متابعة ميارة الجزائر و زامبيا

**M.ABDEEN** · 07-09-2009 11:18 AM

دخلنا نفسنا في حسابات برما واحن اللي نستاهل وممكن العملية تخلص في زامبيا وزامبيا تفوز علينا هناك لانه فريق كويس ومتعاون وكان يستحق الفوز امبارح ...........
وعلشان نبقى نتشملل ونعمل فيلم العالمي ونسحق الجزائيريون هيبقى منظرنا وحش قوي ..........ومنتخب بياخد كاس القارة مرتين وراء بعض ومش عارف يروح كاس العالم انما فالحين نعمل اعلانات الشاي والمحمول والمشروبات الغازية ونقول هانوصل كاس العالم ....بصراحة كل ماتش تشكيل غريب ولاعبيين اغرب ولو بشكل روندا كده قدام زامبيا ياريت نفتح المدافن من دلوقتي

**M.ABDEEN** · 07-09-2009 11:24 AM

المشاركة الأصلية كتبت بواسطة moudy88

دلوقت الجزائر ليها 6 وعليها 1
ومصر ليها 6 وعليها 4
لو الجزائر فازت على رواندا 4-0 مثلا
يبقى الجزائر ليها 10 وعليها 1
ومصر تفوز على زامبيا 2-0
وتفوز على الجزائر 3-0
يبقى مصر ليها 11 وعليها 4
يبقى ليها 7 اجوان
والجزائر ليها 10 وعليها 4
يبقى ليها 6 اجوان

يبقى مصر تصعد

واخيرا ___ المتفائلين بيشجعوا مصر واحنا معاهم

طبعا ده كله احلام

انت متفائل قوي يا هندسة عايزين معجزة

**KSA2011** · 07-09-2009 12:25 PM

المشاركة الأصلية كتبت بواسطة amrico

يا جماعة طظ في الكورة والله اللي ضايقني اني دخلت (بكل براءة) منتدى خاص بكرة القدم عشان بس اعرف النتيجة ومعنديش عضوية في المنتدى ده على فكرة المهم لقيتلك كمية ردح وشتيمة وتريقة وقلة ادب وشتيمة في مصر المصريين مش بس من الجزائر لكن من السوريين كمان وبتوع الاردن ولا الفلسطينيين اللي بيقولوا انهم هايشجعوا الجزائر لأنهم فريق الشرفاء وناس كتير اوي
احنا ليه الناس بتكرهنا كده
انا والله على ما اقول شهيد قلت ربنا يوفق الجزائر واكيد هانشجعها بحرارة في كأس العالم بس لقيت الموضوع عند الأخوة في الجزائر واصل للشتيمة بالأعراض وعمل كاريكاتيرات وصوور مسيئة مضحكة فقلت حسبي الله ونعم الوكيل
احساس سيئ اوي لما تحس ان كل الناس بتكرهك في الدنيا رغم ان محدش فيهم يقدر ينكر فضل مصر (بتاعة زمااااان) على معظم الدول العربية

يا باشا ده مش جديد وانا قريت زى كده كتير وخصوصا من الفلسطينيين
الجديد دلوقتى السوريين لاننا كنا فى وقت معين تقريبا دولتين زى بعض دلوقتى احنا بقينا اعلى بس مش احسن انا اليومين دول كل ما اشترى حاجه الاقيها صنع فى سوريا
دول يا باشا من الاخر قوم اذا صفعت بالنعال بكت النعال باى ذنب تصفع

**amrico** · 07-09-2009 12:46 PM

المشاركة الأصلية كتبت بواسطة ksa2011

يا باشا ده مش جديد وانا قريت زى كده كتير وخصوصا من الفلسطينيين
الجديد دلوقتى السوريين لاننا كنا فى وقت معين تقريبا دولتين زى بعض دلوقتى احنا بقينا اعلى بس مش احسن انا اليومين دول كل ما اشترى حاجه الاقيها صنع فى سوريا
دول يا باشا من الاخر قوم اذا صفعت بالنعال بكت النعال باى ذنب تصفع

ربنا يهدي الجميع من غير نعال

**TaoTao** · 07-09-2009 01:47 PM

الللي عنده 20 سنة ماشافش مصر في كاس العالم، الحمد لله شفنا مصر في كاس العالم وشفنا عدالة السماء بتنزل على استاد باليرمو، ومجدي عبد الغني بيجيب جول في هولندا.

