الموضوع: تغطية مقابلة افطار رمضان 2009

المشاركة الأصلية كتبت بواسطة karim_monir

وفي ناس تانية معجبهاش الاكل (لانهم فطرو على نص تيس في اليوم اللي قبله ولا كانهم ريتشارد قلب الاسد في فيلم الناصر صلاح الدين) ويقولو الناس بيجلها تخمة في رمضان ليه

ماشي يا عم لقح الكلام براحتك

بغض النظر عن الأكل احنا جايين نتقابل مش ناكل و الصراحة اليوم ده كان جامد جدا و من اشد الايام و السهرات الرمضانية اللي قضيتها و تشرفت بمعرفة ناس كتير جدا جدا جدا جدا و ربنا يكرمكم بجد و ربنا ما يقطع لنا عادة

المشاركة الأصلية كتبت بواسطة shnory

احمد كمال اللي جه اخدني من محطه رمسيس وفضل مستنيني لحد ما وصلت ومسابنيش لحظه

يا باشا الشرف ليا و للسينيك بسيادتك

و الله يا شنوري فعلا معرفة الناس كنوز بجد و الله مش مجاملة و انت بني ادم زي العسل و انا ماليش اخوات ولاد ممكن اعتبرك ابن خالتي؟

المشاركة الأصلية كتبت بواسطة Ahmed Samy

الحقيقة كان يوم جمييييييييييييييييييييل جدا

و ما حدش حس بملل ولا و غربة ولا وحدة ثانية واحدة

اطراف الحديث اتهرت من التجاذب ههههه

كنا نخلص كلام ندخل في كلام

و طبعا أكتر واحد اتكلم كان أحمد كمال (محول أول اتصالات)

اتكلم كتير قوي و ده تقريبا مفعول الحباية الزرقاء اللي خدها قبل الفطار

ههههههههههههه

النادي كان تحفة تحفة و كان في حديقة حيوانات و احصنة و عبارة عن جبل و مطالع علشان طده بيسمو المقاولين "ذئاب الجبل".

طبعا منظر القاهرة من فوق و هي مبعزقة و منطورة و مبهدلة منظر يدعو للــ...سعادة يللا .

قعدنا مع أحمد نوح قعدة جميلة جدا (يوم الأربعاء يا ابو حميد بقى) و كلمنا عن عالم السباقات و الفورميولا بشكل مثير و جذاب .

و اتفرجت على التحفة الإيطالية برافو بتاعة خالد .....بجد العربية دي مش واخده حقها ول كنت شوفتها كويس قبل السيراتو كانت هاتكون اختيار أساسي ....بجد طلياني على أبوه زي ما بيقولوا ربنا يباركلهم فيها يارب .

في المرواح طبعا أحمد كمال ادانا وصفة طريق رأس الرجاء الصالح

احكمو انتو :

كنا في ذاكر حسين و عايزين نطلع الزراعي

نصحنا نصيحة "مخلصة" اننا نكمل في اتجاه المعادي ونمشي جنوبا لحد قبل السودان بشوية هاتلاقي مطلع محور المريوطية تاخده يرميك الناحية التانية من شمال افريقيا و تتجه شمالا مرورا بالمهندسين و المحور و الوراق لحاد ما ربنا يكرمك و تلاقيلك اصحاب

45 كم

لما أشوفك بس

بس الحقيقة انا كسبت الفرجة على المحور الجديد حاجة كويسة (لأنه جديد طبعا) و ربنا يستر عليه

و بعدها روحت مع العزيز الجدع شنوري و من زمان باسافر من غير نوم لأن قعدته مسلية زي ما انتو عارفين

و اتسحرنا مع بعض بسكويت ويفر (صناعة يمنية) والله العظيم بنستورد بسكوت من اليمن الشقيق

ما علينا ..........


