الموضوع: بلادي بلادي .. أنا نار تحرق أعاديكي انا دمي نيل يرويكي .. دعوة لتنمية الشعور بالوطنية

المشاركة الأصلية كتبت بواسطة mmedali1978

ما وصلنا اليه الان هو عدم معرفتنا لتاريخ بلدنا فعلا وعدم الوعى والقراءه فو يونيو 1967 خسرنا معركه ولكن لم نخسر ارادتنا وهذا الجيل العظيم جيل الستينات لن يأتى مثله ابدا من سياسين وفنانين ولاعبين وشعب التف حول قائده بعد الهزيمه ايمانا منه بأنه لم يكذب عليهم ولم يخدعهم ولكن بعض الظروف التى لم تساعده على هزيمه هذا الكيان الصهيونى كانت هى السبب الاول ولكن ستظل هده الحقبه من الزمن افضل اللحظات فى تاريخنا فنحن كنا نملك اكبر مصانع فى الشرق الاوسط من غزل ونسيج الى حديد وصلب الى سيارات ورحم الله عزيز صدقى ابو الصناعه المصريه والفريق عبد المنعم رياض الذى استشهد فى ارض المعركه الكرامه ثمنها غالى جدا ولكن ان تنتصر وتفقد ارادتك وكرامتك وعزتك بنفسك هذه هى المصيبه الكبرى واشكر العضو المحترم صاحب الاغنيه الجميله واحب اعرفه انى امتلك اكثر من 1000 اغنيه غنت فى عهد الزعيم جمال عبد الناصر ولو اى حد من الاعضاء يحب يسمع اى اغنيه انا تحت امره انا فعلا بتاثر جدا بهذه الاغانى الحماسيه والوطنيه ونتمنى من الله عز وجل ان يعيد لنا الكرامه والعزه داخل بلدنا قبل ان يكون خارجها وان ينتقم من كل مفسد فى الارض

انا مع حضرتك فى كل اللى بتقوله و ربنا يسترها معانا ومع بلدنا

المشاركة الأصلية كتبت بواسطة aif

عليه الصلاة والسلام
اختلف معاك ...... ايون فيه انتماء و وطنية وغيرة على بلدنا وحاجات اكتر من كدة بكتير
مجرد مباراة كورة مع الجزائر اظهرت لنا احنا بنحب بلدنا اد اية ومش بنستحمل حد يمس شعرة منها
لكن مش بتظهر الحاجات دي غير في اوقات المحن


ربنا يعزك ويكرمك
انا عاصرت فترة ما بين النكسة وبين حرب اكتوبر
النكسة الناس سميتها نكسة مش من فراغ
احنا كنا عايشبن في حلم العروبة والوحدة والثورة ومعاني جميلة ....كنا طايرين باحلامنا في السما.....
وفجأة وقعنا من السما الى ادنى مستويات الوحل والذل والعار
زي ما يكون واحد لابس بدلة ميري ومعلق نجوم وماشي ممشوق القوام في وسط اهله واصحابه بمنتهى العزة والكرامة والفخر .... وفجأة جه واحد ووراح ضاربه على قفاه ومقلعه هدومه وسايبه عريان في وسط الناس
....
احنا أخدنا صفعة قاسية لم نكن نتوقعها

