربا هوديك لواحد حراق شوية بس ابن لذينا
بيفهم اوي
اسمه احمد السماني في شارع العشرين فيصل
مشهور جدا او ما تبقى ماشي في اول فيصل وانت جاي من الجيزة
على اليمين هتلاقي قهوة الشمندورة ادخل من عندها يمين
واسال اي حد عن ورشة السماني
هتلاقي واحد عنده ميتين عربية كلهم راكبين على سكانر
وقدامه مخزن كبيييييييييييييييييييير قطع غيار كوري استيراد