اصحاب ال 128 واهل الخبرة ايه رأيكوا ؟؟؟؟؟

**ramyworm** · 12-09-2009 07:04 PM

انشاء الله تخلص فترة الصيانة بسرعة وربنا يباركلك فيها

**mohammedfrp** · 12-09-2009 09:37 PM

انا برضك معايا 128 مو91 مشتريه من 6 شهور وهى فعلا حبيبه الملايين ومهما تتعلم فيها وتخبط وترزع وانت بتتعلم بفلوس قليله تروقها وتظبها انا لحد دلوقت صرفت بما لا يقل 5000جنيه لحد ما خليتها 10/10 والحمد لله دلوقتى كل يوم 75 كيلو رايح جاى مابتقلش لا ةعلى فكره اقتصاديه جدا جداجدا

**mohamed9999** · 13-09-2009 03:57 PM

المشاركة الأصلية كتبت بواسطة memononos

انهرده تم تغير ديسك واسطوانه الثمن 250 جنيه
فك فتيس 100 جنيه
تغير تروس فتيس 250 جنيه
وماذالت السياره خاضعه للصيانه

على كده بقى انت شاريها بكام

**memononos** · 13-09-2009 08:10 PM

الحمد لله تم القيام بمعظم اعمال الصيانه الاساسيه وعلى فكره الدسك والاسطوانه القدام كانو طالعين كويسين مش بايظين بس كانو قربو يعنى يبوظو فغيرتهم بالمره بدل ما افك تانى بعد كام شهر ولا حاجه
وبخصوص الفتيس هو كمان مكنش فيه حاجه بس كان بيعمل صوت ونه على الغيار الثالث والرابع فحبيت اظبطه ...

حاجه كده على قد فلوسى
انا شاريها على 8700

**memononos** · 13-09-2009 08:19 PM

انهرده وانا ماشى فى شارع الطيران بالصدفه وانا جى من الشغل الساعه 12الظهر لقيت واحد يا عينى محتاس بالعربيه 128 العربيه موديل 97 بطلت منه وعمال يزق فيها مش عاوزه تدور والظابط عمال يرخم عليه ويقوله الطريق ومش الطريق
ومن كتر الخنقه الى هو فيها قالى انا لو جالى حد دلوقتى يشتريها باى سعر هبعها حالا
المهم قلت له طب افتح الكبوت بعد ما فتح الكبوت قمت شلت كبل من بتوع البطاريه ونفخت فيه وحطيته تانى قامت العربيه دارت
الراجل من كتر الفرح كان عاوز يوصلنى لحد البيت بالعافيه

**ramyworm** · 14-09-2009 05:38 AM

المهم قلت له طب افتح الكبوت بعد ما فتح الكبوت قمت شلت كبل من بتوع البطاريه ونفخت فيه وحطيته تانى قامت العربيه دارت
الراجل من كتر الفرح كان عاوز يوصلنى لحد البيت بالعافيه

ههههههههههه يا ريت البلد كلها زيك بجد حاجة جميلة لما تكون في مشكلة وتلاقي حد يساعدك (وده نادرا لما بيحصل طبعا ) بتحس ان الدنيا لسة بخير ومش كل الناس ماشية بمبدأ ( يالا نفسي و اتفرج على البشر لما يكونوا في واقعين في مشكلة و بس )
وطبعا المبدأ ده ماشي بيه ناس كتير الايام دي والناس اللي عندها ضمير شوية تقولك لا انا ماينفعش اتفرج بس انا لازم اعمل حاجة !!!! وطبعا كل اللي بيعمله ( يقول لا حول ولا قوة الا بالله ..... ويخبط كف على كف ) وكدة خلص ضميره .
ربنا يكرمك بجد ياباشا .

وعمال يزق فيها مش عاوزه تدور والظابط عمال يرخم عليه ويقوله الطريق ومش الطريق

ربنا يخليلنا ظباط وعساكر المرور أولا عمرك ما تقع في مشكلة الا لما تلاقيهم جنبك ويقولولك طبعا احد الحلول العبقرية يعني لو العربية مش بتدور يقولك ممنوع الوقوف هنا وطبعا يضيف حل عبقري وهو انك تمشي بعربيتك من هنا عشان ما يكتبلكش مخالفة .
ارجع واقول اكيد هما عندهم خبرة اكتر مننا وفاهمين حاجات احنا مش فاهمينها . ( وطبعا انتوا فاهميني )