الموضوع: بلادي بلادي .. أنا نار تحرق أعاديكي انا دمي نيل يرويكي .. دعوة لتنمية الشعور بالوطنية

المشاركة الأصلية كتبت بواسطة Dr Zezo

باقي النقاط التي تفضلت بذكرها متفق فيها مع حضرتك
ارجو ان اكون عرضت وجة نظري بشكل مقبول و الا اكون تجاوزت حدود اللياقة في الحوار
فأنا احترم شخصيتكم الكريمة

الحوار معك يشرفني يا دكتور
لا احد ينكر وجود ايجابيات ... وكمان وجود سلبيات في تلك الفترة
لكن انا شايف السلبيات اكتر
.....
يعني مشروعات الري والقناطر والترع اللي بنيت ايام محمد علي ضاعفا الرقعة الزراعية
كان المفروض مع السد العالي ومشروعات الثورة انها تتضاعف مرتين او 3 كمان
لكن اللي حصل العكس
احنا لسة بنفس الرقعة الزراعية من قبل الثورة .... والفضل في هذا الفشل يرجع لسلبيات قانون الاصلاح الزراعي
الصناعة اللي قامت في مصر بدأت بقوة ...... وبعدين ...... للخلف در
اما بخصوص الدول العربية
مصر كان لها خلافات مع دول عربية كتير
السعودية
اليمن
العراق
سوريا
.....
وبعدين حتى المحللين المنتمين لجيل الثورة لا ينكرو ان احد اهم اسباب الهزيمة وجود ثلث الجيش المصري تقريبا في اليمن ....
ده طبعا غير فساد قادة الجيش ...... اللي جالهم تفاصيل الخطة الاسرائيلية قبل الحرب وموعد الهجوم .... بس بسلامتهم كانو مشغولين بمغامراتهم العاطفية مع الفنانات ......وطبعا التفاصيل معروفة
عبد الناصر بطولته الحقيقية بدأت بعد 67 .... بطولته كانت في اعادة بناء الجيش وحائط الصواريخ والاعداد لمعركة التحرير ... وتهيئة العقلية المصرية لتجاوز الهزيمة
لكن قبل كدة كانت معظمها فشخرة وكلام بدون فعل .... من بعد 56 وتأميم القناة ..... كله كان كلام وبس .... والناس كانت بتصدق علشان بتحبه ..... وانا كمان باحبه ..... هو كان زعيم وكان محبوب ...... لكنه خد البلد في مغامرة غير محسوبة
تخيل معي لو ان الثورة 52 كانت اعلنت الجمهورية وسقوط الملكية وعملت انتخابات حرة وسابت الاحزاب والسياسين يحكموا البلد وانسحب العسكر الى ثكناتهم وقامو بدورهم في تأمين البلد وحماية مكاسب الثورة دون السيطرة على الحكم .... كان زمان الحال غير الحال
مش كدة ولا ايه ؟؟؟؟؟؟