الموضوع: تفاصيل صيانه ال 15000 في العبور بتاريخ 6/9/2009

المشاركة الأصلية كتبت بواسطة bmya

وانا يا باشا شاريها يوم 11/6/2008 يعني فرق 12 يوم فقط هلي تعقتد ان الفتره دي نزلت دفعه متصلحه ده اصلا في الفتره دي مكنش فيه حد بيتكلم علي اي حاجه ولا اي حد جاب سيره عن العيب ده لان انا قبل مشتريها دخلت كتيير علي المنتدي ولقيت كل الناس بتشكر فيها وبتقول اشعار ومحدش جاب سيره اي عيب
العيب فعلا بدأ يكتر بعد مشتريت العربيه ولقت ناس كتيير وبتشتكي ده حتي انا اول مسوقتها وانا خارج من المعرض حسيت بصوت الخبط ده وكنت هرجعله وبعدين قلت اكيد انا بيتهيقلي لان مكنش حد في المنتدي نبهني له وقال عنه جحاجه
فحضرتك خود بالك بس وانت ماشي في طريق مكسر اقفل الزجاج والكاسيت وامشي براحه وخود بالك في صوت خبيط او رجرجه كده من العفشه ولا لاء واتمني لحضرتك ميكونش عندك فعلا لانه صوت مستفز
شريف

بص هو انا ساكن في زهراء مدينه نصر و دخله المنطقة عندي مكسرة جدا لان في عمارات تحت التشطيب بس العربيه بتتهز عادي لاني في زلط في الارض بس مفيش اي اصوات مش طبيعيه حتي المطبات بتاعه الاهالي المحترمه سعات بتتهبد بيه و مفيش اي اصوات غير ان العفشة ناشفه شوية
بس انا بحس بالدبدبه بتاعه الزلط في الدركسيون في ايدي بس من غير اصوات اعتقد دة عادي علي العموم لو ربنا قدر و اتقابلنا قريب ممكن تشوفوهالي لاني مش بصدق التوكيل قوي يعني بس المهندس ماجد اكدلي ان العيب مش عندي و الراجل دة احسبة عند الله خيرا

المشاركة الأصلية كتبت بواسطة MoToRiZeR

مبروك علي الصيانة يا محمد .

بالنسبة لصلاحية الزيت إنت بتستعمل موبيل 1 التخليقي صح ؟ لو كدة هو صلاحيته مش 6 شهور طبعاَ هو بيقعد لحد سنة .. بالنسبة لعدد الكيلومترات انا مشيت علي زيت شيل اما حطيته 12 ألف و نزلته كان لسة كويس جداَ و الله و ممكن يمشي كمان بس قلت خلينا في السليم .. و كان ال 12 ألف دول معظمهم سواقة هادية في أجواء نظيفة برة القاهرة فا الزيت مكنش بيتلوث و يتحرق .

بالنسبة لكمية الزيت .. كنت قولهم إننا متفقين مع الإدارة علي إننا نحط 3.1 و كان المهندس هيتكلم يتأكد و يعمل اللي إنت عايزه أو كنت قابل مهندس أحمد عبد الوهاب .. عامة جرب قيس الزيت لأن كدة غالباَ هتلاقيه معدي الماكس و ده مش كويس .. انا حاطط 3.1 و العلامة قبل الماكس بدرجة بسيطة .

و بالنسبة لشغل السمكرة ممكن برة بقي .

الله يبارك فيك ويعزك يارب
بص يا سيدي انا غيرت الزيت شهر 11 للي فات يعني قعد معايا حوالي 10 شهور و العربيه كان ادائها زي الفل الحمد لله بس مش عايز اقولك لما قلت للمهندس هو اسمه تامر محمد هو الزيت بيتغير كل اد ايه قالي 6 شهور و متزيدش عن كدة حسسني ان العربيه لو 6 شهور و ساعه هتفرش علي الارض بس انا مقتنع ان الزيت صلاحيته اعلي من كدة و كمان ممكن تمشي عليه اكتر من كدة بس الواحد بيقول يمشي في السلم وميهينش العربيه و هو موبيل 1
و بالنسبة لكميه الزيت انا قلتله انكم اتفقتم مع المهندس احمد علي كدة قالي لا هو الاتفاق الجديد 3.6 و اني بحاسب بس عليهم و دة اللي حصل فعلا فهبقي اقيسة و اشوف
وبالنسبة لشغل السمكرة انا رحت لواحد سمكري قالي هتتكلف 400 جنيه لان لباب هيترش كله هي خدش خفيف بس داخل لجوة شوية و طوله 20 سم يعني مش باين اوي و ممكن اعمله في التامين بس قلت استني شوية و خلاص اهي كدة كدة هتتخدش
و الله انا كل يوم برجع من الشعل و خصوصا في رمضان بحس اني كنت بحارب لان شغلي في التحرير بحس اني مطلوب مني اراقب عربيات الناس كلها اللي حواليا و بتمني اجيب 128 علشان اعرف امشي معاهم كويس يعني اي حد يكسر عليا امشي و ميهمنيش لان الناس كلها و الله بتستغل اي عربيه جديدة و بيكسر بقلب جامد اويييي من غير اشاره و لا اي حاجة و لا اعتذار و لا اكنه عمل حاجة و خصوصا علي اكتوبر اول امبارح و الله قصاد عيني واحد ماشي ورا عربيه بينهم 5 متر و العربيه الليقدامه وقف بهدوء مش فجاءة و لا حاجة اللي وراه فضل مكمل و قال ايه بيمسك فرامل علي الاخر لبس في العربيه بتاعه لغلبان اللي قدام صعب عليا جدا و الله كان نفسي انزل اضرب الراجل
ربنا يخليلنا ال kick down

المشاركة الأصلية كتبت بواسطة medo_sirion

اية يااااااااااااااااااااجماع ة
الموضوع بقى عادى خالص
انا م\غير علبتين دريكسيون فى اقل من 5 اشهر ولا اقل كمان
وهروح فى الصيانة القادمة اغيرها تانى
بصوا خليكوا طبيعين خالص
لانكوا هتتعودوا على الموضوع دة

سوري يا ميدو بس لما اتغيرت تاني قالولك ايه في التوكيل يعني ليه العيب رجع تاني و ليه مبعتش اميل للشركه ف اليابان برقم الشاسيه و الحاله كلها المفروض انها شركه محترمه و تهتم علي فكرة اعتقد هيهتموا جداااااااااا