إن شاء الله ياريس...بس اسمعها منكوا الاول....

16-05-2007 02:35 AM

هو طبعا انتوا عارفين ان الكلام بالطريقة ديه ساعات كتير مبيعجبش الناس

بس ياريت يا جماعة محدش يبالغ في الامتعاض من شكل سيارة ما او يبالغ في استعراض مفاتن سيارة " زي الناس اللي عملوا اشعار في الاسبيرانزا "

ياريت اللي يحكم علي العربية يستبعد الشكل او بمعني تاني يسيب تقدير الشكل للمشتري

الكلام موجه للناس كلها ومنهم انا عشان محدش يتقمص :P

**Dr Ahmed** · 16-05-2007 03:24 AM

آسف لو كنت سببت ضيق لأحد ، لكن زى ماقالوا :الناس فعلا أذواق، وموضوع الحساسية من آراء الآخرين وبالذات لو جاء الرأى المخالف بشكل فكاهى أظننا بقينا أكبر منه ، ومش عارف الصح ان الواحد مايقولش رأيه عشان خايف غيره "يتقمص" وللا يقول وأمره لله (بدون جرح الآخرين طبعا)
لكنى مازلت أعتبر التصميم الخارجى سئ رغم احترامى لكل رأى مخالف واحترامى لمالكى السيارة واعترف ان دا شئ يمكن استبعاده فى نقد أى سيارة ..

17-05-2007 11:13 AM

بصراحة الاكصدام الأمامى اللى طوله متر ونص دا بيدينى احساس انه قفا العربية ، كمان كشافاتها تحس انهم بعاد عن بعض فتاخد احساس ان العربية حولة ، وبوزها منبعج كأنه منقار غراب..........نقول ايه.. اللى صممها زى ما حضرتك بتقول.........

فعلا......و دي الحجة اللي مخلياني افكر في الياريس....مع انني طوول عمري اعشق الانسر بس الشكل 2007 ده صعب اوي...و بفكر جديا انني استنى شكل 2008 :|

**sh_masry** · 17-05-2007 11:21 AM

الى أ.Tarek 6210

باشا الكلام ده :

بصراحة الاكصدام الأمامى اللى طوله متر ونص دا بيدينى احساس انه قفا العربية ، كمان كشافاتها تحس انهم بعاد عن بعض فتاخد احساس ان العربية حولة ، وبوزها منبعج كأنه منقار غراب..........نقول ايه.. اللى صممها زى ما حضرتك بتقول.........

على الياريس مش اللانسر ههههههههههه
علشان واضح انك فهمت غلط , الناس بتشكر فى اللانسر و مش عاجبها الياريس .

a7'ook
Sherif

17-05-2007 11:21 AM

المشاركة الأصلية كتبت بواسطة Dr Ahmed

آسف لو كنت سببت ضيق لأحد ، لكن زى ماقالوا :الناس فعلا أذواق، وموضوع الحساسية من آراء الآخرين وبالذات لو جاء الرأى المخالف بشكل فكاهى أظننا بقينا أكبر منه ، ومش عارف الصح ان الواحد مايقولش رأيه عشان خايف غيره "يتقمص" وللا يقول وأمره لله (بدون جرح الآخرين طبعا)
لكنى مازلت أعتبر التصميم الخارجى سئ رغم احترامى لكل رأى مخالف واحترامى لمالكى السيارة واعترف ان دا شئ يمكن استبعاده فى نقد أى سيارة ..

مفيش داعي لاي اسف يا دكتور حضرتك مغلطتش خالص ، بس صدقني انا محتار زيك ومش عارف ازاي اوفق بين حريه التعبير وبين الناس اللي بتتقمص زي محضرتك قولت بس لقيت ان الواحد يبعد في اتقاده للعربية عن شكلها وخلاص ونخلي الحكم عليه لصاحبها هو وذوقه بقي

17-05-2007 12:12 PM

:( :( :( :( :( :( :( :( :( :( :( :( :(

**جندى مجند** · 17-05-2007 06:31 PM

بتفكرونى بكلمة قالها سبعاوى قبل كدة بما معناه انك ممكن تلاقى واحد ميضايقش لو عايبو على زوجته و على وظيفته و على المكان اللى ساكن فيه و على الشغلانة اللى بيشتغلها .. انما على عربيته ... اقف عندك و متفتحش بقك بربع كلمة عالعربية :)

على كل حال شكل العربية دة مينفعش يتاخد فى التقييم عشان الشكل دة مسألة أذواق و مستحيل تلاقى فردين متفقين بنسبة 100% فيما يتعلق بالذوقيات ... انما ينفع نقيم بالأداء، الاتساع، الراحة ... الخ ... فالشكل فعلاً لا ينبغى أن يكون عاملاً فى التقييم و الأفضل تركه لصاحب قرار الشراء هو اللى يقيمه بنفسه ... لكن أنا بصراحة و رغم كل اللى اتقال عن الياريس ان شكلها زى الغراب و اناه حولة و و بس بصراحة شكلها بيعجبنى جداً و بأحس انه أحلى من الكورولا اللى بتحس انها neutral بدون شخصية :)