الموضوع: عيوب لانسر بومة 1300 مانوال ؟؟؟؟؟؟؟

المشاركة الأصلية كتبت بواسطة dr ahmed abdelghany

فى الحوادث الكبيرة بفضل الله أمانهم متقارب او زى بعض
لكن فى الخبطات الصغيرة مش زى بعض
الياريس خبطاتها المتوسطة بتوصل بسهولة لما وراء الاكصدام من رادياتير وسربنتينة وطلمبة باور وكمبرسور تكييف وغيرهم لضيق المساحات ولضعف المقدمة.
أنا شفت تويوتا ايكو (ماقبل الياريس) صاحبها من كتر ما الاكصدام اتكسّر منه خيطة بسلك ووصله ببراشيم لانه عارف انه هيتكسر تانى وتالت...
وفعلا المقارنةالصح تكون بين اللانسر والكورولا بس وجهة النظر هى الفئة السعرية واللترية

تفكير دكتور فعلا يا دكتور
كلامك صح 100% و انا معاك فى الكلام ده فعلا
بس انا امبارح عرفت انه تويوتا ليها توكيل فى الغردقة
هل عند حضرتك فكرة عن مركز خدمة او حد بيعمل خدمة لانسر فى الصعيد
لانه انت عارف انه برضه صعب انه الواحد كل ما يعوز حاجة ينزل مصر
انا برضه من ناحيتى هأسال برضه و لو كان فيه هاتبقى حاجة مرجحة جدا انى اختار لانسر 1300 مانوال خليجى عن ياريس 1300 مانوال

و برضه فيه سؤال لحضرتك هل فى الفترة اللى انت معاك فيها لانسر 1300 مر عليك وقت حسيت انها مش عاملة اللى انت عاوزة او ندمت انك جبتها ؟؟؟؟؟ و اذا كان قدام حضرتك فرصه تختار تانى .......هل هتختار لانسر برضه ؟؟؟ و هل فى الفترة دى حضرتك حصل معاك اى مشكلة فى العربية روحت بيها التوكيل زى عيب معين او كده ؟؟؟؟
معلش اسف على الاطالة .

اللهم بلغنا ليلة القدر يا رب العالمين

المشاركة الأصلية كتبت بواسطة dr ahmed abdelghany

1-هل عند حضرتك فكرة عن مركز خدمة او حد بيعمل خدمة لانسر فى الصعيد
لانه انت عارف انه برضه صعب انه الواحد كل ما يعوز حاجة ينزل مصر
ج: يافندم اللانسر مش محتاجة مركز خدمة ومش تبعها القاعدة بتاعة "كل ما يحتاج حاجة ينزل مصر" .. العربية مش بتحتاج حاجة .. مجرد زيت وفلتر كل 10 آلاف وتغيير تيل عند 20 الف أو سير عند 40 ألف إذا كان فيهم مشاكل وكل دا ممكن يتم عند الميكانيكى اللى تحت العمارة.

2-برضه فيه سؤال لحضرتك هل فى الفترة اللى انت معاك فيها لانسر 1300 مر عليك وقت حسيت انها مش عاملة اللى انت عاوزة او ندمت انك جبتها ؟؟؟؟؟
ج: الحمد لله لم أندم عليها خالص لكن زعلان من الحادثة اللى عملتها من كام شهر وراضى بقضاء ربنا وحتى العربية بعد الحادثة أدائها مرضى جدا.

3-و اذا كان قدام حضرتك فرصه تختار تانى .......هل هتختار لانسر برضه ؟؟؟
ج: من المؤكد إنى مش هختار ياريس
ممكن لانسر 1600 أو كورولا (عدا موديل 2009 شكله وحش قوى قوى فى نظرى)
ولو معايا أكتر قوى أجيب أوكتافيا أو تيريوس
غير كده يبقى هامر على طول

4-و هل فى الفترة دى حضرتك حصل معاك اى مشكلة فى العربية روحت بيها التوكيل زى عيب معين او كده ؟؟؟؟
ج: ولا الهوا بفضل الله ، وعربيتى كانت من غير ضمان وعامل بيها دلوقت 50 ألف كم.

