اسئلة فى الخطوبة و لبس الدبل و شراء الشابكة

**michohat** · 04-09-2009 05:27 PM

فى الاول قراءة الفاتحه ويصاحبها الاتفاق على تفاصيل ما سوف يتم ولتجنب اى مشاكل يفضل التطرق لأدق التفاصيل ( الشبكه "هل هتتقدم كلها فى الاول ويكون فى حفل خطوبة ولا يكتفى بالدبل والشبكة تتقدم فى حفل الزفاف "- التأثيث " مين عليه ايه ومين مش عليه ايه "- الخ)

بعد كده نيجى لمرحله الخطوبة ودى الناس ليهم فيها اكتر من طريقة
1- يتم شراء دبل الخطوبة فقط وتأجيل شراء باقى الشبكه الى حفل الزفاف وهنا اعلان الخطوبة تكون فى جلسه عائلية مقصورة على افراد من كلتا العائلتين ( فى هذه المرحله يستحب ان تهدى والده الخاطب الى المخطوبة هديه )
2- يتم شراء الشبكه بالكامل و تهدى للمخطوبة و يتم اعلان الخطوبة بلبس الدبل فقط ولبس الشبكه يكون فى حفل الزفاف هذا يكون فى حاله عدم الرغبه فى او عدم امكانية اقامه حفل خطوبة
3- يتم شراء الشبكه بالكامل ويتم عمل حفل خطوبة
( لكل حاله من الحالات السابقة ميزة قد يحتاج اليها كلا الطرفين)

بعد الخطوبة تبدأ مراحل تجهيز مسكن الزوجية اذا كان موجود او البحث عنه اذا لم يكن موجود
ويفضل فى حاله عدم وجود معرفه سابقة بين ( الخاطب والمخطوبة) " جواز صالونات او عائلات" ان لا تقل فترة الخطوبة عن عام ولا تزيد عن عام ونصف لضمان حدوث التألف واتاحه الفرصه لكلا الطرفين لمعرفه الطرف الاخر

بعد مرور فترة الخطوبة تأتى مرحله كتب الكتاب والمرحله دى الناس فيها بتبقى حسب البلد يعنى ايه يعنى فى ناس بتفضل تكتب الكتاب قبل الزفاف مع الخطوبة وناس بتفضل تكتب الكتاب قبلها بشهر وناس تحب تكتب قبلها ب 3 ايام وناس بتفضل كتب الكتاب فى نفس يوم الزفاف

نيجى بقى ليوم الزفاف

ممكن فى حاله ان متعملش حفل خطوبة ان والد العروس يساهم فى تكاليف حفل الزفاف
وفى ناس بتفضل ميبقاش فيه حفل زفاف وبتكلفة الحفل ده يعملوه بيه اى شئ يستفادوا بيه زى عمره او اى شئ اخر يكون فيه افاده للعروسين

ده كان اختصار للى بسمعه من اصدقائى وزمايلى وكمان تجارب شخصية

**Ignition-Kid** · 04-09-2009 09:43 PM

بجد نصيحه من اخ لاخوه حاول ماتزودش فتره الخطوبه عن سنه , والف الف مبروك مقدما.

**mobitic** · 05-09-2009 12:25 AM

أولاً ألف مبروك وربنا يتمم بخير
المسألة أولا وأخيراً اتفاق بين الطرفين
يعنى مفيش قواعد أساسية مجبر انك تعملها
اللى عملته قرائة فاتحة مع شوية فاكهة محترمين على هدية ذهبية إن أمكن.
الخطوبة بتبقى تلبيس دبل.
فى الدخلة بتقدم الشبكة.
دا اللى انا عملته وبجد هتلاقى فى اختلاف كبير بين كل مكان والتانى ( أخوك من الصعيد الجوانى ) وكل عائلة وأخرى حتى فى داخل البلد الواحدة.
وارجع واقولك الحكاية من الأول للآخر اتفاااااااااااااااق بين الطرفين او العائلتين.
بس اياك تعمل زى عبد البر ؟؟؟؟؟؟ ....... دا واحد صاحبى متعرفوش .... بهزر طبعا
نصيحة بقى حاول الخطوبة متزيدش عن سنة وربنا يوفقك.
تقبل تحياتى وألف مبروك مرة تانية

**seaman** · 05-09-2009 01:25 AM

بص يا سيدى خد المختصر المفيد...
1- قراءه الفاتحه بعد التعارق والتفاق على التفاصي ..فاهم التفاصيل بالظبط كل حاجه علشان ميحصلش لاقدر الله إختلاف بعد كده.
2- إعلان الخطوبه وتلبيس الدبل أو الشبكه بالكامل وده على حسب امكانيات كل واحد..يعنى اللى معاه بيجيب واللى مممعاهوش يبقى دبل بس وده احسن اليومين دول وفر يا مان.
3- الخطوبه على الضيق واهل العروسه بيقموا بيها او بتشاركهم وبالتالى يشاركوك فى حفل الدخله.
4- يفضل لن فتره الخطوبه سنه واحده بالكتير ..
5- ربنا يتمملك على خير ويرزقك الذريه الصالحه

