الموضوع: نوبيرا و بنزين 80

متابع باهتمام

أنا إستعملت ال 80 لمدة سنة كاملة فى الجولييت و ماكانش فيه أى مشاكل أنا جربت مرة واحدة فى النوبيرا (لسه شاريها) وإن شاء الله أفيدكم بالنتائج وإن كان على بالى إستخدام خليط بنسبة 20 لتر 92 و 40 لتر 80 و ده هيعمل بنزين 84 و أعتقد إن ده هيوفر شوية و فى نفس الوقت يقربمن ال 87

30 لتر 92 + 30 لتر 80 تعطى بنزين 86 و توفر 28 جنيه كل تفويلة (76.95 ج)
25 لتر 92 + 35 لتر 80 تعطى بنزين 85 و توفر 37.5 جنبه (67.3 ج)
لو فولت 60 لتر 90 تتكلف 105 جنيه
و أعتقد 85 أو 86 مش هاتضر العربية أبدا
على موقع DIY (Do it yourself) كان فيه خلطة ل Octane booster بس أنا ما جربتهاش (العربية لسه فى الضمان 14000 كم)
Synthetic 2-cycle و acetone/ و xylene
The mix ratio is 2:1:1 acetone/xylene/oil
وتحط 70 سم مكعب على 40 لتر بنزين طبعا الأسيتون هو التنر-ويستخدم هنا لإذابة الزيت التخليقى - أما الزيلين بيجيبوه من محلات الكيماويات و يستخدم كمنظف ل- مكن التصوير و هو فى هذه الخلطة لتنظيف الرشاشات - يعمل الزيت على تزييت حلفات المكابس - هذه الخلطة كما يقول صاحبها ( وله خبرة كبيرة فى ميكانيكا السيارات) تؤخر إشتعال البنزين ( بالبلدى كده تعالج الفرق بين 80 و 90) و بكدة تكون عملت Octane booster فى البيت و بسعر أرخص بس للأمانة أنا ما جربتهاش - أنا مكتفى بالخلطات اللى وصفتها لكم فوق. لو حد جرب الوصفة دى يبلغنا عن النتائج لكن دايما خليك فاكر إن التجربة تكون على مسؤليتك (مش بقول كده علشان أخوفكم لكن لازم للأمانة العلمية) وخليكوا فاكرين لو كان هنرى فورد خاف يجرب إختراعه ما كانش بقى فيه عربيات النهارده

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

مشرف القسم 2