أحذر ........... من الهواء الزائد

**أبو عبدالله** · 30-10-2007 11:55 PM

السلام عليكم ورحمة الله وبركاته

حرصا على سلامتنا وسلامة عائلاتنا واطفالنا والأخرين

ارجو من كل الأعضاء معاودة فحص ضغط الهواء في الأربعة عجلات للسيارتك

لأنه حدث أكثر من مره أني وانا اساعد اكثر من قريب وصديق على فحص ضغط الهواء لسياراتهم من جهازي حيث أنه املك جهاز لضغط الهواء ماركة دايهاتسو وبه مقياس للهواء المضغوط

فأجد أنهم يزيدون حوالي 10 درجات وبدل ما الكاوتش يبقى 30 بيبقى عندهم 40 والكاوتش بيبقى ملاحظ عليه من الخارج

وذلك تأكدت منه لأني اعرف أحد المحلات التي يوجد بها العداد الديجيتال الذي تحدد له المقاس ويتم ضغط الهواء على اساس ما انت حددته من قبل له
وعندما اضبط عنده من قبل ما أشتري جهازي لو رحت وعملت عند اي أحد تاني بالمقياس العادي اللي هو العداد العادي الصيني الاقيه منقصني 10 درجات اي اكون عنده بالمقياس العادي 20 وانا لسه عامله 30 بالديجيتال
وعندما قلت لصاحب العداد الديجيتال قال لي ان العدادات اللي موجوده كلها الصيني العاديه دي لا تقعد معاه اسبوع ويغيرها لأنها بتدي قراءه خاطئة
وبرضه لما بظبط الكاوتش في التوكيل واقيسه بالخارج عند اي حد بتلاقي القراءة بتاتي بالناقص اي انه انت ناقص 10 درجات ويروح مزودك 10 درجات وانت اصلا مظبوط وبالتالي فعليا بتكون ماشي 40 درجه وليس 30 درجه مما يعرضك للخطر على الطرق السريعه لا قدر الله

فأرجو من الكل معاودة فحص الهواء عند اي عداد ديجيتال ولي العادي للتأكد
والتعود على مداومة فحصه عالطول قبل ما تمشي بالسياره على الطرق لسريعه ولذلك ريحت دماغي واشتريت الكومبروسر بعداده

**ابوحميد** · 31-10-2007 12:04 AM

شكرا على الموضوع ابو عبدالله
والعداد بتاعك دا جبته منين وبكام؟ وايه رايك فيه؟؟؟؟؟؟؟؟؟

**أبو عبدالله** · 31-10-2007 12:09 AM

من التوكيل وثمنه 250 جنيه
وهو على فكره بيبقى من ضمن عده متكامله تقريبا بـ 550 جنيه ولكن انا اشتريته لوحده
هو بصراحه جميل جدا خصوص انه وانت رابطه في البلف بتاع الكاوتش فيه زرار بتضغط عليها علشان تفضي الهواء الزائد وانت رابط الخرطوم في البلف

وكمان كفايه انك ماشي على الطريق مأمن نفسك لو حصل ايه ممكن تملى هوا وتكمل شويه في طريقك لا قدر الله

**fahd_628** · 31-10-2007 12:29 AM

شكرا يا ابو عبد الله على النصيحة

**Ahmed Hassan** · 31-10-2007 12:45 AM

ده فعلا موضوع خطير.

طيب ممكن تقولنا العده الكامله دي فيها ايه؟؟ و محطوطه في شنطه عامله ازاي؟؟؟ اصل انا غاوي عدد بصراحه :-)

**أبو عبدالله** · 31-10-2007 12:57 AM

العده فيها الكومبروسر ومثلث التنبيه للتحذير لمكانك بالليل على الطرق بيوضع على الأرض
ومصباح بمغناطيس بيتوصل على فيشة الولاعه واسعافات اوليه طبيه وقفاز لليد ومش فاكر ايه اتني
بس على فكره في ناس قالتلي انها زي بتاعت البرادوا في الخليج بتنزل بها تقريبا

**Ahmed Hassan** · 31-10-2007 01:05 AM

كل دا حلو بس لسا موصلناش للعده

ممكن لو قدرت تعرف الموكونات و تقولنا؟؟ اصل لو فيها حاجات تستاهل هجيب واحده ان شاء الله لأني كده كده عايز الكمبريسور دا

**أبو ياسين** · 31-10-2007 01:32 AM

حصلت معايا فى يوم و انا مروح بليل عديت على واحد بتاع كاوتش تحت البيت ضبط عنده الكاوتش لقيته قلى ان الفرده الشمال قدام ناقصه اوى 20 ضبطها على 32 و ركنت العربيه و روحت
تانى يوم مجرد مطلعت على الدائرى رايح شغلى لقيت العربيه بتحدف فدخلت امارات مصر عندهم ديجيتال لقيت الفرده 41 ضبطها على 32
انت اكيد فى مصر