عاوز رايكم فى vw passat

**TOOLA** · 30-10-2009 10:19 PM

العربية بقالها معايا شهرين فقط, فمقدرش أتكلم معاك فى عيوب, و المقصات فى الباسات غالية أسمع انها بتكلف 8000 ج لو أصلى جديد و متوسط 4000 لو استيراد, لكن البورا مفيش حاجة لتغيير المقص لأن الجلبة بتتغير عادى (أنا لسه مغيرهم) و الجلبتين أصلى جديد يمكن فى حدود 200 ج أو حاجة كده يعنى

**dode33333** · 29-11-2009 08:33 AM

المشاركة الأصلية كتبت بواسطة dode33333

بصوا يا جماعة : أنا معايا واحدة عاملة 66000 الف كيلو جايبها من المانيا على ايدى و صيانتها آخر مرة فى المصنع فى برلين العربيات الباسات موديل 98 و 99 دى بسم الله ماشاء الله عليها . . . صحيح تقيلة شوية فى الطلعة لحد ال90 بس لازم مش تقرص على الاكسلراتير فى الطلعة براحتك . . . .عربية أكثر من رائعة فعلا فى الاستابيليتى بتاعتها و الوسع و انك تعمل صيانتها و ترميها ورا ضهرك . . . عيبها موضوع المقصات ده بس مش أى حد يقوللك غير تقوم مغير . . . أنا كانوا عاملين صوت عندى و محمد سمير ساق و جرب و قالى غير بس مش دلوقتى بس العجيب انى كلت مطب صغير العربية زبطت بعده و الصوت اختفى لو حد عنده تساؤلات عنها أنا تحت أمره و تيليفونى 0101258152 و اسمى د/ محمود توفيق :)

كل سنة و أنتو طيبين و عيد سعيد على الجميع بس أحب أضيف نقطة بخصوص المقصات بتاعت الباسات . . . أنا صحيح معدش عندى صوت فى المقصات و المواضيع زبطت الهى كده من عند ربنا و الحمد لله . . . بس ده مايمنعش انى بعت شتوتجارت فى المانيا و جبت طقم مقصات كامل لعربيتى بس المفاجئة هنا انى جبتهم زيرو ب 2300 جنيه مصرى و بس . . . تخيلوا فى مصر بكسبوا أد ايه . . . .صحيح فيه مصاريف شحن التجار بتكلفوها بس مش لدرجة انهم يبقوا زيروا ب 7000 . . . . عموما . . . . . الحمد لله ان المقصات الأورجينال عندى لسه شغاله بس أنا مستريح ان المقصات البديلة وصلت من ألمانيا و مش هاحتاس لو باظوا . . . كل سنة و الجميع بخير

**dode33333** · 29-11-2009 08:40 AM

المشاركة الأصلية كتبت بواسطة dode33333

بصوا يا جماعة : أنا معايا واحدة عاملة 66000 الف كيلو جايبها من المانيا على ايدى و صيانتها آخر مرة فى المصنع فى برلين العربيات الباسات موديل 98 و 99 دى بسم الله ماشاء الله عليها . . . صحيح تقيلة شوية فى الطلعة لحد ال90 بس لازم مش تقرص على الاكسلراتير فى الطلعة براحتك . . . .عربية أكثر من رائعة فعلا فى الاستابيليتى بتاعتها و الوسع و انك تعمل صيانتها و ترميها ورا ضهرك . . . عيبها موضوع المقصات ده بس مش أى حد يقوللك غير تقوم مغير . . . أنا كانوا عاملين صوت عندى و محمد سمير ساق و جرب و قالى غير بس مش دلوقتى بس العجيب انى كلت مطب صغير العربية زبطت بعده و الصوت اختفى لو حد عنده تساؤلات عنها أنا تحت أمره و تيليفونى 0101258152 و اسمى د/ محمود توفيق :)

نسيت أضيف حتة للسادة ملاك الباسات . . . . زجاج العربية الأمامى بتاعى الأورجينال الفبريكة زلطة طارت من كاوتش نقل و اصابته فى مقتل . . . و بعد بحث و استقصاء ذهبت الى الدكتور خالد بتاع الزجاج بتاع الميرغنى قالى الصينى ب 750 جنيه . . . .لما سالت عند الشهابى قالى روح مصنع جريش فى العاشر . . . . ازازهم كويس و كفاية انهم هما اللى بيعملو ازاز المرسيدس الجديدة . . . الصراحة شديت الرحال الى العاشر و دفعت فى ازاز العربية 340 جنية بس و للأمانة ازاز صحيح يقل بدرجة عن الألمانى بس أحسن من الصينى . . . و كمان سيبكوا من ده كلوا . . . كفاية التركيب بتاعوا من صنايعية المصنع . . . . عيال معلمين فعلا و اديهم نضيفه و الازاز بنسبة 90 % تركيبه مرضى و مريح للعين . . . . و أحسن من الألمانى اللى تمنه 2200 و مش موجود . . . . تحياتى للجميع

**Ahmad Allawy** · 29-11-2009 02:30 PM

تصحيح صغير بس..
المقصات بتاعتها حاليا سعرها جديدة اقل بكتييييير من الرقم اللي بتتكلموا فيه ده.. بتعمل حاليا حوالي 3500-4000 جديد.. و الاستيراد الطقم كله علي بعضه بيعمل 1000-1200 جنيه..