الحقيقة اتشرفت بيكم

الله يحرقك يا سامي حباية زرقة ايه

دي كانت حباية ريجيم

و اسمها Xenical

و اهه شكلها اهه



و بعدين انت مش وش نعمة يعني كان ممكن اركبك القوس الغربي تمشي في التكسير و تعدي على كل اللجان و تمر بكل الزنقات (نفق السلام عند طريق اسماعيلية ......الخ) ..... ماشي يا عم.... العبرة بالوقت هي نص ساعة و وصلت الزراعي و لا لأ؟

و انا فعلا ما زهقتش و لا لحظة كان يوم جامد جدا جدا جدا ..... و لولا ظروف الصيام و السحور و الناس اللي مسافرين كنا قضيناها سهرة صباحي

المشاركة الأصلية كتبت بواسطة MoToRiZeR

المقابلة كانت جميلة جداَ و نادي المقاولين فاق كل توقعاتي !
الحقيقة نادي ممتاز و لولا إن يفصلني عنه بلاد و بلاد كان بقي من الأماكن المفضلة و الناس هناك ظراف جداَ ( قلبتلهم نور قاموا فاتحين الباب ولا حد قاللي رايح فين ولا جي منين !)

تشرفت بمقابلة شخصيات كنت بتابعها علي المنتدي من زمان و في إنتظار فرصة التشرف بمقابلتها و في مقدمتهم المهندس سمير طبعاَ و الحديث الممتع معاه و أحمد كمال و شنوووري و دكتور محمود صلاح و أستاذ طارق زويل و العقيد خالد و أستاذ أحمد عبد المقصود .. و تشرفت بمقابلة بعض الأعضاء لأول مرة زي مينا و أحمد نوح و ams و أبو الوليد المصري و بحري و محمد عبد الصمد و ناس كتير من كترها أكيد هنسي حد .. و طبعاَ قابلت و قعدت مع الناس اللي أعرفها من قبل كدة و بتبقي فرصة خاصة في مقابلة رمضان إن نتجمع مع بعض زي دكتور أحمد سامي و دكتور محمد عبد الله و الرجل الجميل اللي بحبه جداَ الحج أحمد إبراهيم و أبو عبد الله و خالد و الزعيم كريم منير .

قبل ما نمشي قعدت انا و دكتور أحمد سامي في عربية خالد و فعلاَ أتفق معاه العربية دي مظلومة مظلومة ما شاء الله ربنا يباركله فيها.

إفتقدت ناس كتير في المقابلة و خايف أنسي حد بس فعلاَ إفتقدت دكتور أحمد سمير و دكتور أحمد عبد الغني و نادر نبيل و معاذ الشرباصي و أحمد كار و أحمد برو اللي طلعني علي كوبري أكتوبر و رجع البيت تاني !

و شكر خاص لأحمد كمال لأنه وصلنا لحد الطريق الدائري و دي كانت أول مرة أمشي القوس الشرقي كله من أوله لأخره (إنتوا كنتوا بتجروا ليه يا جدعان .. انا 1300 سي سي !!) و لاحظت إنه أنضف كتير من الغربي و متسفلت أحسن بكتيييييييييييييييييييييي ر بس في الحتة بتاعة المعادي الناس بتطلع من الطلعة مباشرة للحارة الشمال زي الصواريخ ! أول مرة ألاحظ الموضوع ده لأن انا دايماَ ببقي طالع معاهم أول مرة أبقي سايق من قبل الطلعة .. و محور المريوطية ده جميل جداَ .

كانت فرصة جميلة جداَ للتواصل بدون حروف و أرقام علي رأي ams .
إن شاء الله دايماَ علي طول .

العفو يا باشا .... ايه رايك في القوس الشرقي؟ اقصر و انضف ... انا اتشرفت بيك يا باشا مع اننا ما لحقناش نقعد كتير عشان الوقت اللي ضاع على ما عرفنا نوصلك لمركز شباب الشيشة

المشاركة الأصلية كتبت بواسطة ابو الوليد المصرى

بس ياريت تقول ليه!!!!!

تفتكر ايه العاملين المشتركين؟ النضارة و .......... ؟