تويوتا أم هوندا !!!!!! حـــيرة

**hlmnz** · 05-09-2009 11:50 PM

المشاركة الأصلية كتبت بواسطة abo samra

على فكره انا ما شفتش حد فى حياتى كلها بيبالغ فى السيفيك زى حضرتك
تحياتى

لان حضرتك ماشفتش اللي انا شوفته بره البلد ديه وزي ما قولتك الناس بتجيب السيفيك علشان يحط رجله على الدواسه وايديه على الدركسيون واسمه راكب هوندا

**sa3dawy** · 06-09-2009 01:54 AM

المشاركة الأصلية كتبت بواسطة hlmnz

لان حضرتك ماشفتش اللي انا شوفته بره البلد ديه وزي ما قولتك الناس بتجيب السيفيك علشان يحط رجله على الدواسه وايديه على الدركسيون واسمه راكب هوندا

يا فندم مفيش عربية معمولة للتعديل .. والعربيات معمولة علشان يتحط فى الرجل والايد على الدريكسيون .. احنا هنا بنقارن بين عربيات stock ..

**Sameh** · 06-09-2009 02:36 AM

لو الكورولا الأوتوماتيك بالموتور ال 124 مش ال 105 يبقا هى أنسب من السيفيك إنما مش أحسن ! وده عشان الإرتفاع عن الأرض فقط لا غير

كرسى فى الكلوب بقا ، دخل الإمبريزا rk السيدان فى المقارنة لأنها بجد عربية تستاهل فى الأساسيات والكماليات والسعر

**hlmnz** · 06-09-2009 03:17 AM

المشاركة الأصلية كتبت بواسطة Sameh

لو الكورولا الأوتوماتيك بالموتور ال 124 مش ال 105 يبقا هى أنسب من السيفيك إنما مش أحسن ! وده عشان الإرتفاع عن الأرض فقط لا غير

اكيد كل مالعربيه قربت من الارض كل ما تسارعها زاد وبعدين الهوندا سيفيك 128 حصان يعني مهما عملوا في الكورولا مفيش فيده

**kareemhisham** · 06-09-2009 03:20 AM

المشاركة الأصلية كتبت بواسطة hlmnz

اكيد كل مالعربيه قربت من الارض كل ما تسارعها زاد وبعدين الهوندا سيفيك 128 حصان يعني مهما عملوا في الكورولا مفيش فيده

معلش تصحيح ,, السيفيك 122 حصان عشان الفرق دة يفرق ,,

و بلاش الثقة الزايدة دى عشان تويوتا عملوا موتور 1.6 بيطلع 133 حصان و هينزل فى الكورولا تقريبا سنة 2011 او 2012

**hlmnz** · 06-09-2009 04:39 AM

المشاركة الأصلية كتبت بواسطة kareemhisham

معلش تصحيح ,, السيفيك 122 حصان عشان الفرق دة يفرق ,,

و بلاش الثقة الزايدة دى عشان تويوتا عملوا موتور 1.6 بيطلع 133 حصان و هينزل فى الكورولا تقريبا سنة 2011 او 2012

مع احترامي لحضرتك السيفيك 128 حصان لان عربيتي عملها dyuno اما 125 حصان فده فتي الشعب واللي منتشر بينهم

**dynamic_alpha** · 06-09-2009 06:17 AM

المشاركة الأصلية كتبت بواسطة abo samra

ياباشا ال delay ده فى السوفت وير القديم
الجديد النقلات بقت سريعه جدا
بالنسبه للاوتو العادى نزل خلاص كموديل 2010 بالموتور 124 حصان مش 105 حصان خليجى
تحياتى

على كدة MMT مريح في الزحمة و انت عمال تدوس و تشيل رجلك على اول نقلة بالSoftware الجديد ؟؟

