اصحاب ال 128 واهل الخبرة ايه رأيكوا ؟؟؟؟؟

**ramyworm** · 05-09-2009 05:08 AM

بسم الله الرحمن الرحيم
انا انشاء الله ناوي اشتري عربية فحدود 15 او 16 الف وكل اللي اعرفهم رشحولي فيات 128 قالولي بصراحة اللي ممكن تحس انك معاك عربية تروح بيها مشاوير وكدة واي عربية اقل منها زي ال 127 او السيات 133 اخرها مشاوير خفيفة جوة البلد وانا طبعا قلت مفيش احسن من اعضاء المنتدى الكرام يفيدوني في الموضوع ده .
ومعلش كان ليا استفسار بسيط انا عاوز اعرف ازاي اكشف على العربية بطريقة صحيحة وانا بشتريها ولو ممكن ايه موديلات ال 128 اللي فحدود السعر ده وكويسة .
وانا معروض عليا عربية 127 توب بس متظبطة لدرجة ان الناس قالولي بلاش منها عشان ملعوب فيها جامد متسقطلها موتور وفيها تربو و 4 جكمانات و زجاج كهربا وجنوط اسبور وحاجات تانية كتير ز المهم انها ب 15000 وممكن تسهيلات في الدفع عشان اللي حيبعها واحد جاري .
اتمنى الافادة من اعضاء المنتدى الكرام

**ramyworm** · 05-09-2009 08:22 PM

فين الاعضاء يا جماعة مفيش ولا و احد رد عليا

**M.FOUAD** · 06-09-2009 01:59 AM

موديلات من 83-87
خد معاك سمكري كويس و اهم حاجة تتاكد من علب الشاسية و الكارتيرات
ال127 تعتبر غالية لان مفيش حد بيقدر الشغل دة في المستعمل بالعكس دة بيخسف بثمن العربية شوية بس لو حالة العربية كويسة ممكن تخلص على 10-11
لو تزود السعر شوية ل18-19 هتلاقي الاختيارات اكثر زي لادا ثمانينات
او 132
131 بس اعتقد هتحتاج شوية شغل
ماذدا 323

**ramyworm** · 06-09-2009 03:46 AM

شكرا للعضو فؤاد نور على اهتمامك بسؤالي .
بس انا الصراحة اول مرة اشتري عربية في حياتي وانا حشتريها عشان اتعلم فيها الصيانة للعربية والحاجات دي .
انا كنت عاوز اعرف ايه علب الشاسيه دي والكارتيرات وازاي اكشف عليهم ؟
اما بالنسبة لموضوع الفلوس ممكن ازود الفين كماناو تلاتة بالكتير .
بس انا بسمع ان 132 بتستهلك بنزين كتير والمازدا 323 مش عارف ايه نظاطها لو حبيت ابيعها حيبقى خسارتها جامدة و لا لأ و قطع غيارها رخيصة ولا غالية وانا فكرت في بيجو 305 بس خفت منها لنفس السببين دول .
اما بالنسبة للادا التمانينات انا مش عارف هيا لادا تمانينات احسن ولا 128 تمانينات احسن
وطبعا انا عاوز الاعضاء يشاركوني في اتخاذ القرار الصعب ده عشان بشتري لأول مرة .

**ramyworm** · 07-09-2009 04:31 AM

فين اعضاء المنتدى ..............

**hesham69** · 08-09-2009 03:53 AM

بص ياباشا اقولك انا

انا مشوارى كبير مع ال 128 حبيبيه الملايين بسبب اقتصادها

اولا لازم تعرف انت هتشترى عربيه ليه ولاى سبب

يعنى اهم حاجه عندكانك تركب عربيه مريحاك فى الصيانه ولا عايز عربيه بتجرى ولا عايز عربيه ناعمه ولا واسعه ولا ايه

ثانيا ال 128 اقتصاديه فعلا فى مصاريفها يعنى زى ما بيقول اغلب اصحابها حاجاتها تلاقيها عند البقال لو لسه بتتعلم تبقى احسن حاجه ليك واحسن من 127 فى المساحه بتاعتها من جوه وكمان بلاش تجيب ال 127 ديه لانك لسه بتتعلم فى هتبقى مش عارف تتحكم وغلط

المازدا 323 عربيه محترمه جدا اوسع من ال128 عربيه يابانى موفره فى البنزين بس قطع غيار اغلى من 128

ال 132 بتاكل بنزين فعلا وبالذات ال 2000 وتقيله فى بيعها بعكس المازدا وال 128

وبالسعر ده تركب حاجه حاجه زى ما قالك اخونا فؤاد موديلات تمانينات هى فى واحده بتاعه والدى 128 كانت مرفوعه 10 سنين فى الجراج ومش راشه دواخل فابريكه بس هو للاسف مش عايز يبيعها بيحبها بقى نقول ايه

يارب اكون افادتك

**ramyworm** · 08-09-2009 11:07 PM

شكرا هشام باشا على ردك الجميل ده ومن الواضح كدة انك بتعزها اوي العربية دي والصراحة انا كمان بعزها اوي من قبل ما اشتريها ومش عارف ليه ( حبيبة الملاين )

**memononos** · 09-09-2009 03:09 AM

المشاركة الأصلية كتبت بواسطة ramyworm

شكرا هشام باشا على ردك الجميل ده ومن الواضح كدة انك بتعزها اوي العربية دي والصراحة انا كمان بعزها اوي من قبل ما اشتريها ومش عارف ليه ( حبيبة الملاين )

لسه شاريها من اسبوع
صاحبها كان مهمل فيها
وفى خلال الاسبوع ده
غيرت طقم سيرفيس كوندينسر ابلاتين بوجيهات ..
التكلفه بالتركيب حوالى 170 جنيه
غيرت مكنه ازاز باب وكالون بالتركيب 130 جنيه
والنهرده اشتريت جوز كبالان صينى ب 100 جنيه +صره 80 جنيه +تركيب 50 جنيه
غيرت ترموستات حراره ب20 جنيه +تركيب 10 جنيه
غيرت سوسته 50 جنيه +لاحام تقويه للقنطره 100جنيه +20 جنيه تركيب
جوز اقصدام امامى وخلفى ب270 جنيه
ولسه بعمل شويه شغل تانى فى الكربراتير والكهربه.........

**ramyworm** · 09-09-2009 11:53 PM

لسه شاريها من اسبوع
صاحبها كان مهمل فيها
وفى خلال الاسبوع ده
غيرت طقم سيرفيس كوندينسر ابلاتين بوجيهات ..
التكلفه بالتركيب حوالى 170 جنيه
غيرت مكنه ازاز باب وكالون بالتركيب 130 جنيه
والنهرده اشتريت جوز كبالان صينى ب 100 جنيه +صره 80 جنيه +تركيب 50 جنيه
غيرت ترموستات حراره ب20 جنيه +تركيب 10 جنيه
غيرت سوسته 50 جنيه +لاحام تقويه للقنطره 100جنيه +20 جنيه تركيب
جوز اقصدام امامى وخلفى ب270 جنيه
ولسه بعمل شويه شغل تانى فى الكربراتير والكهربه.........

ربنا يباركلك فيها يا باشا ويكفيك شرها انشاء الله وبعد ما تظبطها انشاء الله ابقى ارفعلنا صور الكتكوتة ال28 على المنتدى