**هيثم** · 05-09-2009 01:47 AM

المشاركة الأصلية كتبت بواسطة mobitic

أولاً ألف مبروك وربنا يتمم بخير
المسألة أولا وأخيراً اتفاق بين الطرفين
يعنى مفيش قواعد أساسية مجبر انك تعملها

تقبل تحياتى وألف مبروك مرة تانية

والافضل تاجيل الشبكه الى قبل الدخله بحاجه بسيطه عشان لا قدر الله لو
ما حصلش اتفاق تبقى الخساير محدوده

**atamim** · 06-09-2009 10:12 AM

المشاركة الأصلية كتبت بواسطة mobitic

اللى عملته قرائة فاتحة مع شوية فاكهة محترمين على هدية ذهبية إن أمكن.

فاكههههههههههههههههههة ؟؟؟؟؟

**ahmed4000** · 06-09-2009 02:11 PM

ربنا يوفقك ويباركلك ان شاء الله
اهم حاجة بس علشان الستات مبتنساش الحاجت دى ابدا مهما كانت

اولا: هدية الفاتحة وبتبقى حاجة دهب
ثانيا: شكولاتة يوم قراية الفاتحة نوع محترم
ثالثا: لو الخطوبة حتبقى فى بيتها وهى اللى حتتحملها لازم تجبلهم حاجة برده يعنى تورتة كبيرة-حاجات ساقعة- لازم تبقى كريم يعنى
رابعا: فى الشبكة حتبقوا متفقين على مبلغ معين لكن مش لازم نبقى بالقرش يعنى عادى ممكن تزود الف كمان لو عجبتها حاجة

بالنسبة للفترة اعتقد سنة كويس وده علشان تلحق تجهز، وخلى بالك مهما كنتم كويسين انتم الاتنين الخطوبة مهمة علشان بيبان فيها (شوية) من الطباع والاختلافات وحتشوفها لما بتخانق هى وعيلتها بيبقى شكلهم ازاى وحاجات كتير جدا فاكيد الخطوبة مهمة متستعجلش

بالنسبة لكتب الكتاب فده حسب العيلة عندها نظامهم ايه (فى عيلة بتوافق قبل الدخلة بكام شهر وفى عائلات مبترضاش الا قبل الجواز مباشرة واحيانا بيعملوها فى الفرح)

**atamim** · 08-09-2009 10:06 AM

المشاركة الأصلية كتبت بواسطة ahmed4000

ربنا يوفقك ويباركلك ان شاء الله
اهم حاجة بس علشان الستات مبتنساش الحاجت دى ابدا مهما كانت

اولا: هدية الفاتحة وبتبقى حاجة دهب
ثانيا: شكولاتة يوم قراية الفاتحة نوع محترم
ثالثا: لو الخطوبة حتبقى فى بيتها وهى اللى حتتحملها لازم تجبلهم حاجة برده يعنى تورتة كبيرة-حاجات ساقعة- لازم تبقى كريم يعنى

احم احم انت عارف سعر الذهب النهاردة كاااااااااااااااااااااااا اااااااام يعنى هدية ذهب و دبلة ذهب و شبكة ذهب

طيب ما لو هما عملوا الخطوبة برة البيت يبقى اى العمل؟ متقوليش المشاريب و الاكل على حسابى

**michohat** · 08-09-2009 04:39 PM

خلى بالك فى الاتفاق بتاع الشبكه من حاجه
هل الدبل داخله من ضمن الشبكه ولا لا لان الدبل اقل نمرة ممكن تعمل لها الف جنيه

**atamim** · 16-09-2009 09:45 AM

المشاركة الأصلية كتبت بواسطة michohat

خلى بالك فى الاتفاق بتاع الشبكه من حاجه
هل الدبل داخله من ضمن الشبكه ولا لا لان الدبل اقل نمرة ممكن تعمل لها الف جنيه

تخيل الموضوع دا مجاش على بالى خالص

مع انى اعرف ان ساعات كمان بيطمعوا و يجيبوا محبس للدبلة و المحبس بيكون اغلى من الدبلة هههه نصب بعيد عنك

مشاهدة نتائج الإستطلاع: اتجوزظت بعد قد اى من الخطوبة فى حالة وجود الامكانيات

الموضوع: اسئلة فى الخطوبة و لبس الدبل و شراء الشابكة

LinkBack

أدوات الموضوع

عرض

-

-

-

-

-

-

المواضيع المتشابهه

اسئلة للمتخصصين فى المنتدى ... تهم كل مقبل على شراء سيارة

هى الخطوبة أتفشكلت لية ؟

هل انت مع ام ضد الخطوبة في الجامعة !!

شوية اسئلة عايز اعرفها قبل شراء الجيتا

مساعدة في شراء لانسر لو سمحتم 2007 اسئلة

الكلمات الدلالية لهذا الموضوع

المفضلات

المفضلات

ضوابط المشاركة