و شكرا

**alfbaa** · 06-09-2009 07:10 AM

يا جماعه هو الاستاذ اللي هيشتري داخل سباق رالي ولا الفورميلا وان صحيح السيفيك سحبها احسن وموتورها بيقولو احسن بسسسسسسسسسس وكيلها سيئ والعربيه وااااااااطيه جدا والله بتتبهدل يا جماعه دي منتفعش في مصر خااالص اما الكورولا عربيه ممتازه (حتى ولو فرضنا انها اقل من السيفيك ) موتورها ممتاز .. قطع غيار متوفره .. عربيه اعاده البيع بتاعها فوق الممتاز.. عاليه عن الارض (بالمقارنه بالسيفيك انما العربيه اصلا مش عاليه اوي زي الميجان مثلا) وثبات معقول وممتاز

عايز ايه تاني ... عربيه فيها كل حاجه كويسه ومعقوله ولا عربيه فيها حاجات سوبر ومحصلتش بس فيها عيوب كارثه لوحدها

هو ده سر نجاح التويوتا دايما تنزل عربيه كل حاجه فيها معقوله صحيح مش التوب بس مافيهاش غلطه
دايما حتلاقي في اي عربيه تانيه شويه عيوب ( مثلا فوكس.. ميجان.. مازدا 3)........ لو عندك استعداد تدفع 160 الف او اكتر في عربيه كل ما يجي مطب هتصوت وتقول ربنا يستر ... وتلف من شوارع تانيه طول النهار ...لييه اصل الشارع ده فيه مطب سقع .... ولو عندك استعداد تبقى ههههههههادي وانت بتسمع صوت الحك والخبط اللي في اسفل العربيه وانت ماشي هات السيفيك لانها كده تبقى احسن

ده انا اعرف ناس عندهم نيسان صني و هيونداي i30 وبيصوتوا امال انت هتعمل ايه ..... لو ساكن في منطقه نظيفه و ضاااامن انك مش هتبهدل العربيه هات سيفيك ..كفايه انك هتبقى مميز مش زي عامه الشعب

**abo samra** · 06-09-2009 07:41 AM

المشاركة الأصلية كتبت بواسطة alfbaa

هات سيفيك ..كفايه انك هتبقى مميز مش زي عامه الشعب

يا جماعه التميز مش سيفيك بالعكس السيفيك اصبحت منتشره جدا
اللى عاوز يتميز يجيب 7 series او حتى حتة s class

**tutankhamoun** · 06-09-2009 08:31 AM

السيفيك سيارة رائعة و لكنها لا تصلح لمصر .... أي عربية قريبة من الأرض و بتحك في المطبات متنفعش في مصر
و أسأل مجرب ........ هاتكرهك نفسك و تكره العربية و تكره الحكومة و بتوع المرور و اللي عملوا الطرق .

و الكورولا ممتازة و رائعة أيضا و أكثر عملية عن السيفيك .

بمناسبة القوة الحصانية .

كل العربيات دي قوتها الحصانية مُقاسة على الموتور
كل شركات العالم بتقيس قوة الموتور و هي دي اللي بتنزل في الكتالوجات ........
يعني 122 أو 124 حصان ...... دي قوة محرك .
مفيش شركة في العالم بتقيس قوة المحرك على الداينو .

الداينو ده بتاع الناس اللي بتعدل و السباقات .............

إنما الأرقام الرسمية ......... كلها للمحرك منفرد .

لو شركة واحدة قالت في الكتالوج ........
vehicl horse power
هادفع اللي أنتو عايزينه

كله بيقول
Engine horse power

و الكلام ده تقدروا تتأكدوا منه بمراسلة الشركة اللي تختاروها و تعجبكم زي ما أنا عملت .

=================================================

طيب أيه اللي بيفرق عربية عن التانية لو الموتورين نفس القوة الحصانية ؟

الات الجر ...... و الفتيس ..... و الوزن العام للسيارة و تصميم السيارة نفسه .

ممكن شركة يكون فتيسها أحسن من شركة تانية و أستجابته أسرع ...... هايفرق و كمان ممكن عربية تكون أقل في الحصان حاجة بسيطة و تغلب عربية تانية أكبر منها في الحصان بسبب الفتيس و الات الجر و الوزن العام للسيارة .

اللي مش مصدق موضوع القوة الحصانية
عندكم مواقع تويوتا و هوندا ............... و كمان بي أم دبليو , مرسيدس
أسألوهم .