يا حاج احمد الحرب كر و فر و مافيش غالب طول الخط ،كل ما تكون مع ربنا رنا ينصرك ولما الشيطان يزغزك وتبعد عن الطريق القويم لازم تيجى خبطة تفوقك (ده لو ربنا بيحبك) و ما تنساش ان المسلمين اتهزموا فى غزة أحد لانهم لم يطيعوا الرسول (ص) و انتصروا بعدها بطاعة الله والرسول و كذلك فى غزوة حنين عندما اغتر المسلمون بكثرتهم كادوا يهزموا لولا رجوعهم حول الرسول (ص) فانتصروا يعنى شوف فى وجود قيادة معصومة من الخطأ و هو الرسول (ص) اتهزم المسلمين علشان عدم طاعة الله والرسول و الخطأ والتوبة طبيعة انسانية وخير الخطائون التوابون
وبعدين كل العالم الاستعمار كان بيحارب عبد الناصر مش عايزه يخسر جولة واحدة
[gdwl] [/gdwl][gdwl][/gdwl][gdwl][/gdwl][gdwl]
واحنا يعنى اللى اتصدمنا قوى كدا من النكسة نسينا قبلها بـ 15 سنة بس كان حال البلد ايه
[/gdwl]ارض زراعية بتغرق فى الفيضان أو تعطش وتموت من الجفاف بسبب غياب السد العالى اللى حافظ علينا من الموت
فلاحين كبلتهم الديون و المرابين اليهود وغيرهم
عمال فى المصانع الخاصة القليلية و نادرا ما كانوا ياخدوا حقوقهم واديك شايف المصانع اللى اتخصخصت دلوقتى حال عمالها ايه
خط القناة كله اللى كان ملئ بالانجليز والفرنسين وجيوشهم والاجانب والانحلال دى كانت بلد جوا البلد و دا يمكن اللى تسبب فى انطلاق حركة الاخوان المسلمين من الاسماعيلية
التعليم اللى كان اغلبه بمدارس اجنبية علشان اللى يتخرج يعرف يتعامل مع المندوب السامى و جيش الاحتلال
و ياترى نسبة التعليم كان ساعتها كام
ولا الصحة كان ايه اخبارها دى البلد ما شفتش وحدات صحية فى كل ارجاء القرى البائسة والنائية زى اللى عملتها الثورة و اسال اهل القرى و شوف خالهم ازاى الان
ولا ايه بس لو حاتكلم مش حاخلص
حنقول انه مافيش خالص طيب من يوميها عملنا ايه
لكن .......سبحان الله .... كان لازم الصفعة دي علشان نفوق ..... مصر كانت في منتهى الابتعاد عن دين الله ..... كانت شبه شيوعية

الموضوع ده انا مستغرباه يعنى انا اكتر واحد شفته عمل خطب فى الجامع الازهر وكان يستعين بالله فى كل قراراته الرئيس جمال عبد الناصر ومنها (الله معانا لاننا بندور على حقوقنا و الله اكبر و غيرها ...)وبعده السادات
وياريت تسمع خطبه اللى كانت العالم كله بيستناها وحتى اعداءه و ماشفتش زعيم فى العالم كان بيتسمع كده
كان اللي بيصلي الفجر في الجامع بيخاطر بمستقبله ومستقبل اولاده .... وعبارة ضبط متلبسا بصلاة الفجر ... كانت منتشرة جدا انا معاك ان كان فى تزمت مع الاخوان المسلمين
وضباط الثورة كانو يعيثون فسادا في البلاد ......
بصراحة البلد كانت لازم تفوق ..... لكن الثمن كان غالي جدا
وبفضل الله تمكننا من عبور فترة من اقسى فترات تاريخ مصر الحديث
الدنيا وقتها كانت اصعب بكتير من دلوقت ..... دي كانت نكسة بمعنى الكلمة مش قوى كده و اسأل الابنودى وأحمد فؤاد نجم احنا بس اللى كان الحلم واخدنا اكثر من الواقع مع ان الواقع وقتها احسن من كابوس الان
تصدقو ان كان ممنوع ذبح المواشي الا في يومين في الاسبوع فقط .......
السلع ماكانتش غالية زي دلوقت ..... كانت مش موجودة اصلا
... على الاقل السلع اللى كانت موجود ماكانتش مسرطنة و لا كنا بنشرب مية مجارى و كان المنع فى السلع الكمالية على الكل الوزير زى الغفير علشان نبنى بلدنا اللى بيهدوا ويبيعوا فيها لحد دلوقتى
انا زيك من هواة الاغاني الوطنية القديمة .... فعلا لها معنى وطعم مختلف
والاغانى الوطنية اللى حضرتك معتز بيها دى كلها كانت نتاج الفترة اللى انت معترض عليها
شكرا لمروركم الكريم

