وجهة نظر فى المازدا 3 الجديدة

**janjon1978** · 04-09-2009 04:46 AM

المازدة الجديدة شفتها وافقة فى فرع المصرية .. حتة سوداء تتجن .. امت عالطول راكن ورحت قعدت فيها و فلتها حتة حتة يجى حوالى نص ساعة ... الحقيقة الجديدة احسن بمراحل و الكلام دة بقوله و انا اساسا ماعيا موديل 2008 .

فعلا العربية جودوها عن الشكل القديم .. هو فعلا الشكل القديم لما نزل فى 2003-2004 كان سابق عصره فى هذة الفئة يعنى شوف المازدا 3 القديمة و بص على السيفيك و الكورولا و الانسر القدامى و انت سوف تنحنى للمازدا احتراما لها.. لدرجة ان الموديل القديم مازال ينافس بقوة اخواتة موديلات 2009 ..

و شركة مازدا حاولت بجهد تحسين ما هو جيد ليصبح فعلا جيد جدا
اولا الشكل .. شوف الرفارف و انحناءتها و الابتسامة الجميلة للمقدمة .. شوفوا الفوانيس .. شوفوا قوة الاكصدامات و الصاج المحمل ... يا جماعة العربية فى الواقع احلى بكتيىر من الصور .. روحو اتفرجوا عليها قبل ما تحكموا..

الخامات الداخلية اصبحت احسن .. البلاستيك الاسفنجى الطرى فوق الطبلوة زى الموجود فى الاوكتافيا و الجولف و الباسات اما التنجيد فهو ممتاز لكن يوجد بعض اجزاء من البلاستيك الناشف فى الطبلوة و اماكن التخزين ...
يوجد زيادات فى الموديل الbasic امثلة ذلك الاربعة زجاج كهربى AUTO up-down و ليس زجاج السائق زى الموديل القديم و كل اخواتها اليابانين و الكوريين حتى ال high line منهم و ايضا ال intermittent wiper يمكن تغيير سرعتها ب 5 سرعات ( مش موجودة فى القديمة) ... 3 مخادع للراس بالخلف و ليس 2 كالقديمة .. عدادات ديجيتال للحرارة و البنزين .. تبطين الكبوت ... و اكيد هنلاقى اكتر لما نسوقها

الموتور .. اتعمل فى شغل جامد ..صحيح ان هو الموتور القديم و صحيح ان القدرة الحصانية مازادتش لكن يكفى انها اصبحت السيارة الاولى فى 1600 الاقل استهلاك للوقود ( 6.3 لتر لكل 100 كم فى المتوسط يعنى الصفيحة تعمل 300 كم ؟؟ ) و الحقيقة ان موتور المازدا ال105 حصان اللى الناس بتقول عليلة ضعيف و يتقطع حتت ؟؟ اجمد من مواتير كثيرة و عربيتى تشهد بكدة لانها علمت على لانسر و اوكتافيا و اكسنت و نوبيرا دة حتى الفيرنا علمت عليها بردة و انا عارف انها تسد مع السيفيك لغايةال 200

العفشة و الثبات اتعمل فيهم شغل بردة ... فما ادراكم بعفشة المازدا و جمالها ... فاذا كانوا فى القديمة 9 \ 10 ففى الجديدة اصبحوا 9.5 \ 10 و دة من تقييم المحللين بالخارج لانهم اختبروا العربية و قالوا عليها واحدة من احسن السيارات الممتعة للسواقة one of the best fun to drivre cars
العيوب الحقيقية --->
1- مساحة الركاب الامامين و الخلفين لم تتغير زى القديمة تمام و ان كانت معقولة جدا لكن كنت اتمنى انهم يزودوا المساحة الخلفية علشان مححدش يقولهم كلمة
2- وجود بعض اجزاء من البلاستيك الناشف
3- العربية بتوطى مع التحميل (مش عيب عربية لكن عيب بلدنا)
4- العيب الاساسى و القاتل عدم وجود وكيل كبير لها و غلاء قطع الغيار الاصلية بصورة مبالغ فيها

