مشكلة فى السلانسيه

**shoudy2005** · 06-09-2009 07:29 PM

السلام عليكم و رحمة الله و براكاته عندى مشكلة من 3 اشهر لحد دلوقتى مش لاقيلها حل المشكلة بتظهر احيانآ مش على طول. لو انا ممور و سايب العربية دايرة على السلانسية بلاقى صوت المتور بيعلى و يوطى لوحدة بانتظام انا افتكرت حاجة فى طقم الكهرباء فغيرت اسلاك و بوجيهات و ابلاتين و كوندنسر برده مفيش فايدة و بلاخظ فى الوقت اللى صوت العربية بيوطى فيه بسمع صوت تفه من الشكمان وتروح لحد ما صوت الموتور يعلى تانى و تظهر تانى العربية سحبها ممتاز جدآ و مفيش فيها تقطيع و لما فيت البوجيهات لقيت لونهم ابيض فشكيت فى نسبة خليط الوقود ف الكاربيراتير فاستنيت لحد ما المشكلة رجعت تانى و جربت اظبط برده ملهاش تاثير.و برده بحس باهتزاز فى الدركسيون و لو بصيت على الكبوت بيبان شوية الأهتزاز حتى لو الآربى ام ثابت. المكنة عندى خفيفة شوية بس كانت خفيفة بقالها فترة و المشكلة مكنتش موجوده. السيارة مرسيدس 230 موديل 79

**SAMEH_FOUAD** · 06-09-2009 08:02 PM

سوف انت كدة عندك مشكلة فى تظبيط الكرباتير .حاول تنظفة كويس ,وتنظف البيجات بتاعتة ,عشان هية اللى عاملة كدة ,وهات اسبراى الكرباتير هيكون كويس ,وحاول بردة تبص على ظبطة الكهراباء بالمرة

**sab3aawy** · 07-09-2009 01:37 PM

ممكن يكون الكاربراتير وممكن يكون تآكل فى عمود الكامة و/او الصبابات، اكشف على الكاربراتير الألو فلو لم تكن المشكلة منه عليك الكشف على الكامة والصبابات

**samirayad** · 07-09-2009 06:30 PM

المكنة عندى خفيفة شوية بس كانت خفيفة بقالها فترة و المشكلة مكنتش موجوده. السيارة مرسيدس 230 موديل 79

أعمل أختبار كبس للمكنه
علشان تشوف كفاءة حبك الغرف متقاربه من بعضها ولا لا
وأنا عارف أنك ممكن تكون داخل على طقم شنبر وروديه بعد فتره
نتيجه للأستهلاك الطبيعى للمحرك وطبقا لقولك المحرك خفيف
بس ماينفعش ألاقى غرفة حريق بقت 45% ...........وواحده 75 % مثلا ........
لو ده موجود يعملك رعشه وخلل فى آداء المحرك على السلانسيه دون أن تدرى ......وتبقى كل أمورك تمام برضه ( بوجيهات - كربوراتير - طقم كهرباء )
يعنى بيعتبر عيب خادع .....مع وجوده فى حاله زى حالتك