الموضوع: حاسبو من عمرو خالد و امثاله يأخواني

المشاركة الأصلية كتبت بواسطة ahmed samy

موضوع انه قال ان الرسول (فشل) في بعثة الطائف - ولم ينعته صلى الله عليه و سلم بالفشل - ده الحقيقة انا سمعته و شفت رد الشيخ محمد حسان عليه ...

اعذرني

الشيخ محمد حسان لم يرد أبدا ولا بكلمة موضوعية ولا مناقشة ....بل انهال بسيل من السباب على عمرو خالد و ظل ينعته يا فاشل يا فاشل يا أفشل أهل الأرض ....

و الحقيقة ان عمرو خالد لم يكذب و لم يسب النبي بل هو يقصد سمة أخرى في النبي و هي الإصرار وهل هناك توضيح لإصرار بدون فشل مؤقت و نجاح دائم .

اسمعوا الحلقة جيدا و أعملو عقولكم قبل أذانكم

و الحقيقة ان الشيخ محمد حسان قد حرف الكلام وقول الدكتور عمرو خالد ما لم يقله و اندفع فيل سيل (أدهشني) من السباب وهو يرى أو يرينا أن هذه حمية للرسول الكريم و ان كنت أراها تصفية حساب بسيطة .

و عموما الفرق شاسع بين مدرسة عمرو خالد و مدرسة الشيوخ الأفاضل مثل محمد حسان

ولن يفهموه أبدا و إن فهموه فلن يناظروه في التأثير على الناس

فهو لا يخاطب بسطاء الفكر ولا أصحاب الجلابيب ولا رواد الجوامع وع احترامنا الشديد لهم

بل هو يخاطب من يعملون عقولهم و يرون الهداية لأول مرة و يتحسسون سمت دين لم يمارسوه كثيرا

ربنا يجزيك خير يا دكتور. بجد ربنا يجزيك عني خير.. عشان انا أول ما قريت رأس الموضوع و صاحب الموضوع بيقول عن عمرو خالد (إبن الفاشلة ده) انا دمي فار و كنت داخلة بالحالة دي، لحد ما قريت ردك اللي هداني كتير و فعلا باحسدك على هدوءك و حسن تصرفك.

الأخ اللي بيقول على عمرو خالد إبن الفاشلة - و اللي باعتب بسببه على الإشراف انه ساب سب زي ده - إنما مش هاقول للي قال كده غير استغفر الله لذنبك و لو سمحت ما تسمعناش ألفاظ من دي تاني هنا في المنتدى.

انا مش بدافع عن عمرو خالد و عمرو خالد ليس فوق النقد، إنما إسلوب النقد و طريقته لو مش باحترام يبقى لا حاجة بي لما سيقوله صاحب النقد، و من الآخر الشيخ اللي بيطلع على الفضائيات يتهجم و يتهكم على داعية آخر أو عالم دين فده بيتشطب عندي نهائي من لستة الناس اللي باسمع لهم إلى أن يعتذر.. و للأسف ما سمعتش عن حد منهم اعتذر لحد دلوقتي. و ده مش خاص بعمرو خالد فقط، المبدأ ده شمل أحد الشيوخ اللي تهجم على شيخ آخر على الهوا بصورة منفرة جدا.

المشاركة الأصلية كتبت بواسطة ahmed hassan

طيب ما حضرتك كدا عملت زي الناس اللي بتنتقدها!! سبحان الله!

هل الدقن و الجلابيه صفة الجاهل او المتخلف او حتى الساذج؟ فيه ناس بجلاليب و مربيه دقنها و مخها زي الفل و بتفهم كويس قوي (و العكس صحيح). و فيه ناس بقمصان و بناطيل و بدل و متخلفين (والعكس صحيح بردو)

أنا أتفق معاك تماما وبقول للأستاذ الفاضل توت ما ينفعش نحكم على الناس من مظهرها واللي بيلبسوا جلابيه ويلتحوا دول بيتشبهوا بالرسول ومش معني ان فيهم ناس ممكن يكونوا مش كويسين يبقى اي حد لابس جلابيه ومطلق لحيته مش كويس

لك الله يا عمرو خالد...........ولكن العزاء ان الانبياء وهم افضل منك سبهم الناس واتهموهم بالباطل.....الخطأ وارد ويغفر الله الذنوب جميعا عدا ان يشرك به.....ولكن ان نعلق المشانق لعمرو خالد فهذا غير مفهوم...ان ما فعله عمرو خالد فى مجال الدعوة اسأل الله ان يتقبله ويجعله فى ميزان حسناته يشفع له باذن الله ....اتقوا الله فى عمرو خالد ولا تتهموه بالباطل......

اللهم اهدينا فى من هديت وعافنا فى من عافيت واغفر لنا ذنوبنا انه لا يغفر الذنوب الا انت...........وصلى اللهم على سيدنا محمد تسليما كثيرا

السلام عليكم ورحمة اللة و بركاتة
عمرو خالد انسان محترم وبيحاول يقدم شيىء للمسلمين ينفعهم .. اللهم ثبتة ووفقة ... واشهد ربى اننى احبة فى اللة ... واحسبة من الصادقين .