وسنة 2014 وعليكم خير هانقول .. اللي عنده 25 سنة ماشافش مصر في كاس العالم ......

**aif** · 07-09-2009 02:55 PM

المشاركة الأصلية كتبت بواسطة amrico

احساس سيئ اوي لما تحس ان كل الناس بتكرهك في الدنيا رغم ان محدش فيهم يقدر ينكر فضل مصر (بتاعة زمااااان) على معظم الدول العربية

اعتقد ان احنا المصريين وكتير من تصرفاتنا احد اهم اسباب الكراهية دي
راجع تصرفات الكثير من المصريين ونظرتهم العلوية تجاه معظم العرب واعتقادنا اننا من طينة تانية وانهم شعوب متخلفة وغبية واحنا بس اللي بنفهم وفهلوية .... ليس في الرياضة فحسب لكن في كل شيء .... ح تلاقي ان تصرفهم له اسباب ....وان كان ذلك لا يعتبر مبرر

**amrico** · 07-09-2009 03:12 PM

المشاركة الأصلية كتبت بواسطة aif

اعتقد ان احنا المصريين وكتير من تصرفاتنا احد اهم اسباب الكراهية دي
راجع تصرفات الكثير من المصريين ونظرتهم العلوية تجاه معظم العرب واعتقادنا اننا من طينة تانية وانهم شعوب متخلفة وغبية واحنا بس اللي بنفهم وفهلوية .... ليس في الرياضة فحسب لكن في كل شيء .... ح تلاقي ان تصرفهم له اسباب ....وان كان ذلك لا يعتبر مبرر

فعلا السيئ بيغطي على الكويس والنماذج السيئة من المصريين اللي خربوا بيتنا وضيعوا سمعتنا بره كتير للأسف
يا راجل دا لما ليبيا فتحت بالبطاقة الليبيين كانوا هايشحتوا بعد اول 3 ايام
هانقول ايه بس ربنا يهدي

اعتذر للخروج عن سياق الموضوع

**Abo_Lina** · 07-09-2009 06:37 PM

يا جماعة حد شاف ماتش نيجيريا و تونس ?
منتخب تونس ما شاء الله حاجة تفرح لياقة و سرعة و مهارة ..و بصراحة دي الفرق اللي تستاهل تروح كاس العالم ..
عموما هيا الفرصة بقت صعبة بالنسبالنا لسببين..الجزائر مش منتخب ضعيف بالعكس منتخب جيد جدا معاه مدرب محنك..ووضح امبارح انهم مش هايفرطوا في اي نقطة بسهولة..
السبب التاني هو اننا بصراحة وحشين ..و بنلعب ماتش و نهبل عشرة..و بأمانة ماحناش احسن فريق في المجموعة..
أتمنى التصفيات الجاية يكون عندنا مدرب كبير و له شخصية..و يكون برتغالي..و يكون اسمه جوزيه

**Terrible_DaRsH** · 07-09-2009 08:13 PM

كل اللى احنا فيه ده بسبب استهتارنا بالجزائر هناك ..

عموما فى امل لسه , لو الجزائر كسبت رواندا و احن كسبنا زامبيا بنفس النتيجة اللى الجزائر هتكسب بيها .

يبقي فاضل لنا مباراة القاهرة اللى هنقاتلهم فيها ..

و الجزائرين مش هيخرجوا من القاهرة على خير و افتكروا :)

-

الموضوع: متابعة ميارة الجزائر و زامبيا

LinkBack

أدوات الموضوع

عرض

-

-

-

-

-

المواضيع المتشابهه

متابعة مبارة مصر - الجزائر في السودان (تصفيات كأس العالم 2010)

متابعة مبارة مصر - الجزائر (تصفيات كأس العالم 2010)

بعد إذن الاشراف -سعدون ومنتخب الجزائر بعد فوز مصر على زامبيا (موش هتقدر تبطل ضحك)

متابعة مباراة مصــر - زامبيا (تصفيات كاس العالم 2010)

تعادل الجزائر و نفاذ التذاكر .. مصر و زامبيا kick off

الكلمات الدلالية لهذا الموضوع

المفضلات

المفضلات

ضوابط المشاركة