عليت العربية من قدام 12 سم دنجل 5 خرم موديل قديم بيتل طبعا

**amo400** · 06-09-2009 06:04 PM

طبعاكلكم عارفين مشكلة العربية واطية من قدام وكانت بتحك فى المطبات او عند التحميل و اشتريت جوزمساعديت امامى جديد ب 230 جنيه بجد و العربية ما عليتش بس نعمت شوية المهم رحت عند جمال الميكانيكى و بتعامل مع اخوة محسن فى نفس الورشة المهم قالى تعالالى بدرى و نفك المقصات و نروح عند الخراط يعمل مش عارف ايه و ان شاء الله العربية تعلى المهم بنفك المقصات الى ماسكة السوست الى جوا الدنجل و هما 6 سوست فى الدنجل القديم و المفاجاءة 5سوست مكسورين نصفين
و النجل ماسك على سوسته واحدة السوستة الواحدة عبارة عن خوصة حديد وطولها نفس عرض العربية و تخانة نصف سم و خلاص لازم سوست او دنجل جديد و الساعةكانت 2ونصف قبل الفطار اتصلجمال ببتوع قطع الغيار مش موجودة السوست القديمة ديه محسن قالى هاكلم حد فى فيصل كلمه و قالى يلا نروح فيص كان يوم جمعة رحنا لواحد بتاع استيراد اسمه ابو حسن نزلنا جراج و لقيت عربيات مقطعة و قطع غيار استيراد المهم دوروا على السوست ما فيش الحل ايه الراجل محترم جدا قال لمحسن فكسوست من اى دنجل قدامك محسن اشتغل و فك السوست بشحمها حته واحدة الست سوست و كام يا عم 100 جنيه اوكية رحنا الورشة و ركب يا عم فى عشر دقائق كان محسن قفل العربية و المفاجاءة من غير خراط ولا فك دنجل من العربية العربية عليت 12 سم و لم اصدق و لماستطيع ان ادارى فرحتى بالعربية الى عليت لدرجة ان استغربت جدا لما ركبتها و حسيت انى راكب 1303 جمال خد 30 جنيه و انا رضيت

**ابوهاشم** · 06-09-2009 06:53 PM

الف مبروك ياايمن باشا
وربنا يباركلك فيها

**ahit** · 06-09-2009 08:24 PM

مبروك يا أيمن
الحمد لله إنك ماتدبستش فى دنجل
بجد ربنا بيحبك و راضى عنك
و صدقنى محسن الميكانيكى أخو جمال و عاطف جدع جداً و راجل و بيفهم كويس و ربنا يكرمه و يفتح ورشة لواحده إن شاء الله