حكايتى مع الموبيل الجديد

**eng_mkhalaf** · 31-10-2007 03:45 PM

قبل العيد عالطول - قعدت مع نفسى وقلت أنا لازم أعيد رحت قولت أجيب كسوة حلوة وموبيل جديد لزوم الكسوة الجديدة :D
كان فى موبيل عاجبنى أوى وهو نوكيا 6120 كلاسيك موبيل تحفة من الريفيوهات على النت قلت أننزل أجيبة لاقيتة من غير ضمان ب1600 وبضمان لاقيتة ب 1800 ضمان راية طبعا قلت مجيتشى على 200 جنية أجيبة بالضمان وأشترى دماغى رحت جيبتة يوم الوقفة وكــــــــــــــــانت المــــــــــأساة
موبيل تحفة جيبتة من موزع معتمد أسمة دنيا الأتصالات فى شارع العريش فى الهرم كانت الساعة 8 باليل روحت البيت طاير من الفرحة طبعا كسوة وموبيل وهدوم للعيال وحاجة أخر روشنة - ما هو عيد بقى
قعدت ألعب بالموبيل وأصور الشقة بية لغايت الساعة 10 باليل وفجــــــــــأة فى خط فى الشاشة لما أصور بالكاميرا وبيطلع فى الصور والفيديو إللى متصور قلت ممكن يكون هنج أريحة شوية فرحت سيبتة كام ساعةواجرب تانى نفس المشكلة
رحت قولت الحمد لله دة فى الضمان وكمان راية أبو النوكيا فى مصر المهم طبعا كلة قافل فى العيد - أستنيت لبعد العيد ورحت للمحل قلت أعمل ناصح وأرجعة قالى أنسى يا عمرو روح التوكيل أنا مجرد وسيط - قلتلة موبيل يشتغل ساعتين ويبوظ مش ممكن راح قالى وأنا مالى
قلت مش مشكلة أروح للتوكيل غللى فى شارع الهرم فى كايرو مول أهوة جنبى - المهم الناس أستقبلونى احسن أستقبال والراجل الطيب قالى هنودية المركز الرئيسى علشان يتصلح وتعالى كمان عشرة أيام :!: :!: :!: :!: قلتة يعنى موبيل جديد لانج يتفتح ويتصلح قالى مش مشكلة طالما فى الضمان - قلت أمرى للة وحسبى الله ونعم الوكيل
رحت بعد عشرة أيام بعد ما أتصلوا بي وقالولى الموبيل تمام - الصراحة فرحت قوى - جريت ليهم والأخ أياة قالى كلة تمام أى خدمة المهم ختة وقعدت إلعب بية لقيت العيب زى ما هوة - أنا أتجنينت رحتلة جرى قالى طب سيبة ندخلة الصيانة السريعة وتعالى بكرة - قلتلة أمال بناء على أية هوة أتصلح راح قالى معلشى بقى يا باشا - قلت أمرى لله
المهم أتصلوا بيا اليوم إللى بعدة ولقيتهم بيقولو ليا الجهاز واقف على قطعة غيار هتيجى بعد يومين رحت شايط فيهم وقلت أنا عايز واحد جديد إللى بيحصل دة حــــــــــــراااااام المهم الراجل أياة قالى لو منفعشى يتصلح فى خلال يومين هنديك واحد جديد قلت لما نشوف
رحت كمان يومين خت الموبيل كان تمام روحت البيت وقعدت إلعب لقيت العيب ظهر تانى - أتجنينت - روحت جرى ليهم - لقيت الراجل أياة قالى طب نعمل أية أحنا غيرنا شاشة الكاميرا ومش نافع طب نعمل أية على العموم سيبة لينا وتعالى كمان 10 أيام :roll: :roll: :roll: :roll:
أنا الصراحة أتسمرت مكانى مش عارف أعمل أية - روحت قالتيلهم انا هشتكى أنتم عارفين رد قالى أية - قالى أشتكى يا باشا - وخد الموبيل أمبارح
مأساة صح
أنا مش عارف أعمل أية وأتصرف أزى 1800 جنية فى الهوا وكمان متهنتشى بية حرام حرام إللى بيحصل دة
سهل جدا أروح أكسر المحل وأعمل قلق بس أنا مش شايف دة حل للمشكلة

