ليه كده يا تويوتا !! ... شكرا يا هوندا

**kemo0o** · 25-06-2010 07:31 AM

السلام عليكم

للاسف النهارده ايقنت ان توكيل تويوتا مش تماااااام خالص .. من الاخر مش فاهمين او بيستعبطوا أو عاوزين يلموا فلوس من الناس.

رايح اعمل صيانة الافانزا امبارح والعربية كانت بتسخن وتبطل وهي ماشية ورجه ورعشه وحاجات غريبة
المهم انا كنت شاكك انها جابت وش سلندر

رحت التوكيل عشان اعمل اشوف مالها العربية وطبعا رحت للمهندس اللي موجود هناك وقلت له على الشكاوي
المهم خدوا العربية من الساعة 9 لحد 4:20 مش مشكله
المشكلة بقى ان بعد لما اتصلوا بيا قالوا انهم عملو صيانة ال 20 الف تغيير زيت وبوجيهات وفلاتر وتيل امامي وده كله ب 1400 جنيه ؟؟؟ (أقسم بالله حرااااااااااااااام دي صيانة دي ولا افتراء؟ )
طبعا انا كنت متوقع ان العربية اتعملت ولما رحت ادفع المهندس قاللي ان العربية عاوزة ردياتير عشان اللي فيها مخروم ومش هينفع يكشفوا ع العربية الا لما يغيروه .... المهم اصلا ان العربية فيها وش سلندر والميه داخله على الزيت
اللي نفسي اعرفه هو اللي غير الزيت ده مش ميكانيكي ؟؟ يعني اكيد شايف الزيت على المياة كان قال لنا ان فيها كذا
المهم دفعنا وخرجنا العربية لحد المخرج بتاع كايرو فيسيفال سيتي وطبعا العربية كالعادة سخنت فقررنا نقطرها

الكلام ده كان الساعة 5 تقريبا فضلنا واقفين منتظرين اي حد يساعدنا نجيب قطرة (حبل او واير) المهم بتوع تويوتا كلهم خرجوا من قدامنا ومن ضمنهم مهندسي الصيانة وكمان اللي عملوا صيانة للعربية ومحدش فكر فيهم انه يقف يشوف مالنا !

بعد انتظار ........... خرج مهندس استقبال من هوندا وهو ماشي بعربيته ووقف لنا والراجل مشكورا عرض علينا انه يقطر العربية ودخل معانا التجمع ولف معانا لحد لما جبنا الحبل .
بعدها بشوية خرج المهندس محمد فضل مدير الصيانة بهوندا ووقف معانا برضه وجاء وراه واحد فني من هوندا وهو اللي قال لنا ان العربية فيها وش سلندر وازاي الميكانيكي يغير زيت من غير ما يقول لك ؟؟؟

بجد بجد بجد شكرا لهوندا ورجالتها ومش عارف ليه تويوتا كده ؟؟ حسبي الله ونعم الوكيل

**gazzar91** · 25-06-2010 08:12 AM

مهندسين عديمي الضمير... لما الخزنة تبقى واقعة و في تسليم مرتبات.... يقوم سالخ العملا!!!
يغيرلك زيت زالعربية مطحنة؟؟!!!! طيب إزاي ده... هم باصين للعميل على إنه شوال فلوس يحفوا منه لما يتزنقوا!!!!
حسبي الله و نعم الوكيل فيمن سأصبح لهم زميل!!!
في رعاية الله.. و ألف سلامة على الأفانزا..

**mshamy** · 25-06-2010 09:11 AM

انا مش فاهم ليه كده ..مع إن التوكيلين دول مع نفس الشخص....الفطيم

**kemo0o** · 25-06-2010 10:49 AM

المشاركة الأصلية كتبت بواسطة gazzar91

مهندسين عديمي الضمير... لما الخزنة تبقى واقعة و في تسليم مرتبات.... يقوم سالخ العملا!!!
يغيرلك زيت زالعربية مطحنة؟؟!!!! طيب إزاي ده... هم باصين للعميل على إنه شوال فلوس يحفوا منه لما يتزنقوا!!!!
حسبي الله و نعم الوكيل فيمن سأصبح لهم زميل!!!
في رعاية الله.. و ألف سلامة على الأفانزا..