وموضوع القزاز ده اكيد سعادتك عندك حق فيه..
انا عربيتي اودي a4 الزجاج بتعاها اللي راكب فيها من المالك اللي قبلي كنت فاكره اصلي بس كان بيجيب هوا من ركن كده.. الراجل بتاع القزاز قالي لازم يتفك و يتركب من الاول صح..
فك و ركب.. طلع القزاز اللي كان فيها اصغر من مقاسها الاصلي ب 1 سم عرض و 1 سم طول.. و النتيجة انه الباقي ده كله سيليكون.. و مش مرتاح ليه كده بصراحة.. بس هاسيبه بقي الي ان يقضي الله امرا كان مفعولا.. و يتكسر خالص نبقي نغيره..

**M.Mostafa80** · 30-11-2009 02:56 AM

البورا يعيبها انها منخفضه ولكنى ارى أنهو ميزه فى الثبات
العيب الثانى هو كارتيره الزيت الألمونيا وقد تم معالجته فى الموديل التالى بمصفحه اسفل السياره
أما العيب الثالث فهو ضيق الكنبه الخلفيه قليلا
وفى النهايه السياره مميزاتهاأكثر من عيوبها وعيوبها يمكن تلاشيها

**Ahmad Allawy** · 30-11-2009 03:03 AM

المشاركة الأصلية كتبت بواسطة m.mostafa80

العيب الثانى هو كارتيره الزيت الألمونيا وقد تم معالجته فى الموديل التالى بمصفحه اسفل السياره

للأسف العيب ده موجود في كل موديلات الفولكس جروب في الفترة دي..
الاودي الa4 و السكودا اوكتافيا.. و الفولكس باسات و البورا.. و السيات توليدو..
كله كارتيرة الومنيوم..و للأسف الومنيوم ضعيف كمان.. يعني اي خبطة فيها بالسلامة..
ربنا يسترها معانا جميعا يا رب..

**TOOLA** · 30-11-2009 03:30 AM

أمين يا رب

**M.Mostafa80** · 30-11-2009 03:44 AM

المشاركة الأصلية كتبت بواسطة Ahmad Allawy

للأسف العيب ده موجود في كل موديلات الفولكس جروب في الفترة دي..
الاودي الa4 و السكودا اوكتافيا.. و الفولكس باسات و البورا.. و السيات توليدو..
كله كارتيرة الومنيوم..و للأسف الومنيوم ضعيف كمان.. يعني اي خبطة فيها بالسلامة..
ربنا يسترها معانا جميعا يا رب..

كلامك سليم وفعلا ربنا يسترها معاكو ومعانا كلنا يارب وينجينا من أى عطل

**Ahmad Allawy** · 30-11-2009 03:46 AM

اصلي بصراحة اول ما اخدت العربية دي كنت مرعوب جدا من الموضوع ده..
الاوبل الكورسا كانت الكارتيرة بتاعتها صاج محمل.. و كان فيها مصفحة تقيلة و محملة جدا.. ما شاء الله.. يعني لو ركبت بيها رصيف ولا الهوا.. كانت حاجة كويسة جدا.. و اتضايقت لما ملقيتهاش عندي..
و قولت اول حاجة هاعملها عندي ان شاء الله ادور لو ليها مصفحة استيراد اجيبها.. ولو مفيش.. افصل ليها واحدة.. بس لسة ماخدتش خطوات في الموضوع ده..

**M.Mostafa80** · 30-11-2009 03:56 AM

على ما أعتقد لو دعبست ورى الموضوع ده بجديه هتلاقيلها مصفحه

الموضوع: عاوز رايكم فى vw passat

LinkBack

أدوات الموضوع

عرض

-

-

-

-

-

-

-

-

المواضيع المتشابهه

عاوز رايكم

عاوز رايكم

عاوز استفسار عفشة رياضي passat 1985

Passat 1800 steptronicايه رايكم فيها؟؟؟؟

عاوز اركب تكييف فريون فى كورسا موديل 94 يتكلف كام ؟؟؟ عاوز اعرف رايكم

الكلمات الدلالية لهذا الموضوع

المفضلات

المفضلات

ضوابط المشاركة