الف شكر ليك يا دكتور احمد

و ربنا يحافظ عليك و على سيارتك و يباركلك فيها ان شاء الله

معلش برضه كان فيه حاجات كده سمعتها عن لانسر 1300 و عاوز رأيك فيها برضه :

1- حد قاللى انه سير الكاتينة بتاعها جلد و ده لازم يتغير كل فترة لكن الياريس السير بتاعها جنزير و مش بيتغير

2- انا شوفت اسعار قطع الغيار فى الاتنين لاقيت الانسر اغلى بكتير يعنى الاكصدام فى الانسر 1440 بينما فى الياريس 750 جنيه و برضه الكبوت بتاعها 750 و كمان الكشافات و القطع الميكانيكية ارخص برضه ....فأيه رأي حضرتك ؟؟؟؟

3- برضه حد قاللى انه لانسر 1300 بتنزل بجنط 14 و الياريس 15 و كده اليياريس فى الجنط احسن

4- الاستاذ احمد نوح و هوا من ملاك لانسر 1300 بيقول بتبقى فطسانة و هيا محملة و مشغل التكييف ... وواحد صاحبى النهاردة قاللى انه كان ركب مع واحد لانسر 1300 مانوال و هما 4 و ماشيين على 160 بالتكييف ...مش عارف مين صح و مين بيبالغ ؟؟؟؟؟

5- اخيرا معلش لاسئلتى الكتير بس انا عارف انك انسان محترم و فاضل و مش هاتزهق منى

متشكر ليك و جزاك الله خيرا

المشاركة الأصلية كتبت بواسطة dr ahmed abdelghany

1- حد قاللى انه سير الكاتينة بتاعها جلد و ده لازم يتغير كل فترة لكن الياريس السير بتاعها جنزير و مش بيتغير
ج: فعلا سيرها جلد وبيتغير عند 80 ألف على الأقل ، والكورولا برضه جنزير ، بس دى نقطة بسيطة ومش مكلفة

2- انا شوفت اسعار قطع الغيار فى الاتنين لاقيت الانسر اغلى بكتير يعنى الاكصدام فى الانسر 1440 بينما فى الياريس 750 جنيه و برضه الكبوت بتاعها 750 و كمان الكشافات و القطع الميكانيكية ارخص برضه ....فأيه رأي حضرتك ؟؟؟؟
ج- زى ما قلت لحضرتك قبل كده ان اكصدام اللانسر مش حاجة واحدة ، عموما زى ما فيه أصلى فيه تايوانى ب 400 جنيه + إضافات بحوالى 250 ، القطع الميكانيكية لا أظن انها أرخص ، فيه قطع غيار تايوانى ويابانى خارج التوكيل ومنتشرة جدا بأسعار مقبولة ، وغالبا احتياج هذه القطع نادر إلا فى حال الحوادث لا قدر الله، ومتنساش انك ممكن تلقى أماكن كتير جدا لقطع غيار اللانسر سواء جديد أو استيراد وبأسعار متفاوتة أنما الياريس لأ.

3- برضه حد قاللى انه لانسر 1300 بتنزل بجنط 14 و الياريس 15 و كده اليياريس فى الجنط احسن
ج: صح ....

4- الاستاذ احمد نوح و هوا من ملاك لانسر 1300 بيقول بتبقى فطسانة و هيا محملة و مشغل التكييف ... وواحد صاحبى النهاردة قاللى انه كان ركب مع واحد لانسر 1300 مانوال و هما 4 و ماشيين على 160 بالتكييف ...مش عارف مين صح و مين بيبالغ ؟؟؟؟؟
ج: يختلف الشعور بالسيارة من واحد لواحد حتى لو على نفس السيارة ، عن نفسى شعرت بتأثير بسيط للتكييف على السحب لكنه لم يزعجنى لانه مش مؤثر.
على فكرة أنا سقت الياريس وكتبت تقرير عنها فى قسم المقارنات من فترة كبيرة وهدور لك على اللينك

الف شكر ليك يا دكتور احمد

بس لو امكن اعرف من حضرتك

1- سعر السير الجلد بتاع لانسر 1300
2- مساحة الشنطة فى لانسر 1300 كام
3- لو تكرمت حضرتك تدينى لينك فى اسعار قطع الغيار الجديدة للانسر 1300
4- و برضه احب اعرف من حضرتك تجربتك فى قيادة الياريس


اللهم بلغنا ليلة القدر و اكتب لنا اجرها