الموضوع: انقذوا مريم

المشاركة الأصلية كتبت بواسطة bedo13

لو سمحتوا كنت عايز اعرف الحوالة البريدية تتبعت على فرع اية؟ وازاي ابلغ عشان حد يستلمها؟ ولو في حساب في بنك تاني يكون افضل

اخي بيدو الحوالة ممكن على الاهرام بريد الجمعة او تتصل باستاذ احمد والد مريم وتسلمه انت التبرع بنفسه او لو تحب ممكن اجي لك في اي مكان اخد منك التبرع واوصله لوالد مريم وتبقي تتصل بيه بعدها تطمن على وصول التبرع وتشجعه وتعرفه انه مش لوحده

لو اي حد عايز يتبرع لمريم ايا كان المبلغ قليل في 3 طرق ذكرناهم اما عن طريق بريد الجمعة او عن طريق الحساب البنكي لوالد مريم او بالاتصال بوالد مريم شخصيا والراجل في مكالمة سابقة ليا قالي ان فيه ناس اتصلت بيه وراح لهم في اكتر من مكان واخد منهم تبرعاتهم لمريم والله صوته كان يكاد يكون يبكي وحسيت بمرارة شعور الاب بالعجز امام ابنائه خاصة في حالة كهذه والله شعرت انه يتسول لعلاج ابنته ووالله هو شعور لا تدرون يقتل الاب الف مرة ومرة لكن يكون دائما مستعد لفعل ما هو اكثر واكثر بل مستعد لبيع نفسه لعلاج ابنته

صبرك الله يا والد مريم وصبرنا جميعا

والاخ احمد والد مريم كلفني انى اوصل شكره لاخونا كريم على اتصاله التليفوني وعرضه الكريم بالاساتذة الاستشاريين اللى ابترعوا بالعلاج لكن مريم متابعة فعلا مع اتنين اساتذة وعملوا لها اكثر من عملية قبل كدة فهم ادري بالحالة منهم استاذ دكتور رئيس قسم الرمد في القصر العيني
وهو حاليا بيحاول استخراج تاشيرة الدخول لانجلترا علشان السفر وعنده مقابلة هو ومريم يوم الاحد صباحا بالقنصلية لعمل الانترفيو

فبرجاء كل من يستطيع المساهمة الاسراع بما تجود به نفسه ايا كان حتي لو جنيهات قليلة للمساعدة في هذه الحالة شفاها الله وشفي رنا وشفي جميع المسلمين