الخلاصة فى وجهة نظرى عن العربية و دى بردة وجهة نظر خبراء السيارات بالخارج ان مازدا حطت على التورتة كريمة شانتيه و اتفضلوا بالهنا و الشفاء دى بعض الفيديوهات اللى عجبتنى

http://www.youtube.com/watch?v=yGptv...eature=related

http://www.youtube.com/watch?v=8AGux...eature=channel

http://www.youtube.com/watch?v=YyOSC...eature=related

http://www.youtube.com/watch?v=KbGgj...eature=related

http://www.youtube.com/watch?v=fvwuN...eature=related

**eng/muhamad** · 05-09-2009 02:17 AM

شكرا لحضرتك على الموضوع
و العربيه دى بجد انا مش عشاقها سواء شكل قديم او جديد
بس الجديد احلى طبعا

**makavelimorsy** · 05-09-2009 04:32 PM

عربية فعلاً محترمة من وروعة من روائع مازدا .... بس المشكلة مش ف كل دة المشكلة الأكبر ف سعرها الي يخليني مع اني من ملاك المازدا بس مسبش السيفك بردو و ال هي من روائع ال هوندا ...ولو أي حد فينا أعتقد معظمنا لو معه000 155 قلبو حيروح للسيفك على طول و أنا اعترف هاكون أول واحد

**janjon1978** · 05-09-2009 05:04 PM

المشاركة الأصلية كتبت بواسطة makavelimorsy

عربية فعلاً محترمة من وروعة من روائع مازدا .... بس المشكلة مش ف كل دة المشكلة الأكبر ف سعرها

فعلا معاك حق ... فى استهبال جامد فى سعرها .. تمنها الحقيقى المفروض 130-135 ليس اكثر زى اختها الفوكاس

**himaz** · 05-09-2009 08:44 PM

المشاركة الأصلية كتبت بواسطة janjon1978

فعلا معاك حق ... فى استهبال جامد فى سعرها .. تمنها الحقيقى المفروض 130-135 ليس اكثر زى اختها الفوكاس

فعلا سعرها برة ثابت هو سعر القديمة بيبتدى ب 15,000 دولار

**bedo13** · 06-09-2009 03:12 AM

والله انا شايف القديمة زي الفل لغاية ما سعر الجديدة ينزل عشان بالسعر دة الفرق ما يستاهلش و بصراحة السيفيك احسن في السعر دة
هو صح السيفيك كام حصان؟
انا سمعت ان المعرض لوحدة بيكسب في العربية 7-8 الاف

**bedo13** · 06-09-2009 03:25 AM

المشاركة الأصلية كتبت بواسطة janjon1978

و الحقيقة ان موتور المازدا ال105 حصان اللى الناس بتقول عليلة ضعيف و يتقطع حتت ؟؟ اجمد من مواتير كثيرة و عربيتى تشهد بكدة لانها علمت على لانسر و اوكتافيا و اكسنت و نوبيرا دة حتى الفيرنا علمت عليها بردة و انا عارف انها تسد مع السيفيك لغايةال 200

الخلاصة فى وجهة نظرى عن العربية و دى بردة وجهة نظر خبراء السيارات بالخارج ان مازدا حطت على التورتة كريمة شانتيه و اتفضلوا بالهنا و الشفاء

انت عربيتك مانيوال ولا اوتو ؟ اصل انا شديت مع اوكتافياA4‎ ‎مانيوال وعداني وانا 190بس قبل كدة ماعرفش و السيفيك طبعا Acceleration ‎احسن من المازدا وهيا كمان 5 غيار مش 4 بس _بس الباقي طبعا لازم تعلم علية والا تبقى عيبة في حق المازدا ولا اية رأيك

**som3aa** · 06-09-2009 05:56 PM

فعلا عربية رهيبة بس عيبها ان سعرها مبالغ فيه بشدة
دى لو الجديدة اللى زى الaero تنزل ب 150 الف تاكل السوق من عربيات كتير
بس فاضية ب 155 و لا 148 دا استهبال و سعر مبالغ فيه جدا
ازاى تتباع ب 155 فاضية و الجيتا بتبدا برده من 158 و فيها 10 airbags يبقى تهريج الصراحة