لماذا يوجد زيت فتيس يدوى بدرجة 90 و 140 ومتى يتم استخدام هذه الدرجة او الدرجة الاخراى وهل يوجد ضرر من استخدام زيت بدرجة 140 على افتراض انه اتقل وبذالك يتم حماية التروس بطريقة افضل .
عرض للطباعة
لماذا يوجد زيت فتيس يدوى بدرجة 90 و 140 ومتى يتم استخدام هذه الدرجة او الدرجة الاخراى وهل يوجد ضرر من استخدام زيت بدرجة 140 على افتراض انه اتقل وبذالك يتم حماية التروس بطريقة افضل .
دى درجات للزوجة الزيت
الزيت 140 أثقل وأكثر لزوجه من ال 90
1- الزيت ال90 بيستخدم مع الفتايس اللى لسه بخيرها
لأن مفيش بوش بين التروس
2- الزيت ال140 بيستخدم مع الفتايس اللى بدأت تتعب شويه
للقضاء على الصوت الناتج من زيادة البوش بين التروس القائده والمنقاده
أى مجموعات الأول والتانى والتالت وهكذا
تقدر تقول ال 90 مع الفتيس اللى لسه شباب
وال 140 مع الفتيس العجوز شويه
طيب أيه اللى يحصل لو أستخدمنا زيت تروس تقيل زى ال 140 لفتيس شبابى ( لسه بحالته يعنى ) .....
حيحصل معاوقه وتقل شويه فى حركة التروس وأستنفاذ جزء من القدره المنقوله عبر الفتيس الى محاور العجل الأمامى ( بالنسبه للجر الأمامى طبعا )
دا غير أن الزيت التقيل بيتعب شويه فى النقل وبالذات شتاءا
متشكر جداً لرد حضرتك دائماً تفيدنا بالمعلومات الهامة
الله يخليك
ورمضان كريم
اضافة الزيت التقيل فى فتيس حلو بخيره يضيعه على المدى الطويل وواحشنى يا ابو سمره
الله يخليك يامحمد
ورمضان كريم
طيب هل من الضروري تغيير زيت الفتيس ولا طالما انه لم يحدث به أي صيانات او تسريب ليس من الضروري
شوف يا أخى
من واقع كتالوج سيارتى
بيقولك أيه
أفحص زيت ناقل الحركه اليدوى ( الفتيس يعنى )
كل 10 آلاف أو كل ستة أشهر
ثم أعد التعبئه ( يعنى ظبط المقاس )
وتغيير السائل ( الزيت ) غير ضرورى
نطلع من كده بأيه
أن طالما الفتيس آداؤه تمام والنقلات ناعمه
ولا توجد مشاكل صوت وخلافه
وشكل الفتيس من بره تمام ....والكرتيره بتاعته مش معرقه زيت من تحت ....ومفيش تسريب زيت من عند عمود الدريك
يبقى الواحد يعمل أيه
يكبر دماغه ويتابع
موضوع متميز ومفيد جداا
انا معايا بولو 99 ومكنتش بغير زيت فتيس ابدا وكان كل ما ينقص كنت ازوده فى البنزينة , هل جه الوقت اللى اغيره بعد 11 سنة ولا ايه , مع العلم ان مفيش تعريق زيت بس فى خشونة فى النقلات
وبعدين لو جبت زيت 90 هل فى انواع منه ولو فى اجيبه نوعه ايه
توكل على الله وغير هاقتباس:
هل جه الوقت اللى اغيره بعد 11 سنة ولا ايه
دا كده كتر ألف خيره
وبالذات مع الوضع دهوعاوزين نلحق تحسين صوت النقلاتاقتباس:
بس فى خشونة فى النقلات
أختار منتج من أحد الشركات ذات السمعه الطيبهاقتباس:
وبعدين لو جبت زيت 90 هل فى انواع منه ولو فى اجيبه نوعه ايه
1- موبيلو ب hd لشركة موبيل
2- زيت تروس gx لشركة أسو
3- سبيراكس a شركة شل