طيب و بعد حتى سنة 73 و لو حنقول الحرب دمرتنا يا حرام ودا مش صحيح لان كان عندك سد عالى ومنشأت ومصانع وقناة السويس و رقعة زراعية اكبر بفضل السد و مدارس بنتها الثورة فى كافة ارجاء المعمورة وخصوصا الارياف واسأل وكمان الميزانية ما كانتش تعبانة (راجع كلام الدكتور عبد العزيز حجازى رئيس وزراء مصر الاسبق لما كان بيقول كان عنده فائض فى الخزينة حتى حرب 1973 )
من 73 حتى الان كااااااااااااااااام سنة وصلنا لحد فين؟؟؟؟؟؟؟؟؟؟؟؟

اللى عايزه اقوله ان كل فترة لها مميزاتها وعيوبها
فى فترات مميزاتها اكتر ودى تسبب التقدم العلمى والصناعى و الطبى و الزراعى والدبلوماسى و يبقى عندنا كرامة والعالم يحترمنا
وفى فترات اسمحلى مهما طالت وبعيوبها اللى بتغلب على مميزاتها تسبب .........................
لو بنحب امنا صحيح لازم نشخص المرض صح علشان العلاج يبقى صح مهما كان مؤلم وصولك للمشكلة أول طريق الحل

تقبل شكرى وتحياتى لشخصك المحترم
ربك يسترها معانا

أنا حاليا أقرأ كتاب للدكتور أحمد عكاشة

"ثقوب في الضمير"

اللي عايز يفهم ليه بقينا كده

و اللي عايز يفهم ليه مافيش انتماء و امتى ممكن يرجع

يقراه

في منه اصدار جديد اسمه تحليل الشخصية المصرية

تمنه 20 جنيه بس

بس فرق معايا كتيييييييير


احنا احسن من اللي بيتعمل فينا ده

المشاركة الأصلية كتبت بواسطة aif

عليه الصلاة والسلام
اختلف معاك ...... ايون فيه انتماء و وطنية وغيرة على بلدنا وحاجات اكتر من كدة بكتير
مجرد مباراة كورة مع الجزائر اظهرت لنا احنا بنحب بلدنا اد اية ومش بنستحمل حد يمس شعرة منها
لكن مش بتظهر الحاجات دي غير في اوقات المحن


ربنا يعزك ويكرمك
انا عاصرت فترة ما بين النكسة وبين حرب اكتوبر
النكسة الناس سميتها نكسة مش من فراغ
احنا كنا عايشبن في حلم العروبة والوحدة والثورة ومعاني جميلة ....كنا طايرين باحلامنا في السما.....
وفجأة وقعنا من السما الى ادنى مستويات الوحل والذل والعار
زي ما يكون واحد لابس بدلة ميري ومعلق نجوم وماشي ممشوق القوام في وسط اهله واصحابه بمنتهى العزة والكرامة والفخر .... وفجأة جه واحد ووراح ضاربه على قفاه ومقلعه هدومه وسايبه عريان في وسط الناس
....
احنا أخدنا صفعة قاسية لم نكن نتوقعها
لكن .......سبحان الله .... كان لازم الصفعة دي علشان نفوق ..... مصر كانت في منتهى الابتعاد عن دين الله ..... كانت شبه شيوعية
كان اللي بيصلي الفجر في الجامع بيخاطر بمستقبله ومستقبل اولاده .... وعبارة ضبط متلبسا بصلاة الفجر ... كانت منتشرة جدا
وضباط الثورة كانو يعيثون فسادا في البلاد ......
بصراحة البلد كانت لازم تفوق ..... لكن الثمن كان غالي جدا
وبفضل الله تمكننا من عبور فترة من اقسى فترات تاريخ مصر الحديث
الدنيا وقتها كانت اصعب بكتير من دلوقت ..... دي كانت نكسة بمعنى الكلمة
تصدقو ان كان ممنوع ذبح المواشي الا في يومين في الاسبوع فقط .......
السلع ماكانتش غالية زي دلوقت ..... كانت مش موجودة اصلا
...
انا زيك من هواة الاغاني الوطنية القديمة .... فعلا لها معنى وطعم مختلف
شكرا لمروركم الكريم

