الموضوع: الــجــولة الـثـانـيـة لـسـوزوكـى sx4 سـيـدان

* ملحوظة:
العربية اللى واقفة وصورناها موديل 2008 مكتوب علي قايم الباب انها مواصفات سعودى والعربية دى اللى فى المعرض بيتعمل عليها تيست دريف وعملة 1500 كيلو ومكنش عندهم تعليمات انها تطلع من المعرض عشان نجربها
* نيجى بقا للشغل والمعلومات المتفصصة :

الطارة جلد طبيعى
اضاءة الالوان فى الطابلوه بالاحمر رائعة تعطيك احساس انك راكب اوروبى
العربية من تحت بصينا عليها فيها عوازل وتصفيح بين فوق الشكمان
فى صدر من الصلب وشوفته بعينى ورا الاكصدام
الفرامل abs - ebd - وحاجة كمان قالى عليها اسمها بريك اسيست فاسالته عليها قالى :اقل جهد مبذول فى اقل مسافة فى اقل وقت
العفشة gti
2 ايرباجز يمكن تشغيله على عدد 3 مستوى ويمكن الغاءه
اختبارات الامان واخدة 4 نجوم
تحكم فى الطارة لاعلى واسفل
كرسى السائق هيدرولك
صالون العربية واسع مش ضيق قدام
الفرش اللى فى العربية متوسط وسهل تنظيفه وخصوصا اللى عجبنى فرش الباب مش قطيفة وسهل تنظيفه جدا وداخل معاه البلاستيك
يوجد مصابيح قراءة فى الصالون فى المنتصف ويوجد مصابيح انارة للجزء الامامى للصالون وفتح الابواب
طولها 4.49 متر وعرضها 1.73 متر وارتفاعها 1.545 متر
الباور كهرباء وقالى بيفصل على سرعات عالية عشان فيه سينسور

الجنوط مقاس 15 الشكل خماسى والاستبن عادى
الكاسيت ام بى ثرى وصوته رائعععععععععع وقوى ومعاه وصلة يو اس بى والاريل بلت ان
الكنبة مقسمة الى تلت وتلتين
يوجد جنشات على الطابلوه الخلفى موضحة فى الصور عشان تركيب كرسى الاطفال
حوض الماتور مش ضيق ولا واسع متوسط
يوجد فوجات
صاح العربية محترم وكمان الاكصدامات الامامية والخلفية والكابوت بتاع العربية مبطن
يوجد عواكس طريق فى الاكصدامات الخلفية لذيذة ولمبة استوب
المرايات كبيرة جدا وكهرباء بس مش ضم كهربائى ,
الطابلوه داخل فيه نواكل شكلها تحفة , نواكل بجد مش بلاستيك مطلى بلون النيكل
العربية حجمها رائع قريب الى حجم الميجان وشكلها اديله 7/10 بس طبعا مش احلى من السيراتو , والسيراتو اديها 9/10 بس الشكل من وجهة نظرى بيمثل نسبة 5% من تقيمى لسيارة العمر
الكنبة الخلفية مش فى وسع التيدا, بس القعدة فيها مريحة وبالنسبة للناس الطوال مش حتخنقهم اوى بس يعتبر نقول يدوبك , بس على طولى انا 178 كان ممتاز جدا
اماكن التخزين فى الابواب رائعة وفى الطابلوه وكمان عند مكان الولاعة فى مكان تخزين بغطاء وعند الفتيس فى مكان للاكواب
خامات الطابلوه اقدر اديها فوق المتوسط بحاجة بسيطة بس فى ارارء اخرى بتقول متوسطة وفى الاخر خاماتها انظف من عربيات كتيرة وخصوصا فى الكورى
العربية واخدة 4 نجوم فى التقييم
التعليق فيها نظام ماكفرسون
* العيوب :
الشراعة اللى موجودة فيها من قدام ممكن اشخاص غيرى تشوفها مش حلوة وناس تانية بتتقبل الوضع زى , وفى ناس بتعتبر انها عائق لطول الطابلوه وانك صعب تشوف الكابوت بس ممكن تتغلب عليه ده بتعديل الكرسى للاعلى وتشوفه
سعرها القديم غالى اللى ب113 الف وده هو العيب لان ممكن اكمل عليه واجيب تيدا , اما حاليا سعرها ب107 الف فده مش عيب ابدا على قد الامكانيات اللى فيها وخصوصا من وسائل الامان والكماليات اللى معاها
مفيش مسند لليد بين الكرسين الاماميين ولا فى الخلف
عدم الانتشار وده مش لعيب فى العربية ده عيب مننا عشان بنجرى نشترى المنتشر فقط بغض النظر عن كفائته المهم انه يكون منتشر
فى ناس بتقول ان الوكيل بتعها مودرن مش كويس بس ممكن يكون دى حالات فردية وهما ليهم مركز كبير فى ابو رواش وبيقولو انه اكبر مركز صيانة فى الشرق الاوسط وبعدين انا سمعت ان توكيل النيسان بيعمل صياناتها بردوا
انا عملت الموضوع ده لخدمة الناس كلها والله , وعشان العربية دى المعلومات عنها قليلة وحبيت اعرف الناس عليها و سعر العربية وخاماتها رائعة لاى حد معاه المبلغ ده وعاوز يابانى وفيها امكانيات وكماليات كويسة
وده لينك موضوع كنت عامله فيه اسعار قطع الغيار :
(عرض السوزوزكى sx4 الجديد وقطع الغيار)http://www.nilemotors.net/Nile/92358-sx4.html
وده لينك كمان لتنزيل باقى الصور عشان مقدرتش ارفع الا 10 صور وحطيت باقى الصور فى اللينك ده عشان اللى عاوز يتفرج على باقى الصور :ط³ظˆط²ظˆظƒظ‰.rar
ودى شوية فيديوهات للعربية من ناحية الامان ومن ناحية الشرح لمواصفات العربية ومن ناحية التسارع وكله
ده فيديو شرح للعربية
YouTube - 2008 Suzuki SX4
فيديو تجميع سرعات
YouTube - suzuki sx4
فيديو تجميع سرعات اخر
YouTube - Suzuki Sx4 acceleration
فيديو لايضاح السوند سيستم وصوت الكاسيت
YouTube - Suzuki sx4 sound
فيديو تصادم
YouTube - New Crash Tests of Small Cars 2009 Suzuki SX4
فيديو تيست دريف وشرح للعربية
YouTube - Test Drive,Suzuki SX4
فيديو تجميع سرعات
YouTube - Suzuki SX4 215km/h 2 مفتاح ريموت ويمكن فتح باب السائق فقط لوحده
------------------------------------------
تم تعديل الراوبط والصور والخط بواسطتى بناء على رغبة صاحب الموضوع
كريم منير