الموضوع: كل ما يخص مازدا 323 موديل 82 (اعطال.قطع غيار.كماليات)

المشاركة الأصلية كتبت بواسطة alsad

انا اقوم حاليا بصيانة الموتور عند الميكانيكي

للاسف لم اجد طقم شنبر ولا طقم صبابات بنفس المقاس المراد في حلوان وجدت مقاسات مختلفة لا تصلح

سأقوم غدا ان شاء الله بزيارة للتوفيقية

لو تمدوني ببعض النصائح والدعوات اكن لكم من الشاكرين

سأقوم بسرد القطع التي احتجت لها واسعارها في مشاركة لاحقة

السلام عليكم
إنت رحت عند مين في حلوان ولم تجد ما تريده
ومحتاج طقم شنبر زيرو كام
عموماً يوجد في التوفيقية _ الشارع المقابل لسنترال رمسيس وموش شارع التوفيقية إللي زحمة _ محل إسمه ملك الشنابر إسأل عليه ( المحل موش مكتوب عليه ملك الشنابر ولكن مكتوب علية شوية ماركات للشنابر ) وهو على الشمال وإنت داخل من ناحية شارع رمسيس و على ناصية بعد محل مكتوب عليه الدقاق
ولا تنسى طبعاً أن تؤكد على النوع الياباني

المشاركة الأصلية كتبت بواسطة amrhady2

عندى العربيه بتعوم مع انى ظبط كل حاجه ماعدا الكاوتش كلو بيقولولى ان الجنوط فيها رفا ياترى ده صحيح ومنيين اجيب جنوط حديد اصليه وهل ارصصها ولا اركب على طول وشكرا لكل الزملاء

حبيب قلبى فكرتنى بنفسى والله

كنت نفس مشكلتك بالظبط

وروحت لاكتر من عبقرى واغلبهم اختار الحل السهل وقالى غير اسكاترا كامله وشدادات ودخلونى فى حسبه 900جنيه كده

انما الميكانيكى بتاعى ربنا يباركله كشفلى عليها حته حته وقالى كله سليم زى الفل روح اظبط زوايا بس عند واحد بيفهم

رحت ظبط الزوايا بالشعرة لقيت العومان خف كتيررررررررررر والحدف يمين وشمال قل درجه كبيرة انما ما رحش

الراجل قالى يبقى مافيش كللام الجنوط والكاوتش

روح اعمل كروس او غير الى بايظ واكشف عند بتاع كاوتش

المهم ربنا وفقنى واخترت يوم كان تلللللللللللللللللللللللل للللللج والناس كلها مقفلة والى شغال منهم فاضى

المهم رحت لبتاع الكاوتش لقيته قاعد بيعد النجوم ولما شافنى سخن وقالى كنت هاقفل مافيش شغل

خليته فك الاربع فرد وكشف عليهم واحده واحده ولقى فعلا جنط مكسور


المهم عملى كروس للجنوط والكاوتش


انا زهلت والله وماكنتش مصدق النتيجة

بقى كل المعاناه دى من الجنوط والكاوتش

المشاركة الأصلية كتبت بواسطة agwaa

السلام عليكم
إنت رحت عند مين في حلوان ولم تجد ما تريده
ومحتاج طقم شنبر زيرو كام
عموماً يوجد في التوفيقية _ الشارع المقابل لسنترال رمسيس وموش شارع التوفيقية إللي زحمة _ محل إسمه ملك الشنابر إسأل عليه ( المحل موش مكتوب عليه ملك الشنابر ولكن مكتوب علية شوية ماركات للشنابر ) وهو على الشمال وإنت داخل من ناحية شارع رمسيس و على ناصية بعد محل مكتوب عليه الدقاق
ولا تنسى طبعاً أن تؤكد على النوع الياباني

عليكم السلام

ازيك يا باشمهندس

انا سألت عند 3 اماكن ( نصار - محمد ابراهيم - سيد ابو رحاب ) الثلاثو عندهم لكن مش متوافق معي البساتم عندي.

انا مش عارف تفاصيل بالظبط لكن هو صاحب المحل كان بيجرب ويقول مش هاينفع

شغل الخراطة عندي كان تنظيف مجاري للبساتم بس ( 15 جنيه خراطة )

البستم 77 مللي ( تقريبا ده الاستاندارد ) لكن احتمال ان المشلكة في عرض المجرى

المهم لاقيت الطقم عند مجدي رمزي في التوفيقية وطلع مظبوط الحمد لله . ( نفس اسعار حلوان تقريبا )

المشكلة بقى في طقم الصبابات !!!

كلهم في حلوان عندهم تيله قصيرة ( كان ناقص يحلفوا على المصحف اني مش هلاقي غيرها )

الميكانيكي قال ما ينفاعش ورجعني 3مرات علشان الموضوع ده .

وفي التوفيقية قالوا المازدا صبابتها قصيرة مش هتلاقي زي دي ( مع انه موتور العربية مش جاي من بره )

المهم الميكانيكي قال لي انه هايتصرف وجاب طقم مستعمل نظيف وبيعمله رودية .

وربنا يسهل وتحلص الشغلانه على خير

عشلان لسه هاظبط العفشة

شكرا يا رجالة على المساندة والدعم المعنوي

انا استلمت العربية من يومين

غيرت طقم شنبر وطقم صبابات وطبعا جوان وش سلندر

وعملت خراطة نظافة بس للبساتم

وطبعا طقم كهربا جديد

وحسب كلامه ان الديسك والاسطوانة كويسين مش محتاجين تغيير مع اني كنت شاكك فيهم

المهم انا في فترة التليين وهتستمر الف كيلو مش هاعدي فيهم سرعة 60

وهدور العربية واقفة كلما امكن ذلك

المهم هو قاللي بعد الف كيلو اعجي عليه يظبط لي تاكيهات !!

هل ده طبيعي ولا كان ممكن يخلص الموضوع مرة واحدة بعد العمرة مباشرة ؟؟

هو خد مصنعيه 520 + 50 جنيه غسيل وتقفيل موتور غير قطع الغيار

هل ده معقول ؟

سلام

يا جماعة سؤال ثاني مستعجل

العفشجي قال اني محتاج علبة دركسيون كاملة

وحذرني من الصيني اشد تحذير

ونصحني انه يشتري لي علبة استيراد بمعرفته وعلى ضمانته ( في حدود 450 جنيه )

قلت له هاشتري ياباني . قال لي مش هتلاقي . هل ده حقيقي ؟مفيش ياباني في السوق ؟

عندنا في حلوان لاقيتها تيواني( 425 جنيه ) يا ترى جيدة ولا الاستيراد افضل ؟

وهل مصنعية 130 جنيه معقول ؟