الموضوع: لانسر بومه و حملة الهجوم الشنيعه

بصوا يا جماعة انا راى فى الموضوع دا متغير شوية يعنى اة حب العربية دا تبع المزاج يعنى اة يعنى انا سعات بحب العربية وسعات بكرها بس الخلاصة بجد عربية ممتازة سيبك انت من حوار الالنترا احسن والكلام دا كل عربية وليها مميزاتها وعيوبها عايز عربية تقل فيها العيوب بدرجة كبيرة مش مفهاش لا تقل ابدا من اوى 400 او 500 الف وانت طالع غير كدة مدورش على عربية من غير عيوب والموضوع كلة بتتلخص فى انى العيب دا انت ممكن تتقبلة انا لا وهنا بيجى الفرق بقة
بالنسبة ليا اركب لانسر اسمى راكب يبانى مش كورى حتة لو دلوقتى مفيش فرق والانسر ماشية زى الرز فى الشارع وان كانت دى ميزة مش عيب زى ما الناس بتتكلم عليها بس اسمى راكب يبانى العربية سهل التعامل معاها فى كل حاجة سواء صيانتها او سواقتها او انك تشتغل بايدك انت جواها فى حجات كتير سهلة جدا الشكل الداخلى مقبول جدا اداء مقبول جدا مقارنة بمنافسيها اسعار غيار مقبولة جدا وعندك التقليد عشان لو ميزانيتك فى اى وقت مش سامحة مفيش اى مشكلة واسعارها متفرقش عن ال 28 فعلا كمفروب يعنى يعنى تيل الفرامل ب60 جنية وقت ما اكون مزنوق اة المشكلة اجيبة وبيبقة فى الاول زى الفل اة بيبوظ الطنابير وكلة بس انا بتكلم فى موضوع زنقة دلوفتى يعنى العربية ممشيانى تعالى عن التيوتا والميجان تسمع ارقام عالية جدا وللاسف معظم ملاك العربيات دى بيتباهى انى التيل ب650 و 700 جنية دا افترى يا عم الحج لية يعنى العربية متستاهلش دا اصلا دا مجرد راىء

الخلاصة بقة بجد الكلام الى ممكن يضايف ناس وتحامل ناس انا سوقت عربيات كتير اة هما
تيوتا 2005
لانسر 2006
فيرنا2005
صنى 2009
بى ام 316 2006
127
128
لانسر شارك
الخلاصة فى كلمتين التيوتا عربية محترمة تمشى بيها برنس كدة قاعد فى اوضة نوم مش عربية عزل كويس صوت موتور هادى قعدة محترمة جرى عادى يعنى مش الجامد زى الانسر غالبا ثبات عادى جدا اعتقد اقل من الانسر
فيرنا :انا راكب عربيات متصادمة فرحان جدا بجد عربية بتدخل السعادة عليك تطلعا تلاقى العربية بتفوت وبتطلع تراب الارض كلة وراك تيجى جمب اى حد ولو مين حتة ابصلة بس كدة ميفكرش يشد معايا ولو فكر يبقة اهبل لغاية 120 بعد كدة لو انا فكرت اقبة انا الى اهبل طبعا عارف انا بتجيب سرعة عاليا بس ب 120 لازم طريق 5000 كيلو مثلا عشان تجيب 180 ولا 200 وساعتها هتكون غالبا دور العربيات المتصادمة انتهى بس غالبا نهاية مش كويسة
الصنى :بجد عربية كويسة وانا كانت صوت موتور غبى جدا لانسر سير الكاتينة جنزير صالون غبى شوية بردوة كراسى بتزيق فى كل العربيات مش حالة فردية والى مش عندة كرسية بيزيق يبقة يا اما حالة فردية يا ما مش واخد ابلة خلاصتها كويسة ثباتها مش حاسس زى ما الناس بتتكلم انا جامد ولا حاجة الانسر احسن بفرق ملحوظ
بى ام دبليو :دا بقة الى هيدايق الناس سوقت عربية ماشية 30 الف كيلو و عربية عاملة 50الف كيلو الاتنين حالة واحدة طيب اة نظامها يا عم ؟نظامها يا عم عزل ملوش حل سواء وانت واقف او انت ماشى صوت الموتور يعنى وكدة موتور افرح الى معاك لانسر هتزبطة لحد 140 مثلا بعد كدة هيطلع منك بس مش مرتاح اوى غير بقة لما تجيب اخرك هيكون هوا كمان جاب اخرة بس اخرة بعيد عنك شوية يعنى اعلى لانسر فى البلد بتجب 205 دا فى الاحسن الاحوال هوا هيجيب 240 بسهولة وحالة العربية لسة مستريحة زى ما هيا بس الموضوع دا فاكس سيبك من السرعة والهبل دا هوا العزل طيب الثبات طبعا حلو جدا وفى انظمة عالية زى ال dtc وdsc والقلق دا وخاصة فى الملفات الخلاصة على ال البى ام مش الحوار يعنى يعنى لما سوقتها كنت فاكر انى هبقة راكب هوا مش حاسس بحاجة لاكن عفشة زفت ناشفة جدا عشان موضوع الكاوتش ال run out flat الى ملوش اى تلاتة لازمة سوا وجع الدماغ والغلو والارف قطاع غيار غالية بالهبل من غير اى لازمة ولا معمرة ولا نيلا كشف دورى فى التوكيل غالى جدا وكل شوية الكمبيتر يطلع لمض ان\ار لازم تروح التوكيل تشيك ممكن متكونش فى حاجة بس كل فترة لازم كدة خلاصة الكلام البى ام ال 316 انت اسمك راكب بى ام وواخد برستيج لاكن مش واخد اى حاجة تانية

127-128 كانت عربيتى وربنا ما يعودها ايام بس بجد علمتنى كتير اوى ودا الفرق بينى وبين صحابى الى اتعلموا على عربية نضيفة علطول

دلوقتى معايا لانسر 2006 بومة زى ما قولت شوية احبها وشوية اكرها بس بجد عربية كويسة جدا صالون كويس شكل خارجى كويس اداء كويس سواء فى التسارع او الثبات او العزل كل دا بالمقارنة بالعربيات التانية مش من فراغ صيانة سهلة بدون مشاكل قطع غيار كويسة ممكن متعملهاش صيانة خالص وبردوة هتمشى زى الفل مش معنى كدة انى مش بعمل صيانة انا عن نفسى بحب التوكيل واحب التعامل معاة وانا عارف انة بيضحك عليا فى السعر بس انا مش ببقة مرتاح غير مع التوكيل وقطع غيارة بس فى فرق بين ما اكون مرتاح ومش مرتاح وانى العربية تكون مرتاحة ومش مرتاحة
ارضوا بالانسر بجد مهما غيرت لحد 400 الف صدقنى لازم هتلاقى حاجة مش هتعجبك خاصة لو شخصيتك زى اركب العربية ادور على عيوبها مش مميزاتها
نسيت ركبت بسات وجيتا :موتور تعبان جدا ثبات عادى جدا سيبك من الى يقلك غير كدة لانة غالبا مجربهاش وخاصة على سرعة انا لما شوفت شكلها قلت العربية دى مش هتتحرك من على الارؤض جنوط 17 واةةةةة كل دا فاكس بسات وجيتا هتاخد صالون انضف صالون شفتة فى حياتك غير وشية برستيج غير كدة لا
معلش يا جماعة انا عارف انى رغاىىىى اوى بس اصلى موضوع حب الانسر وكرة دا بيلعب فى دماغى كتير

وعلى رأي احلام ( واللي مايدوق العنب عنه حامض يقول )