كام حاجة عايز اعرف ليها حل فى الدايو

**sayedmsm2** · 04-09-2009 04:19 AM

انا لسه شارى لانوس 2 من اسبوع موديل 2003
ولاحظت كام حاجة عايز اعرف ليها حل
1- فيه صوت خفيف زى خبطه او دبدبة من الخلف ناحية اليمين لما اعدى فوق مطب منخفض
2- استهلاك البنزين لاحظت انها بتستهلك كتير جدا ......هوه ده عادى ولا ايه ؟
3- سخونة المحرك بس من غير موشر الحرارة مايزيد على النص وده بيبان لما احط ايدى على كبوت العربية
4- العربية بتحك فى المطبات العالية بتاعة بلدنا المحروسة ( ناس قالولى اعمل تعلية 2 سم للعربيه)ايه رايكم ؟
5- صوت الموتور شويه عالى دا طبيعى ولا لا ؟
والف شكر لكل من يقرا........ومليون شكر لكل من يرد ويفيدنى ويفيد ناس تانيه عندها المشاكل دى او مشكلة منها

**sherifahmed** · 04-09-2009 03:33 PM

ارجو من الادارة نقل الموضوع الى منتدى الدايو

**ahmedhilmy** · 04-09-2009 05:38 PM

الموضوع مكانه منتدي الدايو هتستفيد هناك اوي

**Akram** · 04-09-2009 10:43 PM

* بالنسبة للمشكلة رقم 1 و 4 ,
انت محتاج تراجع على العفشة الخلفية و يا ريت تروح لواحد كويس و يشوف المساعدين ورا اخبارهم ايه و السست ورا هل ارتفاعها مظبوط و لا ,
موضوع العليات ده بيتعمل لو السست أقل من الإرتفاع القياسي ليها و بالتالي بيتم تعويض للفرق بعليات مطاط ,
و طبعاً العفشة كلها هتتربط كويس و موضوع الصوت و المطبات هيتحسن كتير ,

* بالنسبة للمشكلة 2 ,
لازم تحسب إستهلاك البنزين و ده عن طريق تفويل العربية لغاية لما تشوف البنزين في الزور و بعدين تصفر العداد و بعد 100ك أو 200ك تفول تاني و تشوف الاستهلاك كام و تقسمه على عدد الكيلومترات , و إستهلاك الانوس في المتوسط 9.5 ك لكل لتر , و كمان لازم تلاحظ هل العربية بتغيب في الدوارة و هل بيبقى فيه دخنة في بداية الدوارة لأن ده مؤشر إن الرشاشات محتاجة تتغير , و علشان تتلافي القصة دي روح عند حد عنده مكنة تنظيف الرشاشات علشان يكشف على الرشاشات و يقولك حالتها بالظبط و يا ريت تعمل سكانر على العربية ككل ,

* بالنسبة للمشكلة 3 ,
فده حاجة طبيعية في كل اللانوس طالما المؤشر مش بيعدي النص , بس يا ريت تعمل تنظيف لدورة الريداتير و طبعاً تستخدم مياه زرقاء و يفضل موبيل ,

* بالنسبة للمشكلة 5 ,
فدي موضوع نسبي يتوقف على انت بتقارنها بإيه , بس على العموم صوت موتور اللانوس مش واطي و مش عالي ,

**Akram** · 04-09-2009 10:45 PM

يا ريت تعمل جولة في قسم الدايو و انت هتلاقي معلومات هامة جداً

**samirayad** · 04-09-2009 11:01 PM

مبروك أولا على السياره
ومادام لسه شارى السياره أستعمال
يبقى حتلاقى فيها حاجات عاوزه تتغير
زى سير الكاتينه والشداد عندك
دا غير مراجعة طلمبة الميه
وتغيير بوجيهات وزيت فلاتر
وعفشه ( وتقريبا حتحتاج تغير المساعدين الخلفيين )