الموضوع: كل ما يخص مازدا 323 موديل 82 (اعطال.قطع غيار.كماليات)

الف شكر لتعبك يا عم مزجانجى

ايه يا مزداويه القسم نايم كده ليه ؟!!!

فين مزجانجي ومادوا وباقي الناس الحلوة

كان عندي سؤال كده في السريع
انا ناوي بإذن الله اعمل اعمل فرش للصالون ارضيه وسقف وشنطه ما عدا الكراسي
فكلمت جينز كار وسالتهم قالولي فيه حاجه ب 350 وفيه ب 450 جنيه بس مش بنعمل السقف ارضيه وشنطه بس وكراسي لا طبعا عشان معنجناش القوالب بتاعه المازدا
بس انا عندي مشكله صغننه ان ورا في الشنطه عندي معنديش الخشبه الى بتتفرش فيها الى بتريح على عامودين الشاسيه انا جايب العربية فاضيه من ورا مكنش فيها الا الفبرتين الى في الجنب وشيلتهم عشان مشروخين فشكل الشنطه مش ظريف الاستبن ظاهر ومش بعرف اشيل حاجه بنضافه فيها ولا الشنطه كانت متبطنه حتى فهل الخشبه دي اعملها عند نجار ولا ايه نظامها وهيتصرفو فيها ازاي في جينز كار يا ريت لو عنده اي معلومه تفيدني يقول افصلها فين ولا ممكن الاقيها جاهزة في مكان بس ياريت بسرعه

المشاركة الأصلية كتبت بواسطة mazagngi2010

hurgada
عملت ايه؟؟
--------------

Android
شاسيه الكراسي بتاع المازدا بيركب عليه قوالب النوبيرا (كنت عامل مشاركه فيها اللى عملته عندى بالتفصيل هنا)
جينز كار بيحبوا يستهبلوا ومش فاضيين للقديم
بالنسبه للشنطه اى نجار يامعلم وحط خشب ابلكاش ولا الخشب اللى عامل زى الكارتون-استرخص اى حاجه- وده اللى عمله صاحب عربيتى قبل ماشتريها منه معرفش جابها منين وقطعها وجاب كوله وحط عليها حته موكيت -ممكن انت تكسيها مشمع اسود زى اللى فرش الجزم لامؤاخذه-وزى الفل وانا شايف انك تتسلى فى الشنطه بدل جينز كار والكلام ده علشان مش محتاجه اى فكاكه وشغل ايدك فلازم يعجبك حتى لو معفن وانت اولى بالفلوس

عاش من شافك يا مزجانجي اخبارك ايه يا كبير
وعملت ايه في حوار العربية الى عايز تشتريها ؟؟ يارب يكون خير وربنا مسهلها وترتاح وتعوض كل الى قسيته مع المازدا ههههههههههههه
المشكله يا مزجانجي في مقاسات الخشبه دي عندي النجارين ولاد تيت جشعين جدا يعني حوار زي ده هياخدو فيه من 150 ل 200 جنيه يقولك لوح ابلكاش ومصنعيه عشان محتاجه قصه معنيه وهيعملى حوار عشان انا جربت وعملت خشبه للسماعات ورا عند نجار برده وعملى الحبتين دول وفي الاخر طلعت مش مظبوطه وقعدت انا اعدل فيها في البيت
والمشكله ان مقداميش غير جينز كار رغم ان مشوارهم بعيد مش قريب بس اعمل ايه معرفش حد في محيط ميدان الجيزة كويس
وبالنسبه للكراسي مش عايز اعمل فيهم حاجه ولو هعمل يبقي هشيلهم عندي واجيب كراسي ريكارو بلا قوالب بلا وجع دماغ
والله المستعان وشد حيلك كده وربنا يعينك

على فكره يا باشا انا اعرف سروجى من الاخر وهو غاوى شغل فى العربيه دى وبيعمل صالونات مالهاش حل وشغل من الاخر بس هو حراق اوى انا بشد عنده الصالون كله تنجيد وكسوه جلد طبيعى اللون البيج وكسوه للقوايم الفيبر الى قدام وللجزء الامامى الى فى الطابلوه والسقف والجزء بتاع السماعات وهياخد 1250
وحوار الشنطه دى هقولك تعمل ايه بس اوعى تستصعب الى هقولهولك انت هتجيب متر وتقيس المسافه من فرده الشاسيه للفرد التانيه وتجيب حته ابلاكاش من النجار وقله يقصهالك المقاس ده فى العرض الى حضرتك عاوزه وتروح بيها للسروجى يكيهالك موكيت وتخليه يركبهالك بمسماريين بورمه فى الشنطه الحوالر ده كبيره 30 جنيه تكلفه وشغل ساعه زمن

والله يا عم مزجانجى السمكرى شغال على مهله لان العربيه مليانه بارومه وماشى معاها واحده واحده وخليته يعمل الرفارف سهرنا انا وهو ودقينا الرفارف وقصينا الحتت الى تحت الدايبه وعملنا حتت جديده وعملت حوار جامد فصلت الشنب الى قدام والكساحه الى تحت الاكصدام لان الشنب ده بيبعوه ب 350 مستعمل ومليان معجون ونقرودهنت ورا الرفارف بلاك علشان المرمات الى عملناها للبارومه على فكره الكساحه بتتباع مع الصدر كله بالف وربعمايه جنيه ومش نضيف اوى عادى بس الحمد لله ان البارومه فى اماكن مش حساسه بس ياريت من الكل ياخد باله من البارومه علشان يلحقها من الاول ولو اى حد احتاج سمكرى الشاب الى معايا ده الله يباركله وماشاء الله عليه فك العربيه كلها وحلينا الصالون والماتور وعمل العتب ودق البيبان والرفارف وعمل البارومه الى فى الشنطه والرفارف والحوض والصدر وفصل كساحه وشنب وحاجات كتير بصراحه بالف وميه جنيه بس هو عشم فى 200 تانى بعد مكشفنا العربيه لان لاقينا حاجات تان بصراحه كتير على فكره العربيه كلها اتحرقت على الصاج وربنا يوفق الجميع