إستفسار بخصول السيمبول

**ahmedezar** · 07-09-2009 04:37 PM

السلام عليكم

يا جماعة أنا بستفسر بخصوص الرينو السيمبول الجديدة تفاصيلها و مميزاتها عشان بفكر أشتريها

والللينك الوجود هنا في موضوع أهم المواضيع بقسم رينو مش شغال

ومش قادر أعرف اي شئ عن العربية دي

وشكر لكم و للمنتدي

**mitch102** · 08-09-2009 12:04 AM

أخي الكريم بخصوص السيمبول هي موتور 1400 سي سي 98 حصان 2 كامة 16 صباب (نفس موتور الكليو 2005 تقريبا) 4 زجاج كهرباء سنتر لوك 1 ايرباج cd mp3 تحكم كامل في الراديو و السي دي من عجلة القيادة باور ستيرينج و تكييف موجود منها مانيوال ب 79 ألف و أتوماتيك ب 86 ألف ( رخصت 4 ألاف جنيه بعد ما أشتريتها لوووووووووووول) موتورها ناعم جدا و سحبها مريح و استهلاكها للبنزين معقول جدا حوالي 7.5 لتر / 100 كم على الظوالي و 10 لتر / 100 كم داخل البلد ، و كمان فيها كمبيوتر رحلات و تحكم في توجيه مرايات الأجناب بالكهرباء ( بس بيقفلوا مانيوال) و هي لسة مش منتشرة أوي خصوصا في اسكندرية ما أعرفش ظروفها ايه في القاهرة ... يعني دي نبذة بسيطة عن السيارة من واقع تجربتي لها من شهر فبراير الماضي الى الآن ، مشيت بيها حوالي 8 ألاف كيلو منهم سفرية محترمة من الأسكندرية لسفاجا و بصراحة كانت مريحة جدا

**ahmedezar** · 08-09-2009 10:44 AM

متشكر جدا أخي الكريم لردك

وفي أنتظار ردود أخري من الأعضاء

شكرا

**tofy_urban** · 08-09-2009 11:02 AM

شوف الرابط ده
و تابع مايكتب عن السيمبول و روح شوفها في اي صالة عرض تابعة للتوكيل علشان تقدر تحكم بنفسك و انتظر راي باقي الاعضاء

**ahmedezar** · 08-09-2009 11:06 PM

المشاركة الأصلية كتبت بواسطة tofy_urban

شوف الرابط ده
و تابع مايكتب عن السيمبول و روح شوفها في اي صالة عرض تابعة للتوكيل علشان تقدر تحكم بنفسك و انتظر راي باقي الاعضاء

أخي الكريم مشكور جدا علي الرابط ده
بجد أفتدني كتيرا

بس معلش سؤال انا دورت علي العربية في بعض مواقع اختبارات السلامة الاوربية مش لاقي

عندك فكره هيا ليها ولا لأ؟

**tofy_urban** · 09-09-2009 01:55 AM

هي مش موجودة لان العربية طرحت اول مرة السنة اللي فاتت في معرض موسكو و طبيعي انك مش هاتلاقي ليها اختبارات لسه لانها لسه جديدة لكن اعتقد انها مش هاتقل عن الكليو و الكليو واخدة درجات كويسة ,, و علي العموم العربية اخدت جائزة اوتوستوب و دي جائزة بتوزع في عدة دول نتيجة تصويت متخصصين في السيارات و دي جائزة لافضل سيارة قيمة مقابل السعر و الجائزة دي بتكون في حوالي 16 دولة في شرق اوروبا و روسيا
Dacia Group - The 'Autobest 2009' award goes to new Renault Symbol/Thalia
ده موقع داتشيا بيشرح الجائزة و الدول اللي بتقارن بيها العربيات لاننا متفقين ان العربيات اللي في الفئة السعرية دي بتبقي مخصصة للدول الاقل تقدما مع انها مقارنتاً بمصر و كوريا دول اكتر تقدما بمراحل و نبدا بالدول ( روسيا - بلغاريا - التشيك - قبرص - كروتيا - يوغسلافيا - مقدونيا - اليونان - المجر - بولندا - رومانيا - صربيا - سلوفكيا - سلوفنيا - تركيا - اوكرنيا )

**ahmedezar** · 13-09-2009 03:20 PM

مشكور جدا الأخ tofy_urban ومعلش علي تأخيري في الرد

أنا تابعت بعض المواضيع هنا بخصوص السيمبول و اللوجان والمواتير بتاعتهم

انا عايز أعرف انت اشتريتها و لا لسة و أخبارها اية لو كنت اشتريتها

أنا كمان مستريح ليها و روحت التوكيل ملقتهاش عشان اشوفها كويس وخدوا تليفوني

في حاجة كمان بتميزها أن الشنطة واسعة تقريبا 510 لتر و ده هيفدني كتير لما أحولها غاز لأني ساكن في حدائق الأهرام و شغلي هيتنقل إلي التجمع الخامس كمان فترة فهيوفر معايا

وشكرا ليك

**Ahmed Selim** · 13-09-2009 09:27 PM

المشاركة الأصلية كتبت بواسطة ahmedezar

مشكور جدا الأخ tofy_urban ومعلش علي تأخيري في الرد

أنا تابعت بعض المواضيع هنا بخصوص السيمبول و اللوجان والمواتير بتاعتهم

انا عايز أعرف انت اشتريتها و لا لسة و أخبارها اية لو كنت اشتريتها

أنا كمان مستريح ليها و روحت التوكيل ملقتهاش عشان اشوفها كويس وخدوا تليفوني

في حاجة كمان بتميزها أن الشنطة واسعة تقريبا 510 لتر و ده هيفدني كتير لما أحولها غاز لأني ساكن في حدائق الأهرام و شغلي هيتنقل إلي التجمع الخامس كمان فترة فهيوفر معايا

وشكرا ليك

غاز ؟؟؟؟؟ حرام عليك........هيقصف عمر الموتور

و بعدين موتورها 1400 سى سى و موفر فى البنزين