تفاصيل صيانه ال 15000 في العبور بتاريخ 6/9/2009

**M.Mosaad** · 06-09-2009 11:20 PM

السلام عليكم ورحمه الله وبركاته
النهاردة الحمد الله عملت صيانه ال 15000 في التوكيل ودي التفاصيل
العربيه سيريون 1300 اتوماتيك 2008 gl
1- وصلت علي الساعه 10.45 معاد الصيانه كان الساعه 11:00 كان في شوية حاجات كدة كنت عاوز اعملها في العربيه بالاضافه للصيانه يعني كالعاده كنت عاوز كلبسات للكرتيرة وكنت عاوز اغسل الموتور واكدت قوي علي موضوع الكلبسات لان دايما بينسوة بس قلولي ان الزيت بيبقي 3.6 معني اكدت علي موضوع ال 3.1 اللي الاخوة اتفضلوا و اكدوا عليه بس المهندس هناك قالي انهم خلاص اتفقوا علي 3.6 مش عارف اتفقوا مع مين و الكلام دة صح و لا غلط
2- انا ضغطي علي العربيه مش اوي يعني بعمل حوالي 1000 في الشهر هو قالي ان مدة صالحية الزيت 6 شهور م عارف ايه رايكم في الموضوع ده لاني مغير المرة اللي فاتت الزيت من حوالي 9 شهور و لعربيه كانت زي الفل
التكاليف كانت حوالي 375 جنيه و كمان 20 جنيه غسيل موتور يعني كله 395 جنيه
3 انطباعي العربيه بصراحه خرجت مغسوله كويس و الموتور بيبرق كان فيه شوية خدوش خفيفه عملوها و طلعت الحمد لله بس كان في خدش في الباب اليمين داخل لجوة شوية سالت المهندس مصطفي يتكلف كام رد ورش قالي 700 جنيه . قلتله شكرا اشتري باب جديد احسن
4- المواعيد بقي وحشة جدا المركز كان زحمةةةةةةةةةةة جدا معني قلت ابو رواش هيخف علي العبور شوية العربيه دخلت الساعه 12 و خرجت علي الساعه 2 الضهر وانا اتخنقت جدا حتي مكنتش واخد الاب توب ولا حاجة قضيتها انتظار و المهندسين مشغولين جدا بيرد عليك بسرعه خالص لان كان في عملاء كتير
بس خلاص

**ahmadelsaeed** · 06-09-2009 11:56 PM

بس إنت معندكش الصوت بتاع علبة الدريكسيون الحمد لله ... مش كده ؟

**hhhmmmzzzz** · 07-09-2009 11:11 AM

مبروك وعقبال صيانة ال100000

**M.Mosaad** · 07-09-2009 12:46 PM

المشاركة الأصلية كتبت بواسطة ahmadelsaeed

بس إنت معندكش الصوت بتاع علبة الدريكسيون الحمد لله ... مش كده ؟

لا هما قالولي في صيانه ال 10000 انه مش عندي العيب الحمد لله

**M.Mosaad** · 07-09-2009 12:47 PM

المشاركة الأصلية كتبت بواسطة hhhmmmzzzz

مبروك وعقبال صيانة ال100000

الف شكر علي زوقك و ربنا يكرمك

**bmya** · 07-09-2009 04:33 PM

استاذ محمد حضرتك عربيتي زي عربيتي بالظبط برده 2008 1300 اتوماتيك وبرده هروح ان شاء الله اعمل صيانه بكره بس هعملها في المنصوره عشان مكسل اسافر ابورواش بس انا عندي صوت التخبييط ده هو حضرتك مستلم العربيه في شهر كام
وبعدين يعني هو عربيه فيها وعربيه لاء المفروض يكون موديل سنه كله مثلا فيه العيب ده والسنه اللي بعدها يصلحوه مثلا لكن ازاي عربيتين نفس الموديل والسنه وكل حاجه ووحده فيها والتانيه لاء
المهم ربنا يباركلك فيها ياباشا بس الواحد بيستغرب من عربيات مصر اللي كل عربيه بشكل هههههههههههه