الصراحة محدش يعرف أنا ممكن أعمل أية أو حتى يساعدنى ويكون مشكور جدا

**Nader** · 31-10-2007 03:55 PM

لا حول ولا قوة الا بالله

في الحالات اللي زي دي انت تروح تكلم مسؤل كبير في الفرع الرئيسي.... موظف الاستقبال دة لا هيحل ولا هيربط، اعمل شوشرة عند المسؤل واشرح لة كل اللي حصل، ولو مبدلهوش يبقى تروح تشتيكيهم في جمعية حماية المسنهلك وتعمل لهم محضر غش تجاري في القسم تتهمهم فية انهم بيبيعوا سلع غير مطابقة للمواصفات.

**IAbdou** · 31-10-2007 03:57 PM

طب جهاز حماية المستهلك أكيد يقدر يحل الموضوع دة ولا أة ؟؟!

**sokasoon** · 31-10-2007 04:24 PM

لا حول ولا قوة الا بالله

روح جهاز حماية المستهلك واعمل شكوة

والله انا اصلا مش بحب راية مش عارف ليه

رغم انها بتنزل التليفون اغلى من اى مكان

الحقيقة انا اتعاملت مع اتصالات تليفونات 10/10 صيانة ممتازة

بس مش بجيب التليفون من الشركة نفسه بجيبه من الموزع

والحقيقة لو لقيت فرصة انى اجيبو من بره بجيبو وماجيبش من هنا خالص

**الريس** · 31-10-2007 04:29 PM

لا اله الا الله
معلش يا هندسة
الغش بقى في كل حاجة
انا رايي جهاز حماية المستهلك

**NaderNabil** · 31-10-2007 08:43 PM

مبدئيا أنا لسه بردو جايب الموبايل ده من 5 أيام..و هو جهاز أكثر من رائع من حيث الشكل و الامكانيات و السعر ..باختصار Best Value For money..و أرشحة لأي حد بيفكر يجيب موبايل...

ثانيا أنا شايف ان حضرتك دافع كتير اوي فيه ..أنا جايبه بضمان I2 والتأمين ب 1600 بالظبط ...بس عموما انسى الواحد بيبقى مبسوط و هو بيشتري الحاجات دي و مش فارق معاه..

ثالثا و ده الأهم ...أنا عايز حضرتك تقرا البنود اللي مكتوبه في شهادة الضمان و دور على الشروط الخاصة بتغير الموبيل في حالة وجود عيب...ف I2 لو قعد أكتر من 14 يوم عندهم بيدوك واحد جديد علطول...فا دور على أي ثغرة كده فالشهادة و ربنا يوفقك ان شاء الله...

**أبو عبدالله** · 01-11-2007 02:29 AM

اشتكى لجهاز حمايه المستهلك

+100000000000

او متهيالى انك ممكن تروح تشتكي في النيابه عالطول

**معاذ الشرباصى** · 01-11-2007 02:38 AM

بس لازم يكزن معاك فاتورة

لو معاكش فاتورة بتبقى صعبة شوية

**eng_mkhalaf** · 01-11-2007 09:06 AM

أنا عارف دة أكتر من 10 أيام يدوك واحد جديد بس هما قبل ما 10 أيام يخلصوا يتصلوا بيا ويقوللى الموبيل تمام وأروح أستلم إلاقى نفس العيب ويتم تكرار 10 أيام تانى - الناس دية محترفة وعارفة بتعمل أية

-

الموضوع: حكايتى مع الموبيل الجديد

LinkBack

أدوات الموضوع

عرض

حكايتى مع الموبيل الجديد - انشر الموضوع فى :

-

-

-

-

-

-

-

-

المواضيع المتشابهه

وبدات مشاكل النظام الجديد في ارقام الموبيل !

الموبيل بتاعى اتسرق

اية بها تحريف على الموبيل‎

حد يساعدنى فى شراء الموبيل ده

Gps الموبيل

الكلمات الدلالية لهذا الموضوع

المفضلات

المفضلات

ضوابط المشاركة