4- ثيوبان متعدد الأغراض ep لشركة كالتكس
أى واحده من دول فيها البركه
بصراحة موضوع رائع وحقيقى انا استفدت منه ومتشكر على تعاونك وجزاك الله كل خير
انا حشترى زيت شل للماتور وحجيب معاه بالمرة بقا زيت فتيس شل 90 , لان شل ممتازة فى الزيوت
ومرة تانية متشكرين على الموضع القيم والمفيد بجد
أرجو لك التوفيق
مشكوووووور والله يعطيك الف عافيه
الله يخليك يا أخى
ياخبر أبيض أنا لسه مغير زيت الفتيس فى أمارات مصر
وعربيتى ماروتى 2007 وعاملة 22500 كم بس
لكن أنا أتبعت تعليمات الكتالوج أنه بعد 20000 يتم التغيير هوه كده صح ولا أيه؟
طيب انا عندى فى الكتالوج 75 90 بس مالقبتش غير 80 90 وزودت بيه 3/4 لتر عادى ولا فيها مشكلة وهل فى اصلا 75 90 بيتباع هنا؟
تشكر ياباشا
شكرا للمهندس سمير عياد على المعلومات
الله يخليك أخى الفاضل
أستاذ / أيمن
طيب انا عربيتي عامله 64000 و إتصلت بالتوكيل قالو بيتغير كل 40000
من الأخر أغيره ولا أكبر
وشكرا على الموضوع الرائع ده
كويس أوى كده على الزيت
غيره أمانا للفتيس
طيب لو الفتيس بيعرق يبقى الافضل ايه ان يتحط زيت اتقل ؟؟؟
مشكوووووور والله يعطيك الف عافيه
اضافة بسيط بعد اذن الباشمهندس سمير فيه زيت فتيس متعدد 90 - 140 وده للفتيسالنص عمر و ممكن ينفع
للفتيس العجوز لانه مبيخدش وقت علشان يسخن
حسب مكان التعريق وتسرب الزيت
1- أويل سيل عمود الدريك
2- منطقة الكارتيره
3- أويل سيل عمود عقربة الفتيس
4- سيلات مخارج الفتيس من عنتد منطقة الكرونه ( فى الجر الأمامى )
أو سيل مخرج الفتيس عند بداية عمود الكردان ( فى الجر الخلفى )
أعتقد الأماكن الأربعه دى غطت كل الأماكن المحتمله لحدوث تعريق
وممكن كمان لو الواحد حاطط زيت بدون حساب جوه الفتيس قبل كده
يخرجله زيت من طبة الملو مع شغل الفتيس
وده بيظهر فى صورة تلوث لجسم الفتيس من فوق
وتلوثه بالأتربه والرمال
الله يخليك
انا عندى العربيه موديل 1999
لما بحط زيت140 مبيبقاش فى صوت بس النقلات بتبقى تقيلا وبالذات الصبح
لما احط زيت 90 الصوت بيبدا يظهر بس النقلات بتبقى خفيفه جدا
احط ايه ؟
حقولك أيه
نص ونص مثلا
مينفعش الصراحه
ههههههه
واضح أن عندك بوش خفيف فى تروس الفتيس
ياريت تحددلنا
أيه اللى أنت عاوز الميكانيكى يعمله
على فكره اللي زيت الفتيس عنده المفروض ٩٠ و يحط ١٤٠ علشان يودي صوت الزنه اللي فيه هيروح الصوت شويه و يرجع لكن الفتيس هيروح خالص و مش هيرجع :driving:
لو حطيت زيت اتقل من الموصى به فيه اجزاء من الفتيس مش بيوصلها زيت.. او على الاقل الزيت بيتأخر في الوصول لغاية ما يسخن و لزوجته تقل و يبتدي يوصل لجميع الاجزاء.
تغيير الاويل سيلات للفتيس ككل لأنه عندى بيعرق بس اكتر من ميكانيكى بيطمنونى و يقولوا ده رشح بسيط فبصراحة مش بحب ان حاجة زى دى تكون فى العربية فايى راى حضرتك