**M.Mosaad** · 08-09-2009 12:03 AM

المشاركة الأصلية كتبت بواسطة bmya

استاذ محمد حضرتك عربيتي زي عربيتي بالظبط برده 2008 1300 اتوماتيك وبرده هروح ان شاء الله اعمل صيانه بكره بس هعملها في المنصوره عشان مكسل اسافر ابورواش بس انا عندي صوت التخبييط ده هو حضرتك مستلم العربيه في شهر كام
وبعدين يعني هو عربيه فيها وعربيه لاء المفروض يكون موديل سنه كله مثلا فيه العيب ده والسنه اللي بعدها يصلحوه مثلا لكن ازاي عربيتين نفس الموديل والسنه وكل حاجه ووحده فيها والتانيه لاء
المهم ربنا يباركلك فيها ياباشا بس الواحد بيستغرب من عربيات مصر اللي كل عربيه بشكل هههههههههههه

الف شكر علي ردك واهتمامك
بص انا سالتهم في صيانه ال 10000 لاني مش سامع صوت التخبيط دة المهندس ماجد كشف عليها و قالي العيب دة مش عندك بس بصراحه انا مش بثق في التوكيل قوي هو كويس بس مش ثقه فمش عارف اروح اكشف عليها فين و عندك حق المفروض دة موديل فيه عيب يبقي عيب عام مش عارف بس الموضوع فيه لخبطة ممكن يبقي دة كان كميه نزلت مصر علي العموم انا اشتريتها يوم 23/6/2008

**M.Mosaad** · 08-09-2009 12:15 AM

المشاركة الأصلية كتبت بواسطة MoToRiZeR

مبروك علي الصيانة يا محمد .

بالنسبة لصلاحية الزيت إنت بتستعمل موبيل 1 التخليقي صح ؟ لو كدة هو صلاحيته مش 6 شهور طبعاَ هو بيقعد لحد سنة .. بالنسبة لعدد الكيلومترات انا مشيت علي زيت شيل اما حطيته 12 ألف و نزلته كان لسة كويس جداَ و الله و ممكن يمشي كمان بس قلت خلينا في السليم .. و كان ال 12 ألف دول معظمهم سواقة هادية في أجواء نظيفة برة القاهرة فا الزيت مكنش بيتلوث و يتحرق .

بالنسبة لكمية الزيت .. كنت قولهم إننا متفقين مع الإدارة علي إننا نحط 3.1 و كان المهندس هيتكلم يتأكد و يعمل اللي إنت عايزه أو كنت قابل مهندس أحمد عبد الوهاب .. عامة جرب قيس الزيت لأن كدة غالباَ هتلاقيه معدي الماكس و ده مش كويس .. انا حاطط 3.1 و العلامة قبل الماكس بدرجة بسيطة .

و بالنسبة لشغل السمكرة ممكن برة بقي .

