الموضوع: عيوب لانسر بومة 1300 مانوال ؟؟؟؟؟؟؟

المشاركة الأصلية كتبت بواسطة dr ahmed abdelghany

ياباشا متقارنش قوة اللانسر كصاج وعضم باليارس إطلاقا
أنا خدت حادثة رهيبة بالعربية عوجت الشاسية عوجة بسيطة لو كانت فى الياريس كان زمانى بدور لها على نص أمامى

اللى بيقولوا الفرامل وحشة تقريبا بيتكلموا على عربية تانية ، فراملها عادية زى باقى العربيات!

الاكصدام حتة كبيرة وبعدين شبكة وبعدين هوايات وفتحات فوج وبعدين مساطر، يعنى مش حتة واحدة على بعضه

معدل الاستهلاك بينهم متقارب أو متماثل

السحب زى ما قلت لك قبل كده

كماليات الخليجى أكتر من المصرى فى ال 1300 ، يعنى السؤال يكون ممكن أجيب المصرى وأبقى أكمل لها الحاجات التانية بعد كده؟


وعلى فكرة أنا عشت التجربة دى بالتفصيل الممل أول عام 2007 وخلاص نظريا قلت ياريس ونازل والله أشتريها لكن لما شفتها وفتحت كبوتها وقدرت الدمار الرهيب اللى ممكن يحصل مع أقل حادثة وبعدين شفت الانسر غيرت رأيى ورجعت بلانسر
نصيب

الف شكر ليك يا دكتور احمد
جزاك الله عنى خير الجزاء

و تقبل منك و منا رمضان ان شاء الله

انت بصراحة طمنتنى على الاخر من ناحية لانسر 1300 مانوال عن الياريس

و برضه كان فيه كام سؤال رفيع :
1- انهو احسن الخليجى و لا المصرى .... مع ملاحظة انى هاشترى ان شاء الله قسط و كمان ساكن فى الصعيد يعنى مفيش مراكز خدمة او توكيل لانسر
2- سعر الاتنين دلوقتى كام لو تعرف يعنى ؟؟؟؟؟؟
3- احسن كاسيت ممكن الواحد يركبه فيها عشان اعرف انها بتيجى من غير كاسيت يكون فيه امكانات كويسة زى ام بى ثرى و اى بود و الحاجات اللى بيقولوا عليها دى
4- هل ممكن الواحد مثلا يجيب المصرى و يركبلها مميزات الخليجى زى الايرباج و لا لا و سعرها تقريبى فى حدود كام .؟؟؟؟؟؟؟
5- معلش اسف لو اسئلتى كتير ...... حضرتك تخصصك ايه ؟؟؟؟؟

مع تحياتى
د/جلال حلمى

المشاركة الأصلية كتبت بواسطة dr.sherif mansy

الله يفتح عليك يا د / أحمد

انت جبت اهم نقطة فرق فى الأثنين ، و أخطرهم

الياريس معمول لها face lift جامد فى رأيى و ده بيخلى الأكصدام الأمامى واخد 3/4 الوش و انا شفت واحد صاحبى عنده ياريس ما شافش عمود صغير فى الأرض قدامه و هو بيركن و قطع الأكصدام ، كنت بتحس ان العربية مقسومة نصين من قدام ، و طبعا تغيير الأكصدام يعنى وش العربية كله

و أسمح لى أضيف نقطة بيشتكى منها كل ملاك الياريس و هى انك مهما تعمل مش هاتشوف نهاية الكبوت ابدا ... فلازم تحفظ الأبعاد كويس (زى الفولكس البيتل زمان)... بعكس اللانسر ابعادها واضحة

الف شكر ليك يا دكتور شريف
و جزاك الله خيرا
على فكرة انا ليا اخ اسمه شريف و برضه دكتور عيون

بصراحة انت و الدكتور شريف اقنعتونى جدا بالانسر 1300 مانوال
و حضرتك تلاحظ من اسئلتى فى المشاركة اللى قبل دى
و حضرتك طبعا لو تعرف معلومة تساعد بيها يبقى كتر خيرك
و برضه فى حاجة كونت عاوز اعرفها و هيا معدل استهلاك البنزين فى لانسر 1300 مانوال ........ لو تعرف حضرتك ؟؟؟
الف شكر على ذوقك و مشاركتك الجميلة

المشاركة الأصلية كتبت بواسطة dr ahmed abdelghany

1- انهو احسن الخليجى و لا المصرى .... مع ملاحظة انى هاشترى ان شاء الله قسط و كمان ساكن فى الصعيد يعنى مفيش مراكز خدمة او توكيل لانسر

ج: الخليجى زى المصرى الاتنين لانسر يابانى ، الفروق فى الكماليات فقط لكن الأساس واحد ، وتقدر تعرف مقارنة تفصيلية فى الفروق التكميلية بينهم من مواضيع القسم

2- سعر الاتنين دلوقتى كام لو تعرف يعنى ؟؟؟؟؟؟
ج: الاتنين فى رينج فوق التسعين - 93 ، السعر بالضبط للخليجى مش عارفه دلوقت لكن المصرى 93

3- احسن كاسيت ممكن الواحد يركبه فيها عشان اعرف انها بتيجى من غير كاسيت يكون فيه امكانات كويسة زى ام بى ثرى و اى بود و الحاجات اللى بيقولوا عليها دى.
ج كينوود بييجى مع الخليجى فغالبا مناسب جدا وهو عندى وزى الفل

4- هل ممكن الواحد مثلا يجيب المصرى و يركبلها مميزات الخليجى زى الايرباج و لا لا و سعرها تقريبى فى حدود كام .؟؟؟؟؟؟؟
ج: لأ مش ممكن وإلا هتضطر تغير طارة الدركسيون كلها ويتعمل لها توصيلات جديدة ودى لا يمكن تقل عن 8 آلاف جنيه إن لم تزيد جدا..
غير كده الفروق مش جوهرية

5- حضرتك تخصصك ايه ؟؟؟؟؟

تخصصى جراحةأنف وأذن وحنجرة وأتمنى أعرف تخصص حضرتك

الف شكر يا باشا على سرعة و تنظيم الرد بتاعك

لا دكتور ...دكتور يعنى

انا يا باشا تخصصى اطفال :10d5c8~1107: و بشتغل فى بنك دم الهلال الاحمر بقنا

طب يا دكتور احمد متوسط استهلاك البنزين كام فى لانسر 1300 مانوال ؟؟؟؟؟؟
انا اعرف انه الخليجى هوا اللى فيه ايرباج ........ يبقى الخليجى احسن و لا ايه ؟؟؟؟ اصل الحاجات الفروقات التانية اللى فى المصرى ممكن تركب لكن الايرباج على كلامك صعب اوى ... صح و لا ايه ؟؟؟؟؟

اخيرا حضرتك عربيتك خليجى و لا مصرى ؟؟؟؟؟؟

متشكر لحضرتك جدا على فكرة انا عندى 33 سنة و عندى مريم سنة و 10 شهور و حمدى عنده شهرين ...... و تشرفت بمعرفة حضرتك