وصلة الدائري الجديدة...صور و تقييم بسيط!
الحمد لله قُدر لي ان أتخذ الوصلة الجديدة بعد إفتتاحها بساعتين فقط...
الكوبري معمول على درجة كبيرة جداً من الجودة و النظافة...
قاطع جزء كبير من الطريق المعتاد اللي المفروض نمشيه
مشكلته الوحيدة هي نقطة الإلتقاء مع القوس الشرقي...زحمة جداً و على طول واقفة
بس إحساسي الشخصي بيقول ان ملهوش لازمة كبيرة قوي...خصوصاً بعد تجديد و تطوير منطقة ميدان الرماية و شارع الهرم...
يعني قبلها بيومين سلكت نفس الطريق لأبو رواش عن طريق شارع الهرم و الرماية...و أخدتها في 18 دقيقة لحد البوابات...بالكوبري أخدتها في 10 دقائق...
منزل طريق إسكندرية الصحراوي بعيد قوي عن البوابات...بينزلك عند فندق إنتركونتيننتال...اللي هو علي بداية الطريق الديق الحارتين...يعني الحتة دي هاتفضل زحمة و واقفة علطول!!!
دي بعض الصور للطريق الجديد..و من الواضح طبعاً أثار الإحتفال عليه
في المجمل...الطريق كويس...و هايساهم بشكل أو بأخر في حل الأزمة المرورية في هذه المنطقة..مما يعني بالتبعية...توفير في الوقت و المال المهدر..
من المعادى الى حدائق الاهرام
السلام عليكم ورحمه الله وبركاته
يا جماعه لو سمحتو محتاج مساعده منكم
انا بطلع الدائرى من المعادى متجه الى حدائق الاهرام يوميا
النزله بتاعه الدائرى اللى بتنزل على ميدان الرمايه او طريق اسكندريه الصحراوى زحمه جدا جدا ممكن توصفلى نزله تانيه تكون سهله
مع مراعاه انى جديد عاى المنطقه برجاء شرح مفصل
شكرا مقدما