الله يبارك فيك ويعزك يارب
بص يا سيدي انا غيرت الزيت شهر 11 للي فات يعني قعد معايا حوالي 10 شهور و العربيه كان ادائها زي الفل الحمد لله بس مش عايز اقولك لما قلت للمهندس هو اسمه تامر محمد هو الزيت بيتغير كل اد ايه قالي 6 شهور و متزيدش عن كدة حسسني ان العربيه لو 6 شهور و ساعه هتفرش علي الارض بس انا مقتنع ان الزيت صلاحيته اعلي من كدة و كمان ممكن تمشي عليه اكتر من كدة بس الواحد بيقول يمشي في السلم وميهينش العربيه و هو موبيل 1
و بالنسبة لكميه الزيت انا قلتله انكم اتفقتم مع المهندس احمد علي كدة قالي لا هو الاتفاق الجديد 3.6 و اني بحاسب بس عليهم و دة اللي حصل فعلا فهبقي اقيسة و اشوف
وبالنسبة لشغل السمكرة انا رحت لواحد سمكري قالي هتتكلف 400 جنيه لان لباب هيترش كله هي خدش خفيف بس داخل لجوة شوية و طوله 20 سم يعني مش باين اوي و ممكن اعمله في التامين بس قلت استني شوية و خلاص اهي كدة كدة هتتخدش
و الله انا كل يوم برجع من الشعل و خصوصا في رمضان بحس اني كنت بحارب لان شغلي في التحرير بحس اني مطلوب مني اراقب عربيات الناس كلها اللي حواليا و بتمني اجيب 128 علشان اعرف امشي معاهم كويس يعني اي حد يكسر عليا امشي و ميهمنيش لان الناس كلها و الله بتستغل اي عربيه جديدة و بيكسر بقلب جامد اويييي من غير اشاره و لا اي حاجة و لا اعتذار و لا اكنه عمل حاجة و خصوصا علي اكتوبر اول امبارح و الله قصاد عيني واحد ماشي ورا عربيه بينهم 5 متر و العربيه الليقدامه وقف بهدوء مش فجاءة و لا حاجة اللي وراه فضل مكمل و قال ايه بيمسك فرامل علي الاخر لبس في العربيه بتاعه لغلبان اللي قدام صعب عليا جدا و الله كان نفسي انزل اضرب الراجل
ربنا يخليلنا ال kick down

**bmya** · 08-09-2009 01:53 PM

المشاركة الأصلية كتبت بواسطة mohamed_momi88

الف شكر علي ردك واهتمامك
بص انا سالتهم في صيانه ال 10000 لاني مش سامع صوت التخبيط دة المهندس ماجد كشف عليها و قالي العيب دة مش عندك بس بصراحه انا مش بثق في التوكيل قوي هو كويس بس مش ثقه فمش عارف اروح اكشف عليها فين و عندك حق المفروض دة موديل فيه عيب يبقي عيب عام مش عارف بس الموضوع فيه لخبطة ممكن يبقي دة كان كميه نزلت مصر علي العموم انا اشتريتها يوم 23/6/2008

وانا يا باشا شاريها يوم 11/6/2008 يعني فرق 12 يوم فقط هلي تعقتد ان الفتره دي نزلت دفعه متصلحه ده اصلا في الفتره دي مكنش فيه حد بيتكلم علي اي حاجه ولا اي حد جاب سيره عن العيب ده لان انا قبل مشتريها دخلت كتيير علي المنتدي ولقيت كل الناس بتشكر فيها وبتقول اشعار ومحدش جاب سيره اي عيب
العيب فعلا بدأ يكتر بعد مشتريت العربيه ولقت ناس كتيير وبتشتكي ده حتي انا اول مسوقتها وانا خارج من المعرض حسيت بصوت الخبط ده وكنت هرجعله وبعدين قلت اكيد انا بيتهيقلي لان مكنش حد في المنتدي نبهني له وقال عنه جحاجه
فحضرتك خود بالك بس وانت ماشي في طريق مكسر اقفل الزجاج والكاسيت وامشي براحه وخود بالك في صوت خبيط او رجرجه كده من العفشه ولا لاء واتمني لحضرتك ميكونش عندك فعلا لانه صوت مستفز

شريف

-

الموضوع: تفاصيل صيانه ال 15000 في العبور بتاريخ 6/9/2009

LinkBack

أدوات الموضوع

عرض

-

-

-

المواضيع المتشابهه

زياره لغبور العبور بتاريخ 25-8-2012

استفسار عن صيانه ال 15000

صيانه ال 25000 للاوبترا 2009 فى ابو غالى العبور

سؤال عن صيانه الاوبترا ال 15000 كم

تفاصيل المقابلة الثالثة غداَ أمام سوق العبور

الكلمات الدلالية لهذا الموضوع

المفضلات

المفضلات

ضوابط المشاركة