الموضوع: مشكله في عربيه شيري qq

المشاركة الأصلية كتبت بواسطة fmohiy

i have chery qq automatic for 3 years now
this car has the worst auto ever
it needs reprogramming almost every 3 months
el tawkeel is at obour sook ismalia road

شكرا لردك و اهتمامك
و الله مقارنه بالسعر و الاداء المتوسط انا شايف انها الاختيار الامثل خصوصا كعربيه لبنت او المدام كونها اوتوماتك و سعتها اللتريه صغيره و فيها تكييف و باور و زجاج كهربا و خلافه
و في نفس الوقت بتلعب في مدي سعري مغري جدا بسعرها اللي يدوبك بيساوي مستعمل الكوري او غيره بس موديلات قديمه قوي و بتكون خدت من شوارعنا الحلوه كل خير و بركه!!

ده بالنسبه لرأيي الشخصي في العربيه دي و بعد ما سقتها فتره 3 ايام متواصله و متنساش اني معايا 1600 اوتوماتك ده غير اسعار قطع الغيار المتدنيه تماما
و ده بيخليني ارشحها لكل اللي عايز عربيه زيرو تقعد 3 او 4 سنين و بسعر يقدر عليه ناس كتير سواء كاش او حتي تقسيط

نرجع لموضوعنا كويس ان العربيه معاك من 3 سنين

ممكن توضحلي ايه اللي ممكن يكون حصل بسبب نزول جنب العربيه عن الطريق ( فرق حوالي 3 او 5 سنتي) انا متخيل ان زيت الاوتوماتك ممكن يكون قل نتيجه سواء خرم في مواسيره او انها اتطبقت فمبقاش الضغط يسمه ليه انه يغير للغيار التالت و الرابع ( العربيه حاليا بتجيب اول و تاني فقط)

ممكن كمان عنوان التوكيل تفصيليا و لو فيه حد انت بتتعامل معاه بره التوكيل (3 سنين اكيد قابلك كتير و قليل) انا من سكان مدينه نصر انما لو الموضوع هيطلب اماكن تانيه مفيش مشكله

بس الله يكرمك بسرعه علشان لازم اروح اصلحها بكره ان شاء الله

ومتشكر مره تانيه لمساعدتك ليا و ربنا يجازيك خير عني و عن مالك العربيه