كل ما يخص مازدا 323 موديل 82 (اعطال.قطع غيار.كماليات)

**mohamed777** · 19-09-2009 01:10 AM

المشاركة الأصلية كتبت بواسطة lotfyonline

ثانيا : من عنده خبرة في العربية يقولي ليه البلاتين كل شوية بيلدع لأني زهقت ورحت لعم نبيل غيري الموبنة العادية وجابلي الكتروني وفعلا العربية بقى سحبها افضل بس برده البلتين لدع . يا جماعة ده بيلدع عندي كل اسبوع تقريبا

ولما كلمت عم نبيل تاني قالي ان البضاعة في السوق تعبانة

فرجاءا من عنده فكرة او مر بنفس المشكلة يفيدني

لازم تغير الكوندنسر مع الابلتين
وبلاش تخلى الكونتكت مفتوح على الفاضى

بس اية حكاية الموبينة الالكتورنى دى اول مرة اسمع عنها ياريت تفسرهالى شوية

**lotfyonline** · 20-09-2009 01:07 PM

-شكرا جدا للرد .. الموبينة الالكتروني دي زي اللي بتركب في بعض العربيات الجديدة تمنها 65 جنيه وبصراحة ظبطت معايا العربية وفرقت في السحب وعلى فكرة اللي نصحني بيها الكهربائي اللي بيشتغل مع عم بلبل.
- انت متأكد من موضوع تغيير الكوندنسر لأن الميكانيكي عمرة ما قالي الكلام ده ومفيش علامات في العربية بتقول ان الكوندنسر تعبان .

**mohamed777** · 20-09-2009 05:02 PM

المشاركة الأصلية كتبت بواسطة lotfyonline

-شكرا جدا للرد .. الموبينة الالكتروني دي زي اللي بتركب في بعض العربيات الجديدة تمنها 65 جنيه وبصراحة ظبطت معايا العربية وفرقت في السحب وعلى فكرة اللي نصحني بيها الكهربائي اللي بيشتغل مع عم بلبل.
- انت متأكد من موضوع تغيير الكوندنسر لأن الميكانيكي عمرة ما قالي الكلام ده ومفيش علامات في العربية بتقول ان الكوندنسر تعبان .

على ما اعرف من الميكانيكى اللي بتعامل معاة ان الابلاتين يلدع من بوظان الكوندنسر او انك تسيب الكونتكت مفتوح.....والله اعلم

بالنسبة للموبينة الالكترونى انت مركب ماركة اية عندك؟

**emkh** · 20-09-2009 09:29 PM

استاذ محمد انا عندىمشكله كبيره وهى مسمار قفيز المقص الامامى فوت من الصاموله يعنى الصموله مش متسبته فى البدى وشلت الفرش تحت الدوسات عشان القى الصاموله لقيت المكان مقفول لو تعرف ازى اوصل للصاموله دى اكون شاكر جدا ليك وانا شاكر كده كده

**emkh** · 21-09-2009 03:01 AM

انا عايز اتعلم افك الكاربراتير لوحدى واغسله لو ممكن فيديو

**emkh** · 21-09-2009 03:03 AM

وعندى مشكلة فى مسمار المقص الامامى ال ماسك القفيز الصموله بتاعته فكت من اللحام ومش عارف اوصلها لو تعرف ازى اوصلها اكون شاكر

**mohamed777** · 21-09-2009 03:42 AM

المشاركة الأصلية كتبت بواسطة emkh

استاذ محمد انا عندىمشكله كبيره وهى مسمار قفيز المقص الامامى فوت من الصاموله يعنى الصموله مش متسبته فى البدى وشلت الفرش تحت الدوسات عشان القى الصاموله لقيت المكان مقفول لو تعرف ازى اوصل للصاموله دى اكون شاكر جدا ليك وانا شاكر كده كده

انا مش فاهم انت بتتكلم عن اية

وبالنسية للكربيراتير مانصحكش انك تفكة ولا حتى تخلى الميكانيكى يفكة
فى ورش متخصصة فى كده
وطول ما الكربيراتير شغال كويس ومن غير مشاكل يبقى تنظيفة بالاسبراى
الكربيراتير من اطول قطع السيارة عمراً ويعيش مادامت السيارة على قيد الحياة ما لم يفك

**lotfyonline** · 21-09-2009 02:28 PM

الحقيقة يا استاذ محمد انا مش فاكر النوع لأني رميت الكرتونة بتاعتها بس فاكر ان الكهربائي بعت الصبي بتاعه معايا علشان يجيبل نوع معين و لما شفته اتأكدت انه ياباني اصلي وعلى العموم هبص على العربية لما انزل يمكن الاقي نوعه باين .

بالنسبة لموضوع الكندنسر ليا سؤال : هل ممكن الكوندنسر يبقى تعبان ومايبانش على العربية حاجة زي انها تأخر في التدوير أو تنتش لأن ده مش ظاهر عندي فعمري ما شكيت في الكندنسر وعلى العموم أغيره وأجرب.

**mohamed777** · 21-09-2009 04:19 PM

المشاركة الأصلية كتبت بواسطة lotfyonline

الحقيقة يا استاذ محمد انا مش فاكر النوع لأني رميت الكرتونة بتاعتها بس فاكر ان الكهربائي بعت الصبي بتاعه معايا علشان يجيبل نوع معين و لما شفته اتأكدت انه ياباني اصلي وعلى العموم هبص على العربية لما انزل يمكن الاقي نوعه باين .

بالنسبة لموضوع الكندنسر ليا سؤال : هل ممكن الكوندنسر يبقى تعبان ومايبانش على العربية حاجة زي انها تأخر في التدوير أو تنتش لأن ده مش ظاهر عندي فعمري ما شكيت في الكندنسر وعلى العموم أغيره وأجرب.

ياريت تعرفلى على شان اغير انا كمان البوبينة وياريت لو تقدر تصورهالى وهى راكبة فى العرببية اشوف شكلها اية لانى عمرى ما شوفت البوبينة الالكترونى
يبقى كتر الف خيرك

وبالنسبة للكوندنسر انا معرفش اية اعراض بوظانة بس اللي اعرفة انه بيخلى الابلتين يلدع باستمرار
والله اعلم

**mohamed777** · 21-09-2009 06:23 PM

طيب مش ممكن تكون البوبينة الجديده هى اللي بتخلى الابلاتين يلدع؟
يمكن بتدخل كهرباء مختلف عن المصممة بية العربية؟

الموضوع: كل ما يخص مازدا 323 موديل 82 (اعطال.قطع غيار.كماليات)

LinkBack

أدوات الموضوع

عرض

-

-

-

-

-

المواضيع المتشابهه

اسعار قطع غيار مازدا 323 موديل 82

اسعار قطع غيار مازدا 323 موديل 2000

اللى يعرف اسعار قطع غيار مازدا 323 موديل 2000

قطع غيار عفشة للبيع مازدا 323 موديل 82

أسعار قطع غيار عمرة مازدا 323 موديل 82

الكلمات الدلالية لهذا الموضوع

المفضلات

المفضلات

ضوابط المشاركة