لانسر بومه و حملة الهجوم الشنيعه

**mmffor** · 12-02-2010 11:13 AM

اسمها كايداهم مش حارقاهم . لأن قطع غيارها موجوده زي ال 128. صحيح التجار رافعين سعرها شويتين سرقه بس برغم من كده ارخص من اي عربيه ياباني تانيه! بس انا لما ركبت جنوط سبور لعربيتي مع اني عملت ترصيص و ركبت غوايس و ضبط زوايا بس بحس ان العربيه بتعوم بعد ال 140

**H_A_T_Em** · 12-02-2010 07:02 PM

اللانسر طبعا عربيه محترمه جدا و الدليل علي كده مبيعتها و هي لا تقارن بالالانترا طبعا و فرق كبير في الثبات و انا 2 من اصحابي الالانترا وديتهم في داهيه بصراحه و نرجع و نقول اللانير مش عربيه سوبر بردو بس معقوله قوي علي قد سعرها و قابله للتعديل و قطع غيار في كل مكان

**Kareem Khattab** · 13-02-2010 09:50 AM

اللانسر فوق الجميع

**mido190** · 13-02-2010 01:50 PM

اللانسر عربية ميختلفش عليها اتنين سيبكم من الهبل اللي بيتقال ده

مميزات اللانسر اكتر من عيوبها و لو قارنة عيوبها بسعرها يبقي احنا الكسبانين

انت محتاج ايه في مصر اكتر من عفشة قوية و ثبات على الطريق و شكل ممتاز و سحب رائع و اهم من ده كله قطع غيار متوفرة في اي وقت و في اي محافظة و اسعارها رخيصة و مراكز صيانة عديدة .

و انا عن تجربة مش مرة واحدة اسوق العربية و احكم عليها ده انا مجرب جميع فئات اللانسر مرات عديدة داخل المدينة و في السفر ( كريستالة و بومة و شارك ) مانيوال و اوتوماتيك في الانواع الثلاثة

انا معايا كريستالة 99 و الحمد لله عربية زي الفل و كفاية انها ثابتة و جودها لحد دلوقتي و سعرعا مستعمل اغلى ما كان سعرها زيرو و كل ما يعيبها انها واطية و ده في صالح الثبات

البومة عربية اثبتت وجودها بجدارة لا تقارن بأي سيارة في فئتها من حيث السحب و الثبات و قطع الغيار و سعر اعادة البيع و ده كلام ميختلفش عليه 2 و مجربها بدل المرة 1000 و سافرت بيها كذا مرة لأنها مع كذا حد من اصحابي

و والدي معاه شارك بجد انا بحس ان العربية دي مظلومة جداً شكل رياضي رائع و موتور قوي جداً كل الناس تقول دي 1500 سي سي و مبيكملوش و يقولوا انه مايفيك ( واللي ميعرفش يقول عدس ) و قطع غيار الشارك تقريبا نفس اسعار قطع غيار البومة و بمقارنة الشارك بمشاكل سيارات فئتها ستجدها الاقل ( المازدا قطع غيار نار و لا استطيع ان احكم عليها عشان مجربتهاش و السيفيك واطية جداً و ايضا مشكلة قطع الغيار و الكورولا مشكلتها المعروفة للجميع الفتيس الاوتوماتيك بتاعها و شكلها التقليدي و الكلاسيكي جداً و عدم الثبات على السرعات العالية و الجيتا موتور ضعيف بالنسبة لوزن السيارة و ده طبعا في مصر بس عشان لو حطوا موتور عالي هيبقى سعرها زي البي ام ) و اري ان الاوكتافيا افضل من الشارك في هذه الفئة و لكن فرق السعر كبير و اكرر ان الاوكتافيا افضل

ياريت اللي يحكم على اي عربية لازم يكون مجربها كويس و في حالات مختلفة من القيادة لكن مش اسوق العربية 100 متر و اقول جربتها و تعالو نشوف هتلاقي اللي بيشتموا في اللانسر اقل من بكتيير من اللي بيمدحوا فيها و اسألوا اي ميكانيكي او صنايعي بيمر عليه كل يوم عشرات العربيات ايه رأيه في اللانسر مش هيقولك غير دي عربية 10 على 10

**meg16** · 13-02-2010 02:12 PM

شوفوا سقوط التويوتا على مستوى العالم والناس هتعرف قيمة الانسر يا جماعة العالم كله بيتقدم والمصريين بشربوا تويوتا وبيكلوا تويوتا وبيناموا تويوتا ركبت سيارات كتير واخرها لانسر لكن تويوتا لا لا لا

**ahmad--ezzat** · 13-02-2010 03:25 PM

المشاركة الأصلية كتبت بواسطة meg16

شوفوا سقوط التويوتا على مستوى العالم والناس هتعرف قيمة الانسر يا جماعة العالم كله بيتقدم والمصريين بشربوا تويوتا وبيكلوا تويوتا وبيناموا تويوتا ركبت سيارات كتير واخرها لانسر لكن تويوتا لا لا لا

الكرولا احسن من الانسر

**SAMEH_FOUAD** · 13-02-2010 05:12 PM

اكثر سيارات عطلانة على الطريق دلوقتى الفيرنا يبقى ازاى الكورى اتقدم دة بالنسبة للفيرنا بس هية سيارة تكاليفها قليلة تناسب جدا اللى عايزى يشترى عربية جديدة وكويسة بس يحافظ عليها جدا لانها مش بتاعة بهدلة خالص
بالنسبة للانسر طبعا كويسة وبيعجبنى اوى فيها اللون النبيتى فى الانسر الكاملة اللى فيها ds فعلا سيارة معمولة للشباب فعلا وشكلها حلو اوى احلى من الالنترا بكتير وثباتها كويس وواسعة مش ضيقة وماتورها كويس وبيخرج 121 حصان زية زى الالنترا
معلش انا ركبت الالنترا ومعجبنيش ولا خاماتها ولا قعدتها ولا صاجها
وعشان تبقوا عارفين بقى انا اتاكد مليون فى 100 ان الباور بتاعها مابيفصلش بعد ال120 والدركسيون بيبقى خفيف جدا جدا جدا
شوفوا انا عاجبنى الكورى انة يقدر يعمل سيارات الناس تثق فيها وتخليها تشترية وتبقى كمان اعلى مبيعات فى بلدك ودية تتحسبلهم وبردة عربياتهم مش وحشة لا جميلة بس فى حدود مايعدوهاش مهما كان التلميذ لا يتفوق على الاستاذ وخصوصا اذا كان الاستاذ دة مهارتة وتكنولوجيتة فى تزايد مستمر
اليابانى هيفضل يابانى الاداء الافضل من بعد الالمانى