الموضوع: انا متضايق اوي من نفسي

المشاركة الأصلية كتبت بواسطة محمد أنور

شكرا يا باشا على سؤالك على ضهري وده شيء اقدره :).. الحمد لله دلوقتي احسن بس في شوية الم مع كتر الوقفة بس احسن من الاول ..
و بصراحة على قد ما انا زعلان عالعربية على قد ما انا فرحان اني لاقيت اخوة يهونوا عليا فالمنتدى ده و ربنا يديم المحبة ان شاء الله

سلامتك هى اهم حاجة

و هنا فى المنتدى احنا كلنا اخوة و مش بنهون عليك لأ ده الكل بيقول لك الحق و فعلا ما تستاهلش تزعل على العربية ، الحمد لله سعرها بعد الحادثة كويس ، و خلصت من مصدر مشاكل و دوخة على السمكرية و الميكانيكية ، و الحمد لله طلعت منها سليم

كل اعلانات النت بتكون مبالغ فيها ، الفيصل ساعة الشراء ، و لما بتكون الفلوس على الترابيزة الكلام كله بيتغير.

ربنا يوفقك لأحسن منها و يكفيك و يكفينا الشر جميعا.

و بصراحة انا لى رأى شخصى ، ان حتى لو التوكيل غالى فى الحاجات دى فبيرجع العربية زى ما كانت و عليها ضمان لفترة بعد الأصلاح ، او بيقول لك من الأول مافيش فايدة و كفاية صرف فلوس لحد كده.

و عموما الحمد لله على سلامتك

و تحياتى

المشاركة الأصلية كتبت بواسطة محمد أنور

الله يسلمك يا دكتور الحمد لله انها جت على فد كدة ..
و بصراحة انا قربت يجيلي عقدة نفسية من اعلانات النت .. مش لاقي عربية زيها و سعرها مش مبالغ فيه .. بدخل على قسم البيع و الشراء هنا في المنتدى و موقع كار 100 100 .. مش لاقي و مش عارف الاقي فين .. كل اللي معاه لانسر 2007 1600 بيطلب فيها 80 الف و ال 1300 مانيوال ب 70 او اعلى شوية ( اغلى ما بعت عربيتي ال1600 بعد ما صلحتها) بصراحة مش عارف اعمل ايه غير اني اصبر لعل الاسعار تقل شوية او اني افضل ادور يمكن ربنا يرزقني بحد ابن حلال عاوز يبيع عربية زيها و سعرها يكون بما يرضي الله .. لأني بجد متعلق باللانسر و مش عارف اركب عربية تانية .. والله المستعان
بالنسبة للتوكيل هو احسن طبعا .. بس مهما عمل عمر العربية ما هترجع زي ما كانت .. محدش هيقدر يرجعها زي ما كانت غير الخواجة ميتسوبيشي بنفسه في اليابان :)

يا باشا سيبك من اعلانات النت و خش على عربيتى و الوسيط الخ الخ

بأذن الله هاتلاقى حاجات كويسة و كتير كمان

و على فكرة ، ما تستعجلش لأن اللى بيحسوا انه مستعجل بيعتبروه "زبون لقطة" يعنى بالبلدى "صيدة" و ممكن تشرب سعر اعلى مما تستحق العربية او يكون فيها عيب.

بس كن على ثقة ان مادام كنت امين و انت بتبيع عربيتك لايمكن ربنا يخليك تتغش.

و بعدين مش يمكن ربنا مش قاسم لك تشترى حاجة دلوقت علشان فيه حاجة احسن قدام شوية ؟؟ ماحدش يعرف الخير فين .. مش كده ولا ايه ؟؟

و على فكرة ، حكاية رش دواخل او تغيير ربع او نص او حتى 3/4 دى فى مصر المحروسة بس ... بره الحاجات دى عادى و مش بتعيب العربية ... مادامت حالتها كويسة و مضبوطة ان شاء الله تكون متغيرة كلها ، مافيش مشكلة ... المشكلة دى عندنا بس ... تقولش رش الحوض ولا الشنطة بيقصف عمر العربية مثلا ؟؟؟ ولا هايدارى لو فيها عيب ؟؟؟ انا مقتنع ان دى احدى الفذلكات الفهلوية الفتكة بتاعة الشعب المصرى اللى ورثها ابا عن جد بدون ما يفكر فيها.

عموما سيبك انت ، السعر كده كويس ، و الحمد لله على سلامتك ، اما السمكرى ال .... (بلاش نقول ايه) فكن على ثقة ان ربنا مش هايبارك له فى الفلوس دى ، و فيه حاجة تانية ، المال الحلال عمره ما يضيع ، و بالتالى اما ان ربنا فداك باللى حصل ده من حاجة اكبر (و الحمد لله) ، او ان فلوسك هاترجع لك بشكل تانى بعدين .. بس انت خللى عندك ثقة و ايمان بالله.

و عموما عندى اقتراح يمكن يساعدك :

خش على قسم البيع و الشراء و كمان هنا فى القسم و دور على اعلانات العربيات و اعمل كمان اعلان طلب لانسر بالمواصفات اللى انت عايزها .

و ربنا يوفقك.

آسف للأطالة

و تحياتى