احب بس اعرف حضرتك ان والدى وجدى وكثير من اقاربى كانو بيصلوا عادى والحمد لله مفيش حد منهم اتاخد يوم او اتهان من رجال الثوره ذى ما حضرتك بتقول ووالدى كمان دخل الجيش عام 1964 وخرج من الجيش 1974 والله بيقولى انها كانت ايام جميله برغم النكسه المريره التى لا ينكرها احد ولكن فى حرب الاستنزاف التىبدات بسرعه يوم 8 يونيو 1967 حتى سبتمبر 1970 كانت من اشرف الحروب فى تاريخنا واذكر منها تدمير ميناء ايلات والمدمره والرصيف الحربى وايضا الحفار الذى دمرته مصر فى ابيدجان بساحل العاج وانا لا اقول ان الثوره ليس لها اخطاء ولكن اذا نظرت الى اى ثوره بالعالم لابد وان تجد لها اخطاء ولكن مثلما نذكر 1967 وحرب اليمن مثلا لابد ان نذكر السد العالى وتاميم قناه السويس ومصانع الحديد والصلب وغيرها الكثير والكثير من القطاع العام الذى استطاع ان يصمد بمصر بعد النكسه ومثلما فعل صلاح نصر من اخطاء بشعه فهو ايضا الذى انشا جهاز المخابرات وصنع رافت الجمال وجمعه الهوان وغيرهم الكثير الذى لم يذكرهم التاريخ ولكن تبقى الكرامه والشرف والنضال والدفاع عن الارض والوطن بكل ما تملكه الدوله الشغل الشاغل لاى شعب ينبغى عليه ان يعيش مرفوع الراس شكرا لكل من يجعلنا نشعر ونسترجع هذه الايام مع اننى لم اعشها ولكن عرفت عنها الكثير من خلال القراءه ومتابعه حلقات كثيره لكل من حسين الشافعى وسعد الدين الشاذى وامين هويدى وعزيز صدقى ومحمد عبد الغنى الجمسى وغيرهم الكثير وفى النهايه نتمنى من الله عز وجل ان يولى من يصلح ولكن على الشعوب ايضا ان يكون عندها استعداد وشكرا لرد حضرتك

للاسف كل الناس سايبه كل شيئ وبتتكلم على النكسه وانها السبب فى اللى احنا فيه دلوقتى من غير فهم طيب انا نفسى اعرف حاجه واحده بس اليابان بعظمتها الان دمرت تماما فى الحرب العالميه الثانيه والمانيا اعظم الصناعات الان تساوت بلارض بعد دكها تماما من الحلفاء ورجعت البلاد دى اعظم دول العالم الان فى الصناعه والنظام وعدم المعاناه واللى هيرد ويقول فى فرق بين الشعب ده والشعب المصرى يبقى هنرجع لنقطه الصفر انا من راى ان الشعب المصرى لما يبقى يتحرك ويقوم بتغير من نفسه يبقى يعمل ذى ما هو عايز اى واحد بيضحى بنفسه وبيوصل للحكم عن طريق ثوره او انقلاب عسكرى انا اسف انى اقول من حقه يعمل اللى هو شايفه صح حتى لو غلط بالنسبه للشعب
من الاخر اللى شايف ان هو صح يطلع يغير ويوصل للحكم ويعمل اللى هو عايزه
لكن اننا نقعد ننتقد على الفاضى والمليان واحنا اصلا كشعب سلبى يبقى نستاهل اى حاجه تحصل فينا وشكرا