المازدا 3 الجديدة

**moody_687** · 02-11-2012 10:56 PM

عربية وزنها كام كيلو؟ وليه العربية لو اخذت غرزة بيها ع سرعة 120 بتعوم ؟
العربية دى مع واحد صاحبي وكان معايا ع الطريق واخد بيها نفس غرزتي ع نفس السرعة تقريبا اللى هى 120 والعربية بتاعته عومت منه ولمها بالعافية مع العلم العربية ماشية 10 الاف كيلو ولسة عامل صيانة 10 الاف

**moh2006oraby** · 03-11-2012 04:30 AM

المشاركة الأصلية كتبت بواسطة moody_687

عربية وزنها كام كيلو؟ وليه العربية لو اخذت غرزة بيها ع سرعة 120 بتعوم ؟
العربية دى مع واحد صاحبي وكان معايا ع الطريق واخد بيها نفس غرزتي ع نفس السرعة تقريبا اللى هى 120 والعربية بتاعته عومت منه ولمها بالعافية مع العلم العربية ماشية 10 الاف كيلو ولسة عامل صيانة 10 الاف

ايه الكلام الغريب ده؟؟؟؟؟؟؟؟؟؟
العربية ما شاء الله عليها
حتي علي سرعة 177 اللي هي أخرها و عربيتي ماشية 55 ألف
أنا أسف الكلام ده غير صحيح
ده عيب سائق و ليس سيارة
علي العموم خليه يعيد علي ضبط الهواء 33 خلفي
35 امامي زي اللي مكتوب علي الباب و يعيد ضبط الزوايا
ممكن يكون ده السبب ؟؟؟
أسف علي الرد

**moody_687** · 03-11-2012 10:52 AM

باشا مش كلام غريب ولا حاجة انا بحكي اللي احصل
ومعتقدش انه عيب سواق صاحبي سويق اكتر مني
اما بالنسبة لحوار الهواء ف الاطار فهو كان 30 فممكن يكون ده السبب
باشا انا بتكلم ع غرزة ع 120 مش بجرى طوالي ع 120 اللي اقصده يعنى ف انحراف للسيارة

**romar** · 04-11-2012 08:56 AM

دة الواحد جايب العربية دي بس عشان ياخد بيها غرز على 120 :) وع الدائري كمان.. يعني طريق تعبان.

**moody_687** · 04-11-2012 10:18 AM

ياجماعة انا بحكي اللي حصل وحصل قدامي

**Thebutcherr** · 04-11-2012 11:40 AM

اكيد عيب سوق انا باخد بيها غرز على 160!!

**romar** · 04-11-2012 11:47 AM

المشاركة الأصلية كتبت بواسطة moody_687

ياجماعة انا بحكي اللي حصل وحصل قدامي

صادق يا باشا طبعا

**moh2006oraby** · 06-11-2012 03:29 AM

المشاركة الأصلية كتبت بواسطة Thebutcherr

اكيد عيب سوق انا باخد بيها غرز على 160!!

Thebutcherr
أخذت من لساني الكلمة

بس بقي العيب في كام حاجة من دول لازم يكون منهم و بالأخص ان العربية لسه جديد و عاملة 10 ألاف و تقريبا أن قلت الكلام ده قبل كده بس حقوله تاني و الأخوة ممكن يشركوني الرأي أو يضيفوا:
1- عيب سائق ... عدم سلاسة تحكمه في الطارة.
2- عيب في ضبط اطارات السيارة .....كما هو مكتوب بالقائم
3- عيب في ضبط الزوايا ...... من الممكن تكون في فرده مقفولة أو مفتوحة عن الأخري ممنكن تسبب المشكلة.
و شكرا

**moody_687** · 06-11-2012 07:33 AM

الله ينور عليك انا عايز الكلام العلمى اللي ممكن يسبب المشكلة بتاعة تعويم العربية اي عربية معرضة لكدة
بس انا لفت انتباهى ف المازدا ان الشكل القديم اوطى واعرض من الجديد مش عارف انا صح ولا لا

**medokassem** · 06-11-2012 08:38 PM

المشاركة الأصلية كتبت بواسطة moody_687

عربية وزنها كام كيلو؟ وليه العربية لو اخذت غرزة بيها ع سرعة 120 بتعوم ؟
العربية دى مع واحد صاحبي وكان معايا ع الطريق واخد بيها نفس غرزتي ع نفس السرعة تقريبا اللى هى 120 والعربية بتاعته عومت منه ولمها بالعافية مع العلم العربية ماشية 10 الاف كيلو ولسة عامل صيانة 10 الاف

شوف يا باشا انا من ساعة مجبت العربية من ٨ شهور حتي الان عومت مني مرتين بس والحمد لله اول مرة كنت بجري مع ابن خالي التيدا علي طريق الجامعة عندنا في الزقازيق وداخل ملف مستشفي الجامعة هو ملف بزاوية تقريبا ٧٠ وانا مش هتكلم علي الملف ده ايهاب باشا اللي هو level power واحد من الناس اللي عرفين الملف وهيحكيلك علي اسطورة الملف ده ما علينا انا دخلته فوق ال ١٠٠ وعلي الواسع عشان كنت سخنلن مع بن خالي وبن خالي دخل بالتيدا علي الضيق علي ٨٠ وقالي كنت حاطط ايدي علي قالبي وانا داخله بالسرعه دي وعلي الضيق انا بقي ايه اللي حصلي لقيت العربية عايزة تنطر من ورا ناحية برة انا شلت رجلي من علي البنزين وملمستش الفرامل ولقيت الدركسيون لف نص لفة وانا مسكه وهو بيلف حسيت بالعربية بتعدل من ورا والحمد لله الامور عدت بعديها وقفت انا وبن خالي نشوف اللي حصل لقيته بيقولي اقسم بالله انا قولت انك اتقلبت ده اكصدام العربية الوراني جنبه كان هيلمس الارض تخيلو بقي العربية كانت مايلة ازاي من ورا طبعا عدت بستر ربنا والعربية من بعد الملف ده بقيت احترمها
المره التانية
كنت داخل علي السلام من مصر اسماعلية الصحراوي وكان الطريق ماشي علي ٦٠وانا علي ١٢٠ شوفت عرزة ضيقة داخلتها قطم عشان ديقة. وانا بدخلها ولسه معدلتش الطارة لقيت ميني بص اقمت جاي قاطم عرزة ضيقة تاني. يعني غرزتين في نفس الوقت يمين في شمال وقطم لقيت العربية لعبت من ورا بس اتعدلت لوحدها كانها كانت عايزة تلف بس الحمد لله
المازدا حلوة بس مهياش بي ام ولا مرسيدس اصل لو هيا العربية اللي هتاخد بيها الغرز الصد رد علي ١٥٠ امال سبت ايه للبي ام والمرسيدس بس يا باشا هيا دي القصة كلها واي استفسار انا في الخدمة