الله يسلمك يا باشمهندس .... وربنا يسامحهم

المشاركة الأصلية كتبت بواسطة mshamy

انا مش فاهم ليه كده ..مع إن التوكيلين دول مع نفس الشخص....الفطيم

المسئول واحد كمان ... بس الناس مش واحدة بحس بتوع هوندا برغم رخامتهم برضه الا انهم احسن 100 الف مرة من بتوع تويوتا

**Samir Elshahawy** · 25-06-2010 12:09 PM

- حضرتك روح توكيل تويوتا اللي في أبورواش , الناس دي كويسة و فاهمة
- الحاجة التانية ... دايما لما تدخل التوكيل تقولهم علي كل العيوب اللي في العربية و تفضل حاطط عينك علي العربية ماتغيبش عن عينك
- غير كده ... لما حضرتك كنت متاكد من أن العيب ده وش سليندر .... ليه طلعت من التوكيل كده ؟؟
المفروض ماكنتش تدفع و لا مليم و تديهم فوق دماغهم علشان العربية تدخل تاني و تتصلح .... مش المفروض أن العربية في الضمان و لا أيه ؟؟

**hobaz** · 25-06-2010 12:17 PM

المشاركة الأصلية كتبت بواسطة se_coralsea

- حضرتك روح توكيل تويوتا اللي في أبورواش , الناس دي كويسة و فاهمة
- الحاجة التانية ... دايما لما تدخل التوكيل تقولهم علي كل العيوب اللي في العربية و تفضل حاطط عينك علي العربية ماتغيبش عن عينك
- غير كده ... لما حضرتك كنت متاكد من أن العيب ده وش سليندر .... ليه طلعت من التوكيل كده ؟؟
المفروض ماكنتش تدفع و لا مليم و تديهم فوق دماغهم علشان العربية تدخل تاني و تتصلح .... مش المفروض أن العربية في الضمان و لا أيه ؟؟

+111

**mohamed Gamal** · 25-06-2010 12:52 PM

فعلا التوكيل مش زي ما كنت متوقعه
رحت صيانة ال 5000 أخدت 4 ساعات وكنت بشتكي من الطنابير ولما خلصت قالولي كله تمام من غير ما يعملوا حاجة
لما صممت أنها بايظة طلعوا معايا مهندس جربنا العربية وغيروا الطنابير والتيل

**kemo0o** · 25-06-2010 02:04 PM

المشاركة الأصلية كتبت بواسطة se_coralsea

- حضرتك روح توكيل تويوتا اللي في أبورواش , الناس دي كويسة و فاهمة
- الحاجة التانية ... دايما لما تدخل التوكيل تقولهم علي كل العيوب اللي في العربية و تفضل حاطط عينك علي العربية ماتغيبش عن عينك
- غير كده ... لما حضرتك كنت متاكد من أن العيب ده وش سليندر .... ليه طلعت من التوكيل كده ؟؟
المفروض ماكنتش تدفع و لا مليم و تديهم فوق دماغهم علشان العربية تدخل تاني و تتصلح .... مش المفروض أن العربية في الضمان و لا أيه ؟؟

انا ما كنتش متأكد انا كنت شاكك لكن شكي طلع في محله وبعدين انا طالع على اساس انها ضمان انما هما قالوا لي ان الريدياتير مخروم وكده العربية لة فيها حاجة ناتجة عن موضوع السخونية هتتطلع بره الضمان

**mahmoudgouda20009** · 26-06-2010 04:46 PM

..........................
لقد خالفت القاعدة 17 من قواعد المنتدى مما يتوجب حصولك على تحذير مع وقف يوم تم تخفيفه بعدم تفعيل الوقف
يرجى مراجعة قواعد المنتدى
6:32pm 26/6/2010
